عندي لكم كورساات تغنيك عن الخلطاااااااااات وكثرة خرابيط العطارين
راح اعطيكم هالكورس تجربونه واذا اعجبكم اعطيكم غيره
الكورس للجسم مو للوجه بس دخلو الرقبه خخخ عادي
اولا
مقشر باحماض الفواكه وهو يجي عدة تراكيز عاد لكل جلد تركيز يناسبه
انا انصحكم كبدايه تاخذون 20%
واختاروا اي نوع من هالانواع ويكون لوشن
REXSOL
NeoStrata
LOUIS WIDMER
Glycolix
هذا مقشر لازم تستخدمينه لانه مهما حطيتي من خلطات وفيه جلد ميت متراكم مافيه امل يجيب الفكس والفازلين نتيجه خخخخخخ
هذا يستخدم مره يوميا قبل النوم ماتظهرين وقتها في الشمس ابدا ابدا عشان مايقلب الجلد اسود
بعد كذا تكونين محضره خلطه محترمه للتفتيح مكونه من
2علبه لوشن مبيض اي نوع عندك مثلا
لوشن نيفيا المبيض
لوشن DDF المبيض
لوشن اسكن وايت اكسترا ديرم
لوشن بايو ديرم كلها حلوه
لوشن بيزلين المبيض
لوشن اولاي بالتوت
شوفي اللي يناسب بشرتك
اختاري عاد وترى اللوشنات مو مره قويه تعطي مفعول كريمات تبييض الوجه بس لازم منها مع التقشير
2 علبه كريم 21 معروف
1علبه واقي الشمس من بيزلين 30% حمايه خذي للبشره العاديه
نص علبه زيت جلسرين السائل المعروف
2علبه وحده كريم فيتامين اي من بدي شوب بلمعه
اخلطيها من قلب وحطيها بعلبه وحطيها بالثلاجه
هالحين نجي للطريقه
تدهنين جسمك كامل بلوشن احماض الفا هايدروكسي احماض الفواكه كل ليله قبل النوم مع تجنب الاماكن الحساسه الداخليه بس من برى
اثناء فترة الاستخدام احرصي على لبس القطنياات بالذات الشورت
لما تصحين اغسلي جسمك
لاتحطين خلطات فيها فكس ولا ليمون لانه مقشر وراح يتحسس جلدك
الايام الاولى استخدمي الليفه والصابون المغربي عادي بس اذا بتتليفين دهني جسمك باي زيت موجود عندك
بعدها حركي الخلطه اللي سويتيها بالثلاجه وادهني فيها جسمك كامل وراح تلاحظين كنك حاطه كريم اساس وبلمعه كمااان
اللوشن بعد الاستحمام الصباحي وكمان حطيه بالعصر عشان الواقي وعشان نتايج افضل
هذا الكورس يطبق 3 اشهر اقل شيء
النتايج كالاتي
اولا نعومه
2 يطيح الجلد الميت
3 تفتيييح
4 تروح المسامات المسكره بالذات في السيقان
5جسمك يزحلطن مرررره لو استمريتي
6 تخف الخطوط والتشققات
وخلاص
هذي طريقه تعطيك نتايج وتوفر عليك اللف والدوران من عطار لعطار
وتوفرين فلوسك
وجسمك يصير كنك من هاللي في الكلبات
والعرايس انصحهم فيها حتى بعد الزواج عادي ماراح يكون فيه اي مشكله بالعكس تنعم وتفتح وتلق البشره لق
طبعا ياحلوات الجلود تتفاوت عشان كذا النتايج تتفاوت
فاللي جلده زين ومافيه مشاكل عويصه 3 شهوور ياسلاااااااام
اما اللي بشرتها عليه انواع الطبقات البركانيه تقول انه حراشف انصحها تمدها لست شهور عاد ماوراها شيء
" بس انا Fanno0oy اقول استخدموها 3 شهور واذا مانفعت وقفوا اسبوعين بعدين ارجعوا استمروا 3 شهور >> كلام اخصائيه "
وش كمااااااان
اييييييه صدق ممكن يصير للمناطق الحساسه تهيج او للابط
فخلي معاك كريم الكوم على طول لما تحسين تهيج حطي منه طبقه ووقفي عنه احماض الفواكه يومين وبعدين ارجعي
لنتيجه اسرع للاباط وللمنطقه استخدمي لها الدوباك فورت قبل النوم يوميا
اللي تحب تتفلسف مررره وتحب تدلع نفسها
تستخدم مرتين في الاسبوع قناع انما ايه
تجيب زبدة الكاكاو وتخلط معاها عسل وتخليه ساعه او ساعتين او حتى تحطه بالليل وتغسله الصبح بس اذا في بيتكم نمل انتبهوا خخخخخخخ
والله صدق خليه كم ساعه وانتي صاحيه وغسليه لا يتجمع عليك النمل ثمن تدعين عليه
كمان ملاحظه المرضعات عادي يستخدمونها بس الحوامل نووووو
"قصدها التركيبه اوب القناع "
وسعرها يابنات يمكن شوي غالي فاللي ميزانيتها ماتسمح تستخدم نص مقادير الخلطه يعني بدل 2 تجيب 1
والشهر اللي بعده اذا ماكفتها تجيب نفس الكميه مع انها تكفي فتره مو قصيره
ويمكن تقولون غاليه بس لو حسبتوا قد ايش نصرف على خلطات خربوطيه بتطلع هذي اهون
هذا واسال الله ان ينفع بما كتبت
واملي ان لا تحرمونا دعواتكم بالمغفره والثبات وحسن الخاتمه لي ولاحبتي
" وانا بعد Fanno0oy " : )
يابناات لا تلخبطون انا بينت بس ارجع اعيد
المقشر اختاري منها نوع واحد بس من اللي كتبت موكل الانواع
اللوشن المبيض نفس الشي نوع واحد بس اختاري مو كلها