miro :

الصباح التمام لكل واحدة في الموضوع الهومام زعلانة منكو كلكوا زي ماما زوزو لازم اقلدك يا ماما زوزو بس انا زعلانة لان الموضوع بتاع الازواج ده انا اللي فتحته لكن كنت فتحاه في سياق موضوعنا الاصلي اللي هو ازاي ننظم حياتنا ووقتنا والاقي ازاي وقت لجوزي لاني من خيبتي دايما كنت بقوله انا مش بلاقي وقت لنفسي ولا ليك وببدي الولاد علينا لانهم لسه ميعرفوش يعملوا حاجة لنفسهم ومن هنا اخد الفكرة اللي هيه عن اني مبدية الولاد عليه وانه بقى في اخر اهتماماتي (ودي للاسف حقيقة) اللي مزعلني منكو انكوا سيبتوا استفساري الاساسي ودخلتوا في مهاترات تانيه (انا اسفة) كل واحدة كانت بتحاول تثبت ان وجهه نظرها هي اللي صح وتزعل لو حد عدل عليها او هاجم نقطة في وجهة نظرها ليه حولتوا الموضوع لنزاعات شخصية وقضية فرض راي معلش بجد محدش يزعل بس انا كنت مستمتعة اوي بالجو الروحاني في الموضوع ومفتقداه دلوقتي جدا لانه مبقاش موجود انا رايي يا جماعة وقلته قبل كده كل واحد وليه عقل وليه ظروف مختلفة عن الباقيين انا عجبتني اوي وجهات النظر المختلفة وركزت في كل فكرة او راي جديد واخدت منه اللي يناسب شخصيتي وظروفي وطريقة معاملتي مع جوزي والحمد لله افكار كتير نفذتها وريحتني وجابت نتيجة فورية انا بقول كده علشان تعرفوا ان كلامنا هنا ليه لازمة ومؤثر ومن ضمن الافكار اللي بشكركوا عليها فكرة منمن (دموع التائبة) اني وانا بجيب للولاد حلويات جبتله معايا الشيكولاته اللي هو بيحبها وفعلا اتبسط جدا (بس هو مبيبينش اوي ههههههه) تاني فكرة زي ما قلتلكوا اني اعمل اكله ليه مخصوص واقوله كده زي شوربة العدس مهو انا هعمل اكل هعمل ليه ميكنش بنيه اسعاده هو مخصوص وبرضه اتبسط وبقاله يومين غرقان في الحلة غدا وفطار وعشا لغاية ما خلصها فكرة كمان اني احط في الحمام كيس اورجنزا صغير يادوب فيه روج وروجاجو وكحل وبعد الوضوء علطول تتشات صغيره والله بتفرق معايا ومعاه شفتوا بقى الافكار حلوة ازاي بس مش لازم اخدها من حد وحد لا الموضوع اني بنقى على ذوقي اللي يناسبني ..........واللي ميناسبنيش ممكن يناسب واحدة تانية يعني انا لو عملتله مثلا ليلة حمرا ولا خضرا ولا ليلة الغابة اللي بيقولوا عليها في المنتدي دي ممكن جوزي يطلقني ويقول عليا اتهطلت هههههههههههه يا ريت تكون وجههة نظري وصلت وبشكر بجد كل واحدة دخلت بنية صادقة وادت افكار او قالت على اسلوب معاملة ونحتسب كل ده عند الله

الصباح التمام لكل واحدة في الموضوع الهومام زعلانة منكو كلكوا زي ماما زوزو لازم اقلدك يا ماما...

mado2006 :

روشانا الاول جزاك الله خير على رابط البلاستيك والتنبيه بس بما انك خوافه زى عملتى ايه لما سمعتى ان الدقيق علف حيوانات معدتيش بتعملى معجنات؟؟ والعسل كمان لو تفتكرى اللى كنا اتكلمنا فيه قبل كده طلع كله صح انا لغيته بس موضوع الدقيق ده حازز فى نفسى اوى

روشانا الاول جزاك الله خير على رابط البلاستيك والتنبيه بس بما انك خوافه زى عملتى ايه لما...