عطر الشموع :

نرجع بقى لمرجوعنا الزوج -------الزوجه-------الزواج ببساطه القصه كلها في 3 كلمات و 3 محاور موده رحمه تفاهم ..........و حطي بقى على تفاهم دي 100000000 خط يا جماعه الموضوع شركه بتقام بين اتنين معندهمش اي حاجه و لسه ماسكين في الصفر و كما نعلم عن اي شركه انها بتحتاج لدراسه جدوى +راس مال+شركاء و لكي تنجح هذه الشركه يجب ان تنمو و تنمو بالامانه و حب العمل و التقدم و التسلح بالعلم اما شركه الزواج فايضا لها اهداف و طرق لانمائها طب ليه بقى احنا في البيزنس بننجح و في الزواج بنفشل؟؟؟؟ لان في البيزنس مش بنتنازل عن حقوقنا ابداااا كما اننا نساند بعض في كل الامور التافه منها قبل المهم انما للاسف في الزواج بنيجي على نفسنا و نتنازل عن حقوقنا و نقف ضد بعض و ده ضد ال3 محاور اللي هما الموده و الرحمه و التفاهم مش معنى اني اتجوزت و اني بحب جوزي يعني اتنازل عن حقي و اجي على نفسي و الغي كياني و احتياجاتي عشان بحبه و هو جوزي !!!! يعني طبعا بحترم الاراء اللي قالت المفروض اننا نعطي حب و لا ننتظر المقابل و المفروض اننا بنعامل ربنا ..... و لكن ربنا هو اللي اعطانا حقوقنا ربنا هو اللي اعلم بينا و سبحانه و تعالى في ايات كثيره جداااا طالبنا بالا نتنازل عن حقوقنا و افضل الخلق رسولنا العظيم لم يظلم زوجاته ابداااا بل كان يساعدهم في شئون المنزل و يستمع لهم و لشكواهم و يغدق عليهم بالحب وهو الذي قال رفقا بالقوارير ___و استوصوا خيرا بالنساء (اعذروني لو في حاجه غلط في الاحاديث) انا بقى هزكي نفسي او زوجي هيزكي نفسه على رب العالمين (استغفر الله )؟؟؟ و لا هنزكي نفسنا على سيد الخلق ؟؟؟؟ الموضوع هات و خد يعني زي ما قالت سجى ازاي انا هفضل اربي العيال وانظف البيت و اخلص المشاوير و اجامل القرايب و ممكن انزل الشغل و ادبر الفلوس و الميزانيه و كماااااااااااان ازوق نفسي و اسهر استناك و ادلع و ادلع فيك و اعملك اكل و حضرتك قاعد ادام التليفزيون ولا بره مع صحابك؟؟؟؟؟!!!!!!!!! دا لو فصلنا سوبر وومان مش هتقدر على كل ده ولو واحده استحملت سنه و اتنين و 10 هتيجي و هتنفجر في الاخر يا اما هتعيا و تنهار (هذا النموذج شفته بعيني و هحكيلكم عليه بعدين) و للاسف الشديد احنا في المجتمعات العربيه بنربي ابناءنا غلط جدااااا و اكل ام هي المسئوله عن ان الزوج لا يتحمل المسئوليه يعني الولد يفضل ياكل و يتدلع و يقولوا لاخته قومي هاتي الاكل لاخوكي قومي وضبي سرير اخوكي قومي ساعدي ماما عشان بابا و اخوكي قربوا ييجوا و لازم يلاقوا كل حاجه جاهزه .... و هكذا يوميا و دائما و ابدا.....(انا كنت الاخت المقهوره ) بالتالي هو بيشب لا يعبا بشئ و لا يشعر بشئ و للاسف بيتعامل مع زوجته زي ماكان شايف اخته و مامته وده بيت القصيد هتقولولي طب احنا نعمل ايه و ده فكر يشمل العرب معظمهم هقولكوا بقى (التمسك بحقك من اول ربع ساعه ) يعني من اول ليله الدخله و عامليه عادي يعني تعبانه يبقى تعبانه ساعدني في كذا بليز عشان مش هلحق اخلص اللي ورايا ياريت بقى تتعود يا حبيبي تعلق هدومك عشان انا ورايا تجهيز الغدا ياريت لو هتتاخر تتصل بيا تقوللي عشان انام بص يا حبيبي انا محتاجه يوم لنفسي عشان اخرج اروح للكوافير و اقابل اصحابي و افرفش شويه الخ................. ولو من اول يوم عودتيه على كدا هيفهم ان فعلا الزواج ده شركه ولازم كلنا نتعاون عشان نكبرها انما للاسف احنا نتجوز من هنا .... و انا هجيبلك المياه يا حبيبي متقومش انا هاكلك في بقك و اوعى تتعب نفسك يا روحي و تشيل الطبق انا يا عيوني هخلص كل المشاوير بكره و هقوم من الفجر عشان اجهزلك الغدا قبل ما انزل الو يا حياتي اوعى تتعب نفسك و تجيب حاجه معاك انا هنزل كارفور اجيب كله ياروحي يا حياتي عايز تسهر اوك نسهر مش مشكله انام هروح الشغل صاحيه المهم اعد معاك يا حياتي و النتيجه تعود على هذا الاسلوب و مزيد من الضغط عليكي و خاصه بعد مجئ الاطفال و لما تبداي تفتكري نفسك و تبصيله و تقوليله انا تعبت هيقولك دي مسئوليتك يا هانم !!!!!! يبقى من الاول احنا اللي فرطنا في حقوقنا و للاسف غصب عنك بتبداي تتعبي و بتزهقي من الساقيه و من هنا يبدا الحب في الاندثار و فقط نستمر من اجل الاطفال و ضل راجل ولا ضل حيطه ..... و هنا نكون فقدنا المحورين الاساسيين وهما الرحمه و بعدها الموده اما المحور التالت و المهم اهميه رهيبه ::::::::::::::::::::التفاهم انا عارفه اننا اتربينا على كبت المشاعر و على التحمل و الصمت و كل الحاجات الغلط دي..... بس لازم تتعلمي تتحاوري انت و زوجك تتعلمي تفصحي له عن كل ما بصدرك تعلميه ان يتكلم و يتحاور معكي في كل شئ و عن كل شئ (انا ليا واحده صاحبتي تقوللي ياريت اقدر اتكلم معاه زيك بس انا بتكسف اقوله عن اللي جوايا )!!!!!! طب يا جماعه لينا مين اقرب من الزوج وهو السكن ؟؟؟؟؟؟ لازم تتدربوا على الحوار البناء لان الحوار هو اللي هيبقى الصله النفسيه قائمه بين الزوجين ولا يبقى مجرد اتصال جسدي فقط لا غير ده والله ماهو كلام جرايد بس حقيقي كلامي عن تجربه فعليه يعني انا نويت اني عمري ما هكذب عليه و فعلا عمري ما كذبت بس لو عايزه حاجه بقولها مهما كانت يعني لو زعلانه من مامته بقولله بصراحه وهو نفس الشئ و مش بنزعل من بعض لان هو ده الحوار انني اقوله و اناقشه في اللي بيضايقني و اللي بتوقعه منه وهو نفس الشئ لان مش ممكن هفضل ساكته و متخيله انه هيفهم و هيحس !!!!! بصوا يا بنات اللي عنده مشكله مع زوجها لازم تعمل وقفه و تاخده كدا في وقت هادي و تتكلم و تطلب منه يسمع وهو كذلك يتكلم و انت تسمعي و عن تجربه في طريقه فعاله جداااااااااااااااااااااااااااااااااااااااااااا وهي البعد الجسدي لمده شهرين و التعامل كاصدقاء و كمخطوبين يعني بعد جلسه تحاور و صراحه اتفقنا اننا نبعد فتره عشان نهدا و فعلا فضلنا شهرين اصدقاء و النتيجه اني لقيته بيوحشني فبقيت ببعت له مسجات طول النهار زي ايام الخطوبه وهو كمان ابتدا يتحرك و يتكلم و يبعتلي مسجات و يفاجئني بهديه و انا كمان افاجاه باكله بيحبها نعد نتفرج سوا على شريط فرحنا و صورنا كلها القديمه بقينا بعد ما ابني ينام نطفي التليفزيون و نتكلم و نعيد و نزيد في ايامك زمان و ايام الكليه و ايام الخطوبه و بجد يا بنات ده ادانا فرصه كبيره في اننا نعرف ايه اللي مضايقنا من بعض و بجد كنت بقولله قوللي ايه اللي مش عاجبك فيا و ايه اللي اتغير فيا عن ايام الخطوبه وهو نفس الشئ و طيله الاجازه الزوجيه دي كنا بنحاول احنا الاتنين نتجنب الحاجات الوحشه و حاولنا نسترجع الحاجات الحلوه و بجد الموضوع ده فرق جداااا طبعا في منغصات كتيير من وقت للتاني بس الحمد لله التفاهو الصراحه بيساعدونا نتجاوز الازمه على فكره يا ملكه الرومانسيه انا كنت زيك كدا اول ما اتجوزت لاني فضلت 7 شهور ماجله الحمل بس طبعا بعد البيبي الدنيا بتتغير كتييير و لكن بفضل الله و بفضل حفاظنا و تمسكنا بال 3 محاور الامور بتمشي الحمد لله بصوا انا بقى لي ساعه بكتب و الدنيا ساقعه و ايدي اتجمدت هستنى تعليقاتكوا و اوعوا متعلقوش بعد التلج دا كله

نرجع بقى لمرجوعنا الزوج -------الزوجه-------الزواج ببساطه القصه كلها في 3 كلمات و 3 ...

spanishflower :

صباح الخير عليكم يا بنات femal اهلا بيكي معانا كلام عطر و ماما زوزو جميل جدااااا سجي كلامك الاولاني مفهمتش منه ان انتي اصدك علي موضوع الرومانسيات العجيبه اللي هنا في المنتدي لانهم هما اللي غلط و بصراحه باحس انهم بيتصنعوا الحاجات دي لاخفاء عدم القدره علي التواصل الطبيعي او العاطفي مع الزوج لانهم فعلا اوفر انا اللي اصدته اني حسيت من كلامك ان حتي المعاملات العاديه اللي انتي اديتي امثله ليها دي متبقاش الا بالمثل و الند بالند و ده اللي اتكلمت علي اساسه عطر كلامك مظبوط من ناحيه ان كل طرف ليه حقوق وواجبات و انها شركه و و و صح جدااا بس متبقاش علشان انتي مش بتاعملني بالمثل يبقي انا كمان هاعمل زيك اللي انا متاكده منه ان الستات في الوقت الحالي بقت بتعمل كل حاجه في الحياه بس برضه الستات زمان كانت كده انا مثلا عمر ما بابا كان بيذاكرلنا او بيطبخ او بينظف البيت بس في المقابل كان لا يعمل العكس يعني ميرمييش هدومه علي الارض يساعد لو ماما كانت تعبانه الطبيعي يعني و انا جوزي كده برضه الحمد لله فمش عارفه ايه اللي اتغير مش معقول ان في زوج لما هيلاقي مراته تعبانه مش هبساعد دا يبقي اكيد في خلل عنده هو في الشخصيه مش في العلاقه بينهم اللي عايزه اقولوه ان عاده الست هي اللي بتبقي معطاءه و مش معني كده انها متنازله عن حقوقها و مش معني معطاءه انها مش بتتعب و تفضل تشتغل زي الماكينه لاء طبعا معطااااءه يعني هي الصدر الحنين في الموضوع هي المحرك الاساسي للعلاقه يعني زي ما عطر قالت هي اللي اقترحت علي جوزها/ هي اللي بدات/ لان الست فعلا هي العاطفيه و بعدين فين الراجل ده اللي في الوقت الحالي بتاعنا بيقي عنده وقت علشان يقعد يتفرج علي التليفزيون و لا فاضي اصلا هتلاقي ان 3/4 الازواج او اكتر في الشغل فتره طويله جدااا يعني انا جوزي طبيب و كان بيشتغل الصبح و بعد الظهر الي الساعه 1 بالليل ايه راءك و هنا كمان بيشتغل لحد 10 مثلا و عندنا تاني يوم شغل انا لاااااااااااا اقلل ابداااااا من المسؤليات اللي علي الزوجه لاني شايلاها كلها و عارفه بلاضافه اني مش ضد ان الست تشتغل بره البيت لاني انا دكتوره اللي اقصده انها متقولش علشان انا كمان باشتغل بره يبقي عليا الحمل مضاعف لاننا احنا اللي اخترنا كده اللي اقصده ان كل زوجه المفروض انها تبقي عارفه زوجها و تدرسه و تعرف مدخله او مفتاحه ايه مش ماشيين كده بالبركه و اكتر حاجه غلط عندنا اننا مش متواصليين يعني حتي مع اولادنا و اهلنا اننا فاكريين انهم هيفهموا اننا بنحبهم بالمراسله او من غير ما نتكلم و محدش يقول ان الفعل اقوي من الكلام لااااااااااااااااااا الكلام الكلام هو الاهم و حتي مادو اديت مثال علي نفسها و مامتها و باباها المشكله في العلاقه الزوجيه اننا كل واحد واخد جنب و مستني التاني هو اللي يقدر و يفهم انا باعمله ايه و من غير كلام علي الصامت يعني:hahaha: و ده غلط الكلام و الحوار و النقاش و الخناااق حتي مطلوب و بصراحه بابقي مش عارفه الستات مستنيه ايه او امتي علشان تعمل علاقه قويه مع جوزها هو احنا هنعييش كام مره ليه منقربش من بعض نفسيااااااا و نتعامل اننا اصحاب و الله و الله بعد فتره هتلاقيكوا اصلا فهمتوا بعض و عرفتوا ردود افعال بعض من غير ما تتكلموا و مش علشان كان عندك كبت قبل الجواز يبقي تستمري لاء طبعا طلنا تقريبا متربيين بنفس الطريقه و انا شايفه انها غلط لكن منستسلمش ليها ميبقاش موت و خراب ديار:hahaha: و الزوج طبعااااااااااااا عليه انه يهتم يبيها و علشان كده قلت ان زي ما الشيخ محمود المصري عمل محاضره للزوجه عمل قبلها محاضره للزوج كيف تسعد زوجتك لكن يا عطر رفقا بالقوارير و كل الاحاديث مش معناها اني باتنازل عن حقي ؟؟؟؟؟؟ الزوج الطبيعي زي المثل اللي اديته ميرو مثلا مقدر كل اللي بتعمله و هو قال كده فعلااااا و حطي تحتها 100 خط لكن حاسس انه بعيد عن زوجته نفسيا يبقي كده مش رفقا بالقوارير ؟؟؟؟؟؟ دا بالعكس دا هوه عايز اكتر و عايز يقربوا اكتر و لو هو متكلمش يبقي يا سجي لازم هي اللي تقعد معاه و تكلمه و تقوله ان احنا بعدنا اوي عن بعض و عايزيين نرجع تاني نفسيييااااااااااااااااا محدش قال ان في تفرقه التفرقه دي احنا اللي بنعملها من اننا مش بننظم حياتنا صح يعني احنا عندنا في مصر فتره خطويه و الفتره دي المفروض معموله علشان ندرس بعض و نتعرف علي بعض و طبعا مفييش حد بيعمل كده و بالتالي نلاقيهم دخلوا علي الجواز و هما مش عارفيين بعض و بعد ما العسل يبخلص نلاقي الصدمه ايه ده؟؟؟؟؟ كل اللي باقوله اننا صح لينا نفس الحقوق و الواجبات بس احنا اللي لازم نبيتدي و احنا اللي نبقي عطاءيين اكتر في المشااااااااااعر و اننا احنا اللي علينا الدور في كده و لما هنعامل ربنا هتلاقي جواكي انك مش منتظره منه شء ده بيريح نفسيا لان في ازواج سهل التعامل معاها و التفاهم و في ازواج مهما عملتيله مش هيقدر و بالتالي هتلاقي الزوجه هترمي نفسها من الشباك لانها خلاص اقطع نفسي:06: انا زي عطر علي فكره متجوزيين عن حب و اقتناع تاااام الحمد لله بس هو اكبر مني و موضوع الرومانسيات يا سجي اما مقتنعه تماماااااا ان اللي هنا في المنتدي ده----- و لا بلاش :D الاهتمام بنفسك و بعلاقتك الخاصه بزوجك لا يمكن راجل سوي و عارف من قلبه ان مراته بتحبه و بتتعب علشانه هو و اولاده و في ما بينهم جلسات مصارجه و معاتبه و انا باسمها اعاده شحن البطاريه مع جوزي عمره ما هتلاقيه يقابل الاهتمام بالعكس هتلاقيه يجب جدااا و يفرح جداااا انه هيروح البيت و الزهق و الملل دا طبيعي في اي علاقه لانها روتين و اي حاجه في الدنيا فيها روتين لكن عاده الست هي اللي بتزهق اسرع و هي اللي في ايدها التغيير اصل انا مقتنعه ان الست لو هي اللي قررت انها تكسب جوزها و تغير من حياتها هتقدر و مش معني اني باعاما ربنا اني اتنازل عن حقي لاء طبعا يا جماعه الاسلام قال المسلم القوي احب من المسلم الضعيف و برضه قال اننا نقابل السيءه بالحسنه معني كده ان في تتاقض؟ ابداااااااااااا المعني ان الست تبقي قويه داخليا يعني عارفه حقوقها وواجباتها و في نفس الوقت بتتعامل مع ربنا يعني بالحسني مش معناها اني باتعامل مع ربنا اتقاء شر الزوج او علشان انا ضعيفه و لا مش عارفه ايه حقي؟؟؟؟؟ و انا باتكلم عن تجربه و عن تجارب تانيه في عيلتي و اصحابي كفياه رغي بقي سلام

صباح الخير عليكم يا بنات femal اهلا بيكي معانا كلام عطر و ماما زوزو جميل جدااااا سجي كلامك...

الملكة الرومانسية :

عطر الشموع كلامك فيه جزء كبير من الحقيقة لكن مش هو الحقيقة كلها معظم الرجالة دلوقت (إلا من رحم ربي) متعرفش يعني إيه مسئولية لأنه متعودش يشيل المسئولية يعني ببساطة ما اترباش على الرجولة أساسا لأن أ ب الرجولة هي المسئولية لكن مش معنى اني أدلع الزوج اني أشيل مسئولياته بداله لكن في نفس الوقت ده ميمنعش اني أقوم بيها بداله أحيانا فيه معنى انا تقريبا مش عارفة أوصله فيه شعرة فاصلة بين رأيي ورأيك يعني المثالين اللي ذكرتيهم (التمسك بحقك من اول ربع ساعه ) يعني من اول ليله الدخله و عامليه عادي يعني تعبانه يبقى تعبانه ساعدني في كذا بليز عشان مش هلحق اخلص اللي ورايا ياريت بقى تتعود يا حبيبي تعلق هدومك عشان انا ورايا تجهيز الغدا ياريت لو هتتاخر تتصل بيا تقوللي عشان انام بص يا حبيبي انا محتاجه يوم لنفسي عشان اخرج اروح للكوافير و اقابل اصحابي و افرفش شويه الخ................. ولو من اول يوم عودتيه على كدا هيفهم ان فعلا الزواج ده شركه ولازم كلنا نتعاون عشان نكبرها انما للاسف احنا نتجوز من هنا .... و انا هجيبلك المياه يا حبيبي متقومش انا هاكلك في بقك و اوعى تتعب نفسك يا روحي و تشيل الطبق انا يا عيوني هخلص كل المشاوير بكره و هقوم من الفجر عشان اجهزلك الغدا قبل ما انزل الو يا حياتي اوعى تتعب نفسك و تجيب حاجه معاك انا هنزل كارفور اجيب كله ياروحي يا حياتي عايز تسهر اوك نسهر مش مشكله انام هروح الشغل صاحيه المهم اعد معاك يا حياتي انا باعملهم الاتنين ده مش تناقض ولا شيزوفرينيا انما انا لو تعبانة هاقوله يساعدني وهو هيقدر تعبي ويساعدني لو قاعدين في لحظة روقان ومحدش مننا تعبان مفيش مانع اني أجيبله المية لحد عنده المشاوير وطلبات البيت هو اللي بيعملها لكن مفيش مانع اني أعملها لوحدي من باب الجدعنة لو هو مشغول باروح أجيب طلبات البيت وادفع فاتورة التليفون والكلام ده كله باقوله انا عايزة أخرج اشوف اصحابي كل فترة عادي جدا لكن في نفس الوقت بابقى تحت أمره في أيام تانية وباستناه لما يتأخر بره وكل حاجة زي ما قلت امبارح إن أنت أكرمت الكريم ملكته وإن أنت أكرمت اللئيم تمردا الزوج لو إنسان كريم الدلع هيملك قلبه ويخليه يخجل من نفسه فيدلع زوجته زيادة الكلام اللي باقوله ده مش من الخيال انما دي أمثلة واقعية بتحصل في حياتي وحياة ناس غيري باشوفها قدام عينيا وبرغم كده مش معنى اللي باقوله ده ان احنا ملايكة برضه جوزي أحيانا بييجي على حقي وبيتدلع عليا وأحيانا انا باظلمه معايا وباحمله مصاريف زيادة لكن بشكل عام الحياة ماشية بيننا كويسة لأننا بنصارح بعض بكل حاجة ولو حد عمل حاجة زعلت التاني بيقوله على طول وهو ده سر الحياة الناجحة اما بقى الحاجة اللي مش فاهماها انك كنتي زيي في أول الجواز لأنك فضلتي 7 شهور مأجلة الحمل؟! زيي في إيه بالظبط؟ وإيه علاقة كل اللي قلناه ده بالحمل؟

عطر الشموع كلامك فيه جزء كبير من الحقيقة لكن مش هو الحقيقة كلها معظم الرجالة دلوقت (إلا من رحم...

الملكة الرومانسية :

واضح ان كلامنا هيطول مع بعض الغربة أكيد ليها دخل كبير في الموضوع سواء الإحباط أو التقوقع أو ضعف الإرادة أو ضعف الإيمان أو ضعف العلاقة بالزوج كلنا محتاجين بطاريتنا تتشحن من وقت لآخر سواء الإيمانية أو الزوجية وكل حاجة في حياتنا لكن قبل شحن البطارية لازم يبقى فيه هدف كبير وخطة واضحة لتنفيذ الهدف على فكرة انا كمان فرحانة بيكي زي الطفل الصغير لما بيفرح بلبسه الجديد :arb: يعني مش انتي بس اللي فرحانة واضح انك ما بتتكلميش كتير وكتومة بطبعك وكون انك قررتي تخرجي من حاجز الصمت وتكتبيلنا وتحكيلنا عن نفسك ده في حد ذاته مؤشر كويس جدا استنيني علشان هارجعلك تاني مخصوص

واضح ان كلامنا هيطول مع بعض الغربة أكيد ليها دخل كبير في الموضوع سواء الإحباط أو التقوقع أو ضعف...