اسعد الله اوقاتكم أخواتي ..
اغلبنا عندنا كميات من الكتيبات الدينيه والمطويات قريناها واستفدنا منها وانحطت على الرف ومو عارفين وين نوديها ..
والناس ألحين صارو فالعزا يوزعون بعد كتيبات وقرآن في ثواب الميت ..
وفالأعراس بعد يوزعون كتيبات واشرطه و CD دينيه..
واللي يروح الحج أو العمره بعد ماتخلو هديته منها ..والنتيجه ..
(كتيبات+مطويات+مصاحف+سجاجيد صلاه + أجله(لبس الصلاه)+مسابيح) مكومه بكميات فالبيت ..
اقتراحي لكم .. تودونها المصليات النسائيه في: المجمعات /المستشفيات/ الجامعات /المعاهد ...الخ اي مكان فيه مصلى ..وبالذات ألحين فالصيف اكيد تروحون مراكز صيفيه أو معاهد أوتاخذون عيالكم لأنديه وماتخلو من المصليات.. وإذا تحطينها في سله يكون أفضل (السلال ماليه البيوت ومحد يستخدمها)
ولا تنسون أماكن الإنتظار في المستشفيات والعيادات والصالونات والبنوك ..
كل ماطلعتي من البيت أخذي مجموعة كتيبات ووزعيها فالأماكن المناسبه .. وحتى لبس الصلاه في ناس تستخدمه لو حطيتيه فالمصليات العامه ..
ولا تستهينون بالأجر ..
