غلا الكون
انتي انسانه ذكية ومبدعة ومرحة كل ماتصادفك مشكلة بالحياة تعرفين تتصرفين من ذكائك وسرعة بديهتك
سنعة
وتعرفين تستفيدين من كل شيء ماشاء الله شخصية مميزة جداً
اتوقع لك نجاح باهر

تعرفين تنتهزين الفرص
واثقة من نفسك
تصلحين مديرة او قائدة شخصيتك جميلة جداً وتبهر الناس بل في غاية الجمال,,
والناس يحبونك ويقدرونك ويحطون اعتبار لكلامك
ولا أحد ينتقدك نهائي لأنك أنتي ذكاءك فوق المعدل الطبيعي لذكاء البشر
مرحة, رومانسية شوي موب كثير
عندك قدرة على العطاء بعد بس موب لأي أحد بس للشخص الوحيد الي يستاهل عطاءك
تقدرين تنسيقين تنسيق حلو وعندك موهبة حلوة بالديكور
بداخلك إنسانه بسيطة وجميلة
تحبين كل شيء يكون على أصولة وبخطواته الصحيحة (ماتحبين المطرسة , والبربسة والاختصارات المخلة )
تؤدين واجباتك على أكمل وجه ,,
بس ماتحبين تؤجين عمل زايد موب مطلوب منك
حياتك مرتبة وشغلك محدد وماتقبلين احد يعطيك شغل موب شغلك ولكن انتي ممكن تعطين الناس شغلك وتفوضينهم فيه
عندك عمل واجتهاد بحياتك بس مانتب تعبانة منه بالعكس تقومين باعمالك بحب وانسجام
وحياتك انتي اخترتيها على ماتبين مانتب مجبورة على شيء
تدللين نفسك وتعطينها حقها وقدرها من الراحة وتؤدين حقها من العمل
عندك سياسة وذكاء وتقدرين تكتشفين موهبة كل إنسان وتاخذين من الناس الي حولك أجمل شيء فيهم بذكاء , وبلباقة طريقتك كالتالي :
تنظرين لكل شخص من الي حولك,, تدريسنه وتكتشفين موهبته ,, وتمدحينه وتاخذين منه

كل الي تبين وهو مبسوط وانتي مبسوطة
كل الي حولك يخدمونك وهم مبسوطين وانتي بعد مبسوطة
تحبين الحياة
والحياة تحبك

*** ا
أمك كانت ,كانت إنسانه قليلة الكلام- امك كان ودها انك تطلعين الاولى او على الاقل تقدير ممتاز

أمك كانت طيبة وشخصيتها مهيب قوية كانت إنسانه تضحي وتضحي وتضحي وتضغطط على نفسها
مقابل انها تظهر قدام الناس مثالية

شخصيتك من الطراز الغربي واحتمال شمالي غربي
انتي انسانه حالمة جداً ,
ذكية جداً
عشتي بعائلة رائعة يحبونك وتحبينهم ,انتي متفائلة
تحلمين تكونين مديرة أو قائدة او اميرة
عندك أمنية انك تلقين ضربة حظ ..ترفعك لفوق
طموحك عالي وتوك باول شبابك ومتفائلة وذكية ومتوقعة مستقبل حلو
بس أحب أقول لك لاتشتتين نفسك
اختاري هدف واحد واسعي له
ماشاء الله تبارك الله
هذا والله أعلم

الملايين شكراً على التحليل بس أنا مالعبت ولا شئ بالعكس هذي أجوبتي على ألاسئلة اللي سألتيني عنها

والحمدلله شخصيتي ليست كما قلتي وكل اللي قلتيه عني ليس فيني

بوركتـ الجهود

رسيل
فيه كمية من التفاؤل بشخصيتك والشوق للمستقبل والحياة رغم انك خايفة أو قلقة من بعض العقبات الي ممكن تصادفك
انتي تعيشين بمرحلة لشيء معين مضايقك بحياتك
ودك تتخطينه بس للآن ماقدرتي تتخطينه
انتي انسانه هادية
بسيطة
تحبين الهدوء والبساطة
بس مشكلتك صعب تتخذين قرارت مانتب قيادية ودك شخص يتخذ عنك القرارات وترتاحين

انتي حساسة شوي وتعرضتي لظلم وشوية مشاكل بحياتك (مشاكل عادية ) بس لأانك حساسة جرحتك
انتي ثقتك بنفسك مب كبيرة بداخلك طفلة خايفة مازال عندك شعور البنوتة الي (ماحلت الواجب, أو الي مانجحت بالاختبار )
ماتحبين تسوين علاقات مع الناس ولاتثقين بأحد ولاتعطين أسرارك لأحد بسبب أن لك تجارب سيئة مع الناس,ويمكن تعرضتي لكلام وانتقادات ,,
انتي شوي سلبية
حياتك جيدة فيها اتزان جميل وقت للراحة ووقت للعمل بس
انتي انسانه عادلة ماتحبين الظلم رغم انك ياعمري انظلمتي
انتي رومانسية
امك كانت نموذج للتضحية والطيبة والعطاء كان عندها إنكار للذات كانت تبذل نفسها لكم وولناس,
بس حاصرتها ظروف قاسية شوي
امك كانت تجامل الناس وتضغط على نفسها وانتي ترحمينها كثير لأنها الحين كبرت بالعمر وانتي بداخلك خوف خايفة تفقدينها الحب الي بقلبك كله لأمك لكن التقدير والإعجاب كله لأبوك
اجمل شيء بشخصيتك الهادية والجميلة والطيبة
انك صادقة
مانتب راعية وشكليات ولف ودوران
بس مشكلتك لما تجين تطلبين طلب :تخافين يرفض فتستلمين ولاتقولين الي بخاطرك
***.

فيلية سمك :
حياك الله ولاتزعلين :)

الملايين تكفين أنا ودي أحلل شخصيتي معك....ممكن؟؟؟:27:
والله من زمان طاري لي اعرف من أنا ووش أنا عليه..!!!
هههههههههههههههههههههههههههههههههههههه حلوه من أنا صح...
بس تراي جاده وابجاوب صح بدون تأثر...وأصلا أنا ماأحب التقليد..
وش رايك إذا موافقه...نبدأ...
هاااا وش قلتي..:)