حبيباتي
السلام عليكم ورحمة الله وبركاته
شخباركم مع الجسم والصنفرة والزيوت والإهتمام بالشعر ووووووووو
شغلنا يالحريم مايخلص... :icon33:
أما اليوم عندي لكم وصفة أبتكرتها تجنننننن
تصيد لك 3 عصافير بحجر واحد
(الشد+الخطوط البيضاء+ القشرة))
دائما في أغلب المنتديات والمواضيع يقولوا لك حطي ثلج على صدرك أو على بطنك عشان يشده..صح؟؟
ودايما يقولك أشطفي شعرك شطفة أخيرة بخل التفاح المخفف بالماء عشان حيويته وفايدته للشعر..صح؟؟
ودايما يقولك حطي خل تفاح على الخطوط الموجودة في الجسم وحتختفي بعد فترة صح؟؟
ودائما تقولوا خل التفاح ريحته قوية وماتنطاق صح؟؟
هذي الوصفة المبتكرة تصلح للبشرة وللشعر ولكل ماذكرت وتشد الجلد وتودي الخطوط البيضاء والغامقة ومفيدة جدا للشعر وتودي قشرة الرأس بس إنتبهوا لاتشربوها..يعني لاتحطوها مخففة مع الماء وتشربوها على الريق..لأني ماجربتها كذه ولاأبغاكم تجازفوا بشربها طيب...
أول شي..
جيبي خل تفاح طبيعي عادي من السوبر ماركت..تمام
وجيبي برطمان فاضي كبير(زجاج)
جيبي كم حبة تفاح((إللي قربوا يخربوا عندك وماصاروا يصلحوا للأكل))
جيبي قارورة ماء ورد طائفي أصلي مركز....
وجيبي حفنة من بذرة الشمر
جيبي التفاح مثل ماهو إغسليه تمام ولاتقشريه بس قطعيه أرباع وحطيه بالبرطمان..
وحطي عليه حفنة الشمر(بحباته مو مطحون)
إغلي قارورة خل التفاح كاملة وخليها لين تفور..وصبيها فوق التفاح في البطمان..وبعد كذه كملي بقية البرطمان بماء الورد...
يعني كمية ماء الورد أقل من خل التفاح عشان نبغاه مرّكز طيب..
يعني لو عبيتي ثلاث أرباع البرطمان خل..عبي الربع فقط ماء ورد.. وهكذا..
إقفلي العلبة.وغطيها بمنشفة تمام ولفيها بكيس نايلون وحطيها في مكان معتم ومايكون بارد...وتعاليلها بعد إسبوعين وشوفي كيف صار..
التفاح يتحلل إلا شي بسيط منه,,وتخرج كل المويه إللي فيه وتمتزج مع خل التفاح وتصير مركزّه أكثر..والشمر يتنقع في البرطمان وكما هو معروف نقيع الشمر سواء دهنه أو شربه مفيد في شد الجسم..
وإذا ماتحلل التفاح تمام يعني ((نص ونص)) بس لونه صار بني..((أهم شي إن لونه يغمق ويتغير))حطي جميع مكونات البرطمان في خلاط العصير وأخلطيهم جيدا..
وبعد كذه صفيهم بمصفاه جيدا حتى يصبح المزيج صافي(يعني مافيه كتل أو شوائب)
وحطيه ببخاخ الماء وضعيه دائما في الثلاجة..
وكل يوم طلعيه ورشي منه على جسمك وهو باااااااارد..يصير لاتحرقي جسمك بالثلج ولاتقعدي نص ساعه تمرري الثلجة على جسمك ولاشي..هذا المزيج يفي بالغرض لأنه باااااااااااارد..أو حطي منه على شعرك..وإذا حابة تخففيه على شعرك أو حرقك في فروة راسك خففيه بشوي ماء...وشوفي كيف جسمك بيلق..
أنا لي 3 أيام أستخدمه وأحس الفايده بدأت تبان..والنتيجة بتبين مع الأيام بإذن الله..
قلت لازم أقول لحبيباتي بنات حوحو(دلع حواء) ترى ماينعز عنكم شي ياغاليات
صدقوني ماراح تندموا أبدا..
ويالله أنتظر ردودكم ياحلوات..
ريريتا @ryryta
محررة برونزية
يلزم عليك تسجيل الدخول أولًا لكتابة تعليق.
البرتغاله
•
شكرا على هذه المعلومات............. بصراحه رهيبه نجربها ان شاء الله؟؟؟؟
الله يجزاك بالخير ، شكل الخلطه رهيبه بس أهم شيء تشيل الخطوط البيضاء تماماَ، لأنها بصراحه مره معقدتني .
وإذا خلصتي الكميه أرجوك تقولين لنا النتائج .
وإذا خلصتي الكميه أرجوك تقولين لنا النتائج .
الصفحة الأخيرة