مساء الخير اختي بنت الجزيره بصراحه شهتيني اسوي بكره غدا كبسه . بس ياريت تكتبي لي طريقتك لو ماعليكي امر وايش هي بهارتك ليها ويعطيكي الف عافيه واستناكي

فعلاً طريقتك رووووووووعه**

حبيبتي وش قصدك ببعد مايطلع الرز ... يعني يستوي شوي ؟؟؟؟
والحمسة إنتي أصلا حاطتها من قبل على وجه الرز .... كيف أديرها ،قصدك أقلبها معاه ؟؟
والفلفل أغرسهم قصدك أحطهم يطبخون مع الرز ولا ...؟؟؟

وآسفة طولتها بكثرة أسئلتي .. بس السموحة يالغالية

اختي شكولاتة حياك الله وشكرا لمرورك
اختي وسن
يالله خذي الطريقة
اول شي انقع الرز وعلى فكرة انا بطلت اطبخ الرز بموية او مرقة اللحمة او الدجاج
لان الرز لقيتة احسن بموية عادية

احط مع الرز ماء وملح وليمونة سوداء مكسورة وكسرتين دارسين او قرفة
واخليها تطبخ واقصر عليها اذا طلع الرز واخلية يستوي نصف استواء-------
فى مقلاية احمس بصل وشوي ثوم ونصف طماطم واخليها الى ان تذبل
بعدين اقطع الدجاج قطع صغيرة واحط عليها ربع ملعقة من زنجبيل مطحون -هيل مطحون -كمون مطحون كزبرة مطحونة ورشة قرنفل مطحون وشوي ملح
واحيانا احط ملعقتين كزبرة خضراء مفرومة
وملعقة نشاء ابيض كل هذولي اخلطيهم مع الدجاج وحطيهم على الحمسة وحركي الى ان يستوي الدجاج
حطيهم على الرز طبقات يعني طبقة رز وطبقة من الدجاج والطبقة الاخيرة دجاج
وبعدين اذا حبيتى تكملين بحط الفلفل البارد والليمونة يطلع احسن
وفالعافية على قلبك


حياك الله اختى بسمة الايام ولا فية اسف ولاشي بالعكس يمكن سؤالك فية غيرك ودة يعرف اجابتة
شوفى حبيبتى عادتا اذا طلع الرز يعني خلصت الموية الي فية يعني نشفت
ندير الحمسة علية يعني نحطها فوقة ومانخلطها بس نكبها على وجة الرز وبعد كذا جيبي الفلفل واغرسية فى الرز بعد مايستوي
لاني كنت اطبخ الفلفل مع الرز وكانت ريحتة تطير مع طبخ الرز بس لقيت انة اذا غرستهم فى الرز بعد مايستوي يكون احسن
وبعد كذا جيبي الليمونة الي باقية من السلطة وخليها فوق الرز وقصدري القدر وقصري علية على الاقل ربع ساعة -----
وبالعافية على قلبكم جميعا بس تكفون لا تترددون فى اي سؤال لان الهدف من الكتابة اصلا هى الاستفادة

مشكوره بنت الجزيره وماقصرتي