بانتظارك والله يسهل عليك

فواكة
اجمل مافيك إنك إنسانه تخافين الله
تحبين الشخص القوي وتحترمينه وتكرهين الضعف والضعفاء
امك كانت طيبة كثير ماكانت تنتقدك ولا تتدخل بحياتك

كانت إنسانه تضحي وشخصيتها تضغط على نفسها عشان الناس
(اللي هم بنظرك مايستاهلون )
,امك طبعها طبع حريم أول , وانتي تحسين أنه الدنيا تغيرت
تعرضتي لصدمات كثيرة من الناس,وتحسين انه ماحد بهالدنيا يستاهل التضحيات
وأن الناس خصوصا اللي في نفس عمرك وجدد عليك
(سيئين و كلهم بدون استثناء .,,ماتحبين تسوين علاقات مع الناس ,,أقصد العلاقات العميقة ,)
انت حياتك مافيها راحة ,,,بسبب التوتر,,
فيه شيء شاغل بالك وآخذك عن العالم كله,,
انتي انسانه بسيطة وعمليه وجميلة ,,
تقدرين تتأقلمين مع كل الظروف الصعبة
تقدرين تتعاملين مع اصعب المواقف واكبر المشاكل
عندك قدرة على التأقلم مع كل الظروف الصعبة,,
لكنك
مشكلتك تحلين كل هالمشاكل ياعمري(على حساب أعصابك)
يمكن ماتوصلين الاربعين الا جايك ضغط من شدة الشد العصبي الي فيك
اهدي حبيبتي
ارتاحي
ريحي,,
تمتعي بالحياة,,,
ماتحبين التفاصيل
تبين الخلاصة
ماتحبين الشكليات والخرابيط والمجاملات,,
تحبين تكونين على سجيتك
ودك تكونين حرة
انتي انسانه
عندك مقدااااااااااااااااااااار كبير من العطاء والحب والتضحية بس تدخرينه للشخص الي يستحقها بس
وانصحك نصيحة
لو لقيتي الشخص الي يستحق منك كل الحب والعطاء الي عندك

مهما كان قريب لك
حتى لو كان بنتك او ولدك او زوجك او اختك

لاتظهرين كل الحب والعطاء والتضحية الي بقلبك له
تدرين ليش
لان بيصير هالعطاء رخيص وماله قيمة


تحبين تكونين مميزة
تحبين تكونين غير
تحبين التنوع
تحبين الابتكار والابداع

تحبين تسوين شيء مميز وتجدين نفسك بإعجاب الناس بقدرتك على الابتكار

تعتقدين انك تمتلكين خبرة كبيرة بالحياة بس ماتظهرين هالشيء
ماتحبين الاشياء العادية
المكررة
شخصيتك غربية
غربية جنوبية,,
تقدرين تركزين بأمور كثيرة بنفس الوقت ,,
تفتحين الانترنت وتكلمين بالتلفون وتشربين شاهي كلها بوقت واحد!!

تجيك انتقادات كثيرة من الناس بس مايهمونك اخذتي مناعة منها


حياتك فيها شيء واحد انتي إنسانه قلقة ,, القلق مسيطر عليك,,
من موضوع معين
قلقانه منة كثير
ياعمري عليك,,

القلق ,, والتوتر والترقب مسيطرين عليك,, وقاعدة تحترقين من داخل قلبك,,
ياترى ليش قلقة..؟؟
طبعا انا ماعرف شيء عن حياتك الشخصية ,,
حاولت أفسر القلق اللي فيك ومالقيت الا انه واحد من ثلاث احتمالات وانتي ابخص بنفسك
1-
أما انك مسوية شيء غلط وخايفة ينكشف او يخرب (هذا احتمال ضعيف جداً)

2-
أما انك ودك تحصلين على شيء معين ,, بشدة وباذلة كل طاقتك وجهدك عشان تحصلين عليه
احتمال ودك تتزوجين انسان معين ,,او تحصلين على هدف معين
والقلق الي في داخلك ناتج عن انك حاسة انك خايفة انك ماتوصلين للهدف الي متملك كل مشاعرك ومسيطر على حياتك,,(احتمال قوي)


3-
آخر الاحتمالات ,, وهو بعد احتمال موب قوي ,,احتمال انتي شخصيتك قلقة بسبب طفولة صعبة,,,



الشيء الواضح ان الشيء اللي انتي تبينه ومسيطر على كل حياتك ماتقدرين تسوين ولا شيء عشان توصلين له
غير انك تقلقين وتقلقين وتقلقين,,,
يعني ما بيدك شيء,,
لذلك انتي لجأت لله سبحانه وتعالى واستنتي بالصبر والصلاة والتسبيح والاستغفار

لكن احب ابشرك بشارة

مدام انتي لجأتي لله سبحانه وتعالى ماراح يخيب رجاك
اما تبي تحصلين على انتي تبينه بالضبط
او تبي تحصلين على احسن منه




اعجبني ذكائك

انتي انسانه عارفة طريقك بالحياة


رغم صدماتك الكثيرة وحظك الشين ,,

عندك تفائل كبير وثقة برب العالمين

الله يوفقك
وعساي اكون ريحتك

بقى شيء اخير فيك يا فواكة

انتي محتاجة لشخص يكتشف جمال شخصيتك ويكتشف ذكاءك

تبين شخص يفهم شخصيتك المميزة ويعجب فيها

وساعتها بتذوبين فيه وتعطينه كل قلبك

مشكلتنا عايشين بين ناس يشوفون الشيء المميز ولايقولون هذا مميز
يسكتون

ماشاء الله يا ملاين اقعد اقراء تحليلك للشخصيات البنات واعجبني موضوعك مره

الله يزيدك من علمه

اوخص فضحتيني !!
اشك انك تنجمين يابت ههههه
85% من اللي قلتيه صووووح

بس استغرب انا قلقه ؟؟!!

مدري بصراحة قلقتيني ههههه
يمكن احيانا يجيني قلق على شئ محدد ويروح
لكن مايشغل حياتي ولا هوو موضوع محدد يعني
واذا كان ولابد ،،
(فيمكن يكون تفكيري نظرة البعض لي على اني متكبرة تهئ ،، وانا طبعي اجتماعية + خجوله )
فيظنون سكوتي في مواقف تتطلب الكلام او التعليق ايا كان تكبر
وانا مايسكتني الا خدودي الحمرا
ههههههههه

،،،،،،،،،،،،،،،،

اما اني حلالة مشاكل
كثري منها من يوم عرفت قسم الأسريه هع هع
لكن تووووبه احل مشاكل ،، ماأبغى اشيب عالأربعين هههه


،،،،،،،،،،،،،،،

وماما تحليلك لشخصيتها صوووح
بس هي تحاول تدمج الواقع مع حياتها خاصة في حلول المشاكل


..................
لحظة !!
تقولين تجيني صدمات كثيرة من الناس وهم ينتقدوني !!
افااااا يحشون فيني من وراي ؟؟
ماقد احد واجهني بشئ شين او حتى بنصيحة
خولاااااص ماحووووب احد
ههههه
...................

تسلمين ياعسل وسكر
واشكرك عالفضيحة الحلوة ههههه
لاهنتي ..