لا الله الا الله ياملوكة وانا هادية خالص دنا اسمى هدى حتى العلاقة من ناحية المشاعر زى ماهى بالعكس يمكن الارتباط العاطفى زاد اانا مشكلتين شق مادى هو مدرس بس مش بيدى دروس ومفكرش انه يعمل حاجة ثانية حتى عندة املاك بيوت ايجار قديم السكان الى مات ولاى جه مكانة من الكسل مش بيجرى على مصلحة ودى اكثر حاجة بتحبطنى والمساعدة فى البيت مش يغسل مواعين بس لو فاضى ممكن يكوى لنفسة ودة بيحصل بمشكلة قاعد على النت او بتفرج على التلفزيون وعاوز الى يجبلة الشاى ويفكره يشربه كمان جزء البيت بارك الله فى بناتى خفوا الوضع دة لاكن بزعل لما حد بيذاكر ويقومها تعمل شاى وتجيب مياه ويقل يعنى بتذاكر على طول طيب منا صدقت تذاكر وبالنسبة للنواحى المادية انا قدرت الدخل الى بيجى من عملى انه من ربنا ولو مكنش الدخل ليه كان هيبقى ليه والحياة ماشية
على فكرة المشاركة الى فاتت كان قصدى عطر مش سجى

اهلا بيكي ام النصر
خلاص انا عزمت نفسي على محشي وملوخية بالفراخ

ملكه
بصي يا سكر
على قد ما تقدرى تصلى صلى
ممكن يفوتك صلاه العصر مثلا
وتصلى المغرب وسنته ساعات الواحد بتبقى صحته مساعداه
وساعات بيبقى مهدود على الاخر
وربنا يبارك لك فى وقتك

حبيبتى ملك دا انتى تنورى بنى سويف كلها

ام البنات انا كمان اسمى هدى بس مش هادية خالص:mad:

ازيكم يا حلوين ...
مادو نفسي بس اعرف انتي جالك انطباع اني معترضه منين ... اقولكو على حاجه حكايه اننا بنكتب واحنا موش شايفين بعض بتخلي كل واحد ممكن يفهم كلام اللي قدامه بطريقه معينه ممكن موش تبقى هيا المقصوده ...

وبعدين في حاجه يا جماعه احيانا الواحد بعيش فتره طويله من عمره وهو بيتصرف بطريقه معينه وفي حاجه معينه بردك وفاكر انها الصح ومقتنع بكده جدا ... ويلاقي ان لو حد تاني اتصرف بطريقه تانيه يبقى اسلوبه خطأ ... او محبكها او على العكس مستهتر ... فبلاش نخلي المعايير والمقاييس الشخصيه هيا اللي تحدد حكمنا على الاشياء ... ولازم نتقبل الرأي الاخر ...

مادو جوزي موش معترض على شغلي يا قمر ... معرفش قصدك على شغلي بره البيت ولا جوه البيت هههههههههههههه ... لأ طبعا ما فيش عنده الاعتراض على شغلي واساسا لا يحق له ولا لأي زوج الاعتراض بصراحه لأنه طالما اتجوزوا على كده يعني كانت الست بتشتغل ووافقلها على الشغل يبقى خلاص هما متفقين على كده ... الا لو جدت حاجه محوريه في حياتهم خلت الموضوع محتاج اعادة النظر يعني ظروف جديده تستوجب ان الست تقعد في البيت او تاخد اجازه لفتره ... فالمؤمنين وشروطهم الا شرطا احل حراما او حرم حلالا ... واحق الشروط في الوفاء بها هيا شروط الزواج واتفاقاته ...
اما عن شغلي في البيت فما عمروش اعترض على حاجه وبالعكس احيانا يقولي انتي مزوداها ... والبيت نضيف اهو ومترتب وفله ...