Dandosh :

تزكرت كمان موقف في عندنا مثل بيقول (بيت الضيق بيوسع 100 صديق) ... دايما ستي الله يرحمها تردده بس المشكلة انو باللهجة الفلاحية بيصير (بيت الديك بوسع 100 سديك) .. طبعا انا بفهم لهجتها منيح بس ما خطر ببالي ابدا الا انو الديك هي الكلمة الاصلية .. ومن فترة ماما قالت المثل نفسه وبلهجة امها الله يرحمها فقلتلها طب يا ماما سؤال شو علاقة بيت الديك بالموضوع .. ولا لأنو بيتو صغير ... بالاول ما فهمت علي .. او انها كانت تواسي نفسها و تقنع حالها انو بنتها لا زالت البنت الذكية المفتحة اللي بتعرفها .. بس للأسف اكتشفت انو انا فعلا مفكرة الكلام عن بيت الديك .. وضليت 20 سنة وانا ساكتة هههه وفي نفس السياق :D في أغنية من 10 سنين ولا اكتر كنت اسمعها (عدد ما في السما نجمات -- عدد ما في الرياض ورود) .. و نرفزتني لاني بسمع انو الرياض صحرا يعني شو هالتشبيه الي ما الو معنى ... ولما علقت هالتعليق قدام ناس كنت على وشك انهار من الخجل لما اكتشفت اني مو منتبهة انو الرياض جمع روضة (المشكلة ان لغتي العربية متميزة جدا مو بحاجة لحدا يقول لي انها الروضة جمعها الرياض او معناها) بس برضو الاسلاك فصلت

تزكرت كمان موقف في عندنا مثل بيقول (بيت الضيق بيوسع 100 صديق) ... دايما ستي الله يرحمها تردده بس...