جوهرة نجد :

يا بنات وش السالفة .. ما توقعت انكم بتناقشون في شي محسوم أمره في الدين ، الإسلام ما قال لازم عباية راس أو ان عباية الكتف حرام ، والإنسان لابد أن يصبر شوي قبل لا يحكم على الناس ، ليش تضيقون صدر هالبنات المسكينات اللي لابسين عبايات كتف وانتوا ما تدرون شلون لابسينها خاصة ان زوجها راضي معناها أكيد واثق ان زوجته محتشمة وغير ملفتة للنظر ! تدرون يا بنات اني صرت اشوف كم واحدة لابسة عباية كتف انها محتشمة اكثر بكثير من بعض اللي لابسين عباية الراس ؟ طبعا إذا صارت لابسة عباية راس بس البرقع واسع جدا جدا والعيون مكحلة والكعب صوته يشق الآذان والعطور وووو ... هل الحين صارت محتشمة وغير ملفتة ؟؟ والبنت الثانية اللي لابسة الكتف حاطة طرحة طويلة ونقاب أطول فتحاته صغيرة والعباية واسعة جداوثابتة على الكتف مثل فستانها العادي لايطيح ولا يتزحلق تقدر انها تمسك أغراضها وتمسك طفلها اذا عندها طفل رضيع وتدف عربية المقاضي :) بدون ما تتحرك عبايتها من مكانها ولا تكثر من الحركة ورفع يدها عشان تصلح العباية كل شوي ،، بالله عليكم وش الأحسن ؟؟ انا ودي هالمجتمع يفكر ويفكنا شوي من العادات والتقاليد اللي ما قالها الإسلام ولا ألزمنا فيها ، ديننا حط مواصفات للحجاب كلنا عارفينها وما حدد لا الشكل ولا حتى اللون !! فماله داعي نلزم أنفسنا بشي ماهو في الدين فقط عادات وتقاليد

يا بنات وش السالفة .. ما توقعت انكم بتناقشون في شي محسوم أمره في الدين ، الإسلام ما قال لازم...