تعالي ادلي بدلوك من خلال معرفتك

بالنسبه للحبوب شكلها حساسيه حطيلها الكريم وان شالله تروح

وقشرة الراس طبيعي جدااا وتستمر الثلاث الاشهر الاولى انتي لا تسوي فيها شي بس روشيها وخلاص

ومنطقة الحفاض كريم سودو كويس ويكفي

وباقي الاشياء طبيعيه ان شالله لا تشيلي هم

موفقه حبيبتي والله يخليها لك

اتوقع اللي مع بنتك اكزيميا عادي تجي الرضع يسمونها اكزيميا الفراش مجرد م تكبر وتبدا تجلس تخف اهم شي لاتكثرين المراهم الطبيه عليها لانها مليانه كرتزون
فيه طريقه كانت تنفع مع بنتي وهي جسمها باقي مبلول بالمويه الدافيه غرقيها بالفازلين لانه يسوي طبقه عازله عن الفراش اهم شي يكون طبقه كبيره توصي بالفازلين
بالنسبه لقشرة الشعر تطول احيان تروح بعد اربع شهور الموهيم غرقي شعرها بزيت زيتون وخليها تنام وبالصباح مشطي عكس منابت الشعر بعدها روشيها
بالنسبه لمنطقة الحفاظ بعد م تغسلين لها نشفيها زين ثم صبي ع المنطقه زيت زيتون وبعده نشا بس كثري النشا احيان سودو هو اللي يسبب التسلخات
بالنسبه انو وجهها يصير احمر تاكدي لايكون معاها امساك
واذا م كانت ترضع وتسعبل كثير يمكن معاها عظيم
انا كتبت كل تجاربي مع بزاريني وباذن الله بتفيدك لاني مجربتها خاصة مع بنتي الكبيره وهي مولوده عانت مع الاكزيميا

وم تشوفين شر ويخليلك بنووتك وتشوفينها احلى عروسه

الله يسعدكم ويوفقكم دنيا وآخره
ويفرج كربكم