زوجة مصرية :

يا رب اجعل هذا الموضوع فاتحة خير لكل أخت مسلمة بتقراه أو بتشارك فيه يا رب يا حنان يا منان يا غفور يا رحيم تقبل منا تقربنا إليك يا رب وعدت ووعدك الحق فى حديثك القدسى أنا عند ظن عبدي بي أنا معه إذا ذكرني - فإن ذكرني في نفسه ذكرته في نفسي - وإن ذكرني في ملأ ذكرته في ملأ خير منه - وإن تقرب إلي بشبر تقربت إليه ذراعا -وإن تقرب إلي ذراعا تقربت إليه باعا - وإن أتاني يمشي أتيته هرولة فى ابتدائى كانت الصلاة دايما لكسب رضا الكبار والاهل دايما يفخروا بفلانة اللى بتصلى فى اعدادى وفى تانية اعدادى تحديدا تعرفت على من لها الفضل عليا ربنا يجازيها كل خير عنى وعن كل من كانت سبب فى هدايتهم ، كانت فى مدرسة من المدارس الإسلامية وما كانتش منتشرة فى مدينتى وأنا كنمت مدرسة خاصة عادية كنا فى معسكر صيفى فى مدرسة تالتة وبدأنا نقول يومنا زى الموضوع ده كده أنا الحمد لله نشأت فىة أسرة ملتزمة إلى حد كبير لكن كان فكر التربية نفسه مش التوجيه ، كانت كلمة والدتى المأثورة أنا عارفة انكم لما تبقوا فى بيوتكم هتكونوا زيى ...عليها رحمة الله ، أنا ابدا مش باتهمها بالتقصير كل جيل وله فكره وكمان كان أقصى شئ متاح وقتها بالنسبة لهم فى التى فى الشعراوى كل جمعة وما اكثر من ذلك اجتهاد شخصى........... فوجئت بدنيا تانية خالص صحيان مخصوص للفجر وأذكار ..كنت باشوف امى الله يرحمها ماسكة كتاب وتقرا فيه واسألها ايه ده؟ تفقولى باذكر ربنا..كنت فاكرة انها مثلا تقول يا رب يا رب...كده يعنى....ومش عارفة ليه ما كنتش بأسألها؟؟؟؟؟؟؟؟؟؟؟؟ كنت وقتها فاكرة ان الفجر ده سنة ده حتى جدى بيصحى له مخصوص عشان هو راجل عجوز وكده وكنت فاكرة ان أى صلاة ممدودة للى بعدها يعنى يتفع اصلى الصبح لغاية الظهر ما ييبجى وقته كنت أول مرة اسمع تعبيرات"جزاك الله خيرا وكنت بارد عليها ميرسى..فكانت تبتسم كده وتقولى قولى " واياكم" قولى ولكى مثل ذلك" وطلبت منها تعلمنى واحدة واحدة وادتنى كتب وشرايط يعنى الحمد لله التزمت بدرى بس الصحبة كنت بصلى وقتها فروض وسنن وكمان قيام ليل أحيانا وسبحان الله سافرت اختى الكريمة دى وبدأت أضعف لغاية ما بقت صلاة فروض ومعاملات ، بس الحمد لله كانت سبب انى اتحجبت بدرى جدا بالنسبة لباقى اصحابى واخواتى ومش عايزة اقولكم بكت اد ايه لما شافتنى اتحجبت وبقت تحضنى وتقولى الحمد لله الحمد لله احنا اتربينا على الصح والغلط والعيب أكتر من الحرام والحلال ..ده جيلى على الأقل بسش احنا ان شاء الله حالنا هيكون أفضل مع أولادنا

يا رب اجعل هذا الموضوع فاتحة خير لكل أخت مسلمة بتقراه أو بتشارك فيه يا رب يا حنان يا منان يا...

ســــجى الليل :

اعتقد ان ملفنا ده بينطلق من مبدأ استغلال الوقت والعمل على ادراك قيمة الوقت وعدم تضييعه ... يعني اليوم يبقى مدروس والاسبوع والشهر والسنه ... انا في يومي حققت ايه وكذلك في الاسبوع والشهر و الى اخره ... مجموعه من الاهداف اسعى الى تحقيقها من خلال استغلالي للوقت ... وده موش معناه فقط من ناحية العبادات لأن اهتمامي ببيتي مهم من الناحية الدينيه وكذلك اهتمامي بنفسي بردك مهم من الناحية الدينيه ... و موش حقدر احقق اهدافي الدينيه بدون سرعة انجاز مسؤلياتي ... وبقترح اننا نحط مجموعه من الاهداف نسعى الى تحقيقها سواء في علاقتي بربي او بالناس اللي حواليا واهمهم اولادي والتركيز على تربيتهم لأن دي اكبر واهم مسئوليه ... وكمان اهداف متعلقه بنفسي انا من ناحية تكويني ثقافيا ولغويا ... وكلنا نساعد بعض ونضع جداول استغلال للوقت مع بعض بما يتناسب وظروف كل واحده ... وبدأ بالتدريج واحده واحده وبالقليل القليل ... ادخلوا الدين برفق ... بقترح ان كل واحده فينا تطرح هدف ونجمع الاهداف دي ونشوف انهي اللي حنبدأ بيه ولو ممكن هدفين في وقت واحد يبقى ماشي وذلك على حسب مقدرتنا ... وفي سبيل تحقيق الهدف ده نتشاور وندرس كيفية تحقيقه والتعود وده اهم حاجه على طريقة تحقيقه ... ولازم يبقى فيه محاسبه على التقصير وكمان التذكره تبقى مستمره ... قوليلي يا ايمان ايه رايك في الكلام ده اللي قولته وكمان باقي البنات ... علشان موش عاوزين نمشي بعشوائيه عاوزين يبقى كل شئ محدد ومدروس وواضح وتبقى خطه مجمعين عليها وماشيين عليها ....

اعتقد ان ملفنا ده بينطلق من مبدأ استغلال الوقت والعمل على ادراك قيمة الوقت وعدم تضييعه ......