كوبونات الراقية تسجيل الدخول

بهجة الحدايق

## تعالي اعلمك شلون تسوين السيناااابوووون الهـــش وبالصورررر والتفصيل الممل##

الحلويات الشرقية والغربية •

بسم الله الرحمن الرحيم

ياهلا ويامرحبا .. باأرق واجمل مشرفات وعضوات:26: ..

اليوم ان شاء الله راح اوريكم طريقتي بعمل السينبون بالتفصيل الممل ويارب يعجبكم ..

المقادير :
5 اكوب تقريبا دقيق كويتي منخول
2 كوب حليب دافي ( لكل كوب ماء 4 ملاعق حليب بودره ).
2 ملعقه كبيرة خميرة
نص ملعقه صغيره بيكينج باودر
رشة ملح
فنجان قهوه سكر
رشة فانيليا
ربع كوب سمن ابو شوكه وملعقه او زيت اذا حبيتي .
مقادير الحشوه :
ربع كوب سكر بني بودره .
3 ملاعق كبار قرفه .
مانضيف اي زبده في دهن سطح العجينه قبل رشها لان حرارة الفرن راح تذوب السكر كله من نفسها .. جربوا بأنفسكم وشوفوا .
صوص الوجه :
كريمه تزيين الكيك من بيتي كروكر البيضاء.
صوص شوكلاته ( 3 فناجين سكر + 3 فناجين حليب بودره +ملعقه زبده + فنجان قهوه ماء+ ملعقتين كبار كاكاو بودره = تغلى على النار قليلا حتى تثقل وتستخدم مثل الشيره ) .
الطريقه :
1/ يضرب الحليب والخميره والسكر والملح والفانيليا والسمن بالخلاط الكاس .
2/ يسكب اللي بالخلاط في زبديه او في العجانه مباشرة ، ونخفق بمضرب البيض اليدوي او نشغل العجانه على رقم 2 ونبدأ المزج .
3/ نضيف الدقيق المنخول بالتدريج بيد ونخلط باليد الثانيه لحد مانحس ان العجينه صات لينه مثل القطن وتلصق شوي باليد .
4/ نغطيها ونخليها تتخمر ساعه الاربع فقط .
5/ نرش مكان الفرد بالقليل من الدقيق ، و نأخذ مقدار من العجينه على حجم كورة كبيره شوي ونبدا نفردها بشكل مربع او مستطيل والصو راح توضح الشكل المراد ، ثم نقص الاطراف بالسكين الرول عشان نواسيها ونخليها مربعه بالضبط من دون اي زوائد .
6/ نضع الحشوه على العجينه مباشرة الى نص العجينه فقط ، ونكثر الحشوه لانه يمتصه العجين لما تخمرينه مره ثانيه .
7/ تلفين بهدوء على شكل رول ثلاث طويات بس .. يعني ابرمي وعدي : اول طويه 1 بعدين 2 بعدين 3 ووقفي لاتطوين زود ، وقصي العجين الزايد بالسكين الرول وليس بالسكين العادي .. افضل طبعا لان السكين العادي يشد العجين ويشوهه اثناء القطع لكن السكين الرول يقص بهدوء وبترتيب .
8/ ناخذ الحين خيط تقريبا طوله 30 سم وندخله من تحت العجين ونلفه من فوق العجين عكس بعض ونقطع ، ونرص بالصينيه ونخلي مسافات بسيطه بينهم عشان نعطيهم مجال يتخمروا ثاني زين .
9/ بعد مانخلص المقدار نرجع نغطيها بكيس وفوقه منشفه ونخليها تقريبا ربع ساعه او ثلث ساعه كافي ، وبعدين في هذي الفتره تسخنين الفرن من تحت على 150 درجه وبعد مايتخمر حطيه على شبك الفرن وخليه قريب من تحت .
10/ اول ماتشوفين حمر شوي من تحت على طووووول طفي من تحت وشغلي من فوق واللي تحت بيكتمل تحميره تماما مع حرارة الفرن .. لكن لو خليتيه يتحمر كامل من تحت للنهايه وتجين تحمرين من فوق راح يصير كنه محترق من تحت وبيخرب عليك ، ومن فوق خليه على نفس درجة الحراره 150 درجه عشان يتحمر بالتساوي من كل الجهات ( يعني لاتعلين النار من فوق عشان ماينشف الوجه ويخرب الشكل والطعم عليك ) .
11/ لما يتحمر من فوق طلعيه عشان يبرد وغطيه بمنشفه وفوقها صينيه كبيرة وخليه يبرد ولازم تغطينه عشان يجلس لين وهش وماينشف الوجه ، بعد مايبرد تصبين عليه صوص الشكولاته بشكل دائري لين الداخل ، وبعدين فوق الصوص الابيض من بيتي كرورك بنفس الطريقه .. واخيرا الفستق المجروش او اي مكسرات عندك وبألف عااااااااافيه يارب
ولاتنسوني من دعاكم .. اتمنى اكون كفيت ووفيت .. والصور راح توضح اللي مانفهم بالكلام ..والله الشكل الحقيقي رووووعه ماشاء الله يابنات بس كاميراة جوالي ظالمته كثيييير .. جربوه وادعولي ، واي سؤال انا حاضره
:26:ماشاء الله لاقوة الا بالله :26:
219
17K

يلزم عليك تسجيل الدخول أولًا لكتابة تعليق.

تسجيل دخول

بهجة الحدايق
بهجة الحدايق •
نكمل <<<<<<
بهجة الحدايق
بهجة الحدايق •
بهجة الحدايق بهجة الحدايق :
نكمل &lt;&lt;&lt;&lt;&lt;&lt;
نكمل &lt;&lt;&lt;&lt;&lt;&lt;
نكمل <<<<<
بهجة الحدايق
بهجة الحدايق •
بهجة الحدايق بهجة الحدايق :
نكمل &lt;&lt;&lt;&lt;&lt;
نكمل &lt;&lt;&lt;&lt;&lt;
نكمل <<<<<<
بهجة الحدايق
بهجة الحدايق •
بهجة الحدايق بهجة الحدايق :
نكمل &lt;&lt;&lt;&lt;&lt;&lt;
نكمل &lt;&lt;&lt;&lt;&lt;&lt;
نكمل <<<<<
شواخي البحرين
شواخي البحرين •
ما شاء الله شغل عدل تسلم ايدج