عطر الشموع :

سجى ميرسي يا روحي على الشرح المفصل وهو حاليا بيعمل الدبلومه في الخاص و عندنا برضه نظام 14 من 20 بس يا حرام هو مطحون لان الدكاتره فاتحينها عالبحري و يقولوا في المحاضرات يا جماعه مفيش منهج انما عيشوا حياتكوا و طبعا مع ضغط الشغل فتلاقيه يا حرام معندوش وقت يهرش وفي هذه الحاله انا شايله كل المسئوليات عنه حاليا ( يعني مش ماسكاله الطبنجه) طالما اني حاسه بيه و متاكده انه لما يحسن من نفسه يبقى بيعمل كدا عشان مستقبلنا كلنا و بالنسبه لي انا نفسي اوي اعمل دراسات بس مينفعش انا وهو مع بعض في نفس التوقيت عشان القرد الصغير يلاقي حد يركز معاه و انا ناويه ان شاء الله ان لو واجهه مشكله ترجمه انا هتولى الموضوع ده عنه لانه اكيد مش هيلاقي اي وقت زياده غير لانه يذاكر بس ادعيله بقى يا نيرمو احسن الامتحانات تبدا ان شاء الله 1-1 ربنا ينجحه و يوفقه

سجى ميرسي يا روحي على الشرح المفصل وهو حاليا بيعمل الدبلومه في الخاص و عندنا برضه نظام 14 من...

الملكة الرومانسية :

عطر معلش هاخرج عن الموضوع واسألك سؤال جانبي انا كنت قريتلك مشاركة قديمة اوي بتقولي فيها ان ابنك وهو بيبي كان بيشتكي من المغص وعلى طول بيعيط لو تكرمتي - ولو مفيهاش مضايقة يعني - عايزة اعرف عملتي إيه في الموضوع ده وخلص على إيه وامتى أكيد هتقولي هي مالها ومال المواضيع دي بس انا باحب أجمع خبرات والموضوع ده بالذات شغل بالي السنة اللي فاتت اوي لأني شفته في بيبي في العيلة ومكانش بيخلي أمه وأبوه يناموا لمدة 3 شهور ونص

عطر معلش هاخرج عن الموضوع واسألك سؤال جانبي انا كنت قريتلك مشاركة قديمة اوي بتقولي فيها ان ابنك...

عطر الشموع :

رغم اني طبعا مستغربه بس اوك هجاوبك هو احنا اكتشفنا انه كان عنده حساسيه لبن و بمجرد ما اديته لبن صناعي خالي من الاكتوز المشكله تقريبا انتهت بس كمان كنت مش برضعه ليلا الا بسيط عشان التلبك المعوي و كنت لازم بديله مرتين اعشاب ميلوبا و معاهم ينسون و كمان كنت بعمله مساج عالبطن كل يوم باليل بالبيبي اويل بعد الدش الدافي

رغم اني طبعا مستغربه بس اوك هجاوبك هو احنا اكتشفنا انه كان عنده حساسيه لبن و بمجرد ما اديته...