حبيباتي نزلت لكم كم سفره من اطباقي
وشفت تجاوبكم واسعدني وشجعني اني
انزل لكم اطباقي الي اسويها:42:
امس كان غدانا لحم بالقصدير واللحم كان لحم حاشي لذيييييذ
مع سلطه بالباذنجان المشوي والرز بالكركم والجزر
المقادير للقصديره**
لحم حاشي مقطع صغار تقدرين تستخدمين الي تبين دجاج او لحم ضان
التتبيله
بصل مقطع حلقات وثوم مبشور او مقطع
ملح-بهارات المعتمده عندك-فلفل اسود كثري شوي -وعلى راس الملعقه معجون طماطم-وشوي صويا صوص- وربع ملعقه طحينه - وليمون اسود مطحون - وهيل مطحون شوي لاتكثرين وطماطم مقطعه ارباع وفلفل حار قرون او بارد مكعبات ما كان متوفر وحطيت حار قرون كامله للنكهه
تتبلين اللحم في التتبيله خذي كيس وحطي اللحم وصبي التتبيله عليها وحركي الكيس وبعدين خليه لمده 4 الى 5 ساعات انا تبلته الصباح ويوم صحيت الظهر سويته
الحين بعد ما تتبل اللحم حطي على الطاوله قصدير على شكل +
وبعدين سكري الاطراف وتاكدي انك قفلتيها زين علشان ما يخرج تسرب بخار وتحترق عليك
شوفي الصور وبتفهمين ان شاء الله
وبعدين حطيها في صينيه ودخليها الفرن
لمده 40 دقيقه
لحم الحاشي يستغرق فتره اطول اللين يستوي :35:
اذا بتسوينها لحم او دجاج نصف ساعه تكفي
وهذي الصور اوضح:cook:
القصدير اذا هوه في الفرن راح تشوفينه انتفخ عادي خليه
واذا تعدت المده فكي القصدير من فوق واضيفي بياله مويه اذا شفتيه ما فيه مويه كثير وحمري اللحم شوي
وهذي الصوره بعد ما استوى اتمنى اعجبكم
جنبه سلطه عاديه قطعيها انا حطيت طماطم وبصل اخضر وخيار وبعدين اشوي حبتين باذنجان وسط
ونضفيها وافرميها وحطي عليها شوي طحينه وملح وزيت زيتون واخلطيها زين وضيفيها على السلطه وحركيها مع بعض واستمتعي بالذ سلطه
هذا الرز
احمسي ثوم فص مفرو م في شوي زيت واضيفي عليه الجزر المبشور ومكعب ماجي وكركم وبهارات وهيل حب واحمسيه ثم اضيفي الرز المنقوع لمده نصف ساعه واحمسيه مع االجزر والكركم والثوم شوي وبعدين ضيفي مقدار مويه مغليه مناسب
وخليه الين يستوي وبعدها تلذذي بالذ رز ذقتيه
اتمنى انه اعجبكم
والله الله بالردود الحلوه
لا اوصيكم لذيذه جربوها
تسلم ايدك ياعسل مشهييييييييي
يابختي اول وحده ارد ههههههه