انا صارت لي قصة يومني صغيرة للحين اقول الحمد لله على سلامتي منها
كنت ب1 متوسط عمري تقريبا 12 وجرمي زين دبيبة ماشاء الله ويدياتي مدبدبة تبارك الله وبيضاء
مع ان مالي صدر ولا جتني الدورة
غطوني اهلي لاننا عايلة متحفظة وكان غطاي ساتر حوسة وعباية راس وبدون نقاب
المهم غبت في يوم من الايام وكان علي امتحان
واول المدارس شديدين لاغبتي مايعيدون لك
الزبدة قلت لامي روحي معي للمستوصف اجيب عذر
طبعا المستوصف حكومي منول مانروح لأهليات
عيت امي الله يسامحها
عاد امي من الحريم القديمات اللي على النية يعني مهملة شوي
رحت مع ابوي لاني ابي اعيد اختباري وضايق صدري من الموضوع
وقالي ادخلي قسم الحريم
الزبدة تعرفون الاطفال منول مب زي الحين يروعون وكلش يعرفونه
كنت ما ادري وش السالفة دلخة + على النية + ساذجة
رحت اخذت العذر من الدكتورة وقالت لازم توقعينه من المدير
الزبدة واروح قسم الرجال الله يخلف على اهلي المهملين
وادخل على المدير
وتبقق عيونه
ويقوم يقولي تعالي الختم مب هنا في الجهه الثانية
وامشي وراه انا الدلخه ههه طفلة بريئة شايفته مصدر امان يعني رجال كبير وشكله رزين ومدير مستوصف
الزبدة ومن سي لسيب تعرفون المستشفيات
شوي الا دخلني حاجة زي المخزن وصك الباب
انا اللي قمت اتنافض اتنافض تقل جوال على الهزاز
والمشكلة الغبية سااااااكته ماصرخت ولا قلت شيء
تعرفون الجهل
المهم والرجل يناظر يناظر شوي الا يقولي انتي سنة كم واجاوبه وانا اتنافض وصوتي فيه عبرة صياح ودموعي تنابط _< تقطر بقوة
شوي قالي افتحي وجهك وخلاص ابخليك تطلعين
واااااااااااه الدلخه فتحت وجهي
يوم شاف وجهي ويفتح فمه قال انتي صغييييييرة
توه يصدق شاف الجسم والدنيا ويحسبني كبيرة لكن عايدة او منازل او مدري وش قصته
ويطلعني ولله الحمد بدون مايلمس شعره مني يارب لك الحمد
واخذ العذر واطلع للبيت
وعلى طول على غرفتي قعدت فترة مغير هواجيس وخااايفة وبس افكر ومنهبلة من الموقف
والاهل الله بالخير ما انتبهوا ههههه بس ماالومهم الاهل زمان كانوا بسيطين مرة
الوبدة الحمد لله ربي سلمني لو كان سوا فيني شيء في ذا المستوصف المهجور محد ددرا عني
والى هالحين اقول يارب لك الحمد
بس احس صار فيني زي العقدة اوسوي من أي احد وما اتطمن لاي رجال
ما اقدر احط بزر عند احد ابد
ول اتطمن الا اذا كانوا معي

رفع :)

هذه قصتي مع ام زوجي .. "

اانا عشت سنتين معاها في بيت واحد وكنا ساكنين اجار,,,

انا وزوجي .. واثنين شباب من اخوانه واخت وحده مطلقه.. "

طبعا اخوان زوجي .. قليلين ادب بشكل مب طبيعي.. يسون كل شي ابكيفهم ومافي اي رادع يردهم؟؟

كانوا يجيبون بنات للبيت ,, وكل واحد يجيب صديقته.. ويدخلها .. ومن الصدف ياقدامي او

قدام الخدم.. وكمن مره زوجي يكون وياي ويشوف .. سكت مره مرتين.. قال لي متى هالمصخره"؟

انا رحت كلمت ام زوجي .. قلت اعيالج مايستحون كل واحد يجيب وحده للبيت لاحيا والامستحا؟؟

طبعا.. ردت قالت صج والله وماصدقتني .. وقالت كيفهم ومابي مشاكل.. " وسكتت والاقالت شي..

زوجي ماتحمل الوضع.. طبعا مره كنت نازله الصاله اجيب شاي .. الااشوف اخو زوجي

مدخل علنا قدامي وحده.. واطلع بسرعه فوق واكلم زوجي اقول شفت اخوك مصخها.. ؟؟

زوجي قام وقلب الدنيا.. وتهاوش واياه.. وصارت سالفه بالبيت هواش ..ومشاحنات بينهم..

قاله زوجي اطلع البنت من البيت.. ويعاند يقول ويسب ويتحلف فيني انا.. يبي يمد يده علي..

وزوجي قال له لو مديت يدك مالك الا مركز الشرطه.. "

طبعا ايش موقف عمتي المصون ام زوجي .. " اقهرتني ..

قالت انا اللي اسوي مشاكل وانا ابي افرق بينهم.. واطردتنا من البيت ..

قالت انا مابي زوجتك عندي والا ابيك انت بعد .. طلعوا من بيتي.. "

طبعا الخبر وصل لكل بناتها.. والكل تهاوش مع الام .. كيف ترضى ع افعال ولدها وخرابيطه..

وزوجي من طبعه من النوع اللي كرامته فوق كل شي..قال لامه طيب خل اعيالج ينفعونج..

واهي تدري مستحيل ينفعونها في شي.. ومحدن قايم فيها الازوجي .. والله العظيم.. الشهاده لله

زوجي يخلص كل امورها وقايم بكل واجباتها وامورها.. لكن للاسف..؟

واللحين طبعا طلعنا بشقه وعشت مع زوجي وشرينا راحتنا.. واهي طلعت من الاجار

عاشت في بيت في منطقه بعيده .. بعد ماكانت تترزز كان عندها بيت وسيع

الله رزقها ببيت ضيق..وتحمد الله انه بنتها كانت اتجمع مبلغ وشرت لهم هالبيت..

.و تشتكي من البيت انه ضيق وانه محدن عندها.. وانه اعيالها مهب نافعينها ابشي

ومضايقه منهم.. والله صارت تتمنى انعيش واياها..ويوميا تتصل علي وع زوجي

علشان نمرها.. ودوم تشتكي لي محدن يمرها لابناتها والااعيالها يخدمونها.."

وانا كل اخر اسبوع امرها مع زوجي نقعد عندها من الظهر حتى اخر الليل وتترجانا نبات

وانام عندها.. سبحان الله ماعرفت قدرنا الا بعد مابعدنا عنها..."

الحمدلله كل هذا اجر ..وانا تحملتها لانه مثل امي ولله الحمد والله الشاهد

والاعمري طولت لساني عليها او تطاولت.." اهي امي .. ودوم اناديها امي

رجعت واسفه على التأخير ظروف غصب عني نجي لقصة قريبتنا الي انقتلت هاذي الله يسلمكم وحده تقرب لي مره وزوجها كذالك جابت بنوته ماشاء الله من كانت هالبنت صغيره كانت جميله وبيضاء وتختوخه وجابتها في سبع شهور خديجة بس ماشاء الله ماضرها وعندها ولد اكبر من البنت هاذي وعندها غيرهم اصغر من البنت المهم البنت هاذي ربتها جدتها وكانت تخاف عليها من الهواء الطائر حتى البنت كانت تتضايق من اهتمام جدتها الزائد وبعد ما كبرت ودخلت المدرسة جدتها توصلها الين باب الفيلا ومرضت جدتها وتوفت أمها ماكانت تهتم فيها لأكن أمها الله يسامحها كانت تعاملها انها كبيره والبنت تحب قعدات الحريم ومن جت رابع ابتدائي وهي كنها حرمه وبعد مابلغت بدت عليها حركات شوي يمكن اكبر من عمرها وما تحترم احد والسانها يسبقها بسذاجه منها وعدم اهتمام أمها وأي شي تبيه يجيها على طبق من ذهب من النشئه هاذي عرفتو نبذه عنها بعد ماوصلت للمتوسط خطبتها خالت أمها لولدها الي اكبر منها بخمس طعشر سنه وتملكو وتزوجو كانت حياتهم مستقره ثلاث سنوات كنت أكلمها اول ماتزوجت وتقول مبسوطة مرره مع زوجي وفلان وفلان بعدها تعالجت وحملت وجابت بنوته بعد شهرين وأول ماطلعت من النفاس حضرت زواج بنت صديق أبوها ودخل المعرس وأخوها وبالصدفة شاف البنت هاذي وكانت جالسه جنب اخته الثانيه وراح لأهله قال لأخته منهي البيضاء الي كانت جنبك في عرس أختي قالت هاذي بنت صديق أبوي وقال هي متزوجة قالت إيه وعندها بنت توها طالعه من النفاس قال وش اسمها قالت مها ومن هنا بدت السالف الرجال حطها في باله وكان مطرود من وظيفته حاول يجيب رقمها وبدى بامها كلمها مره مرتين ثلاث وسوى غسيل مخ لها وسوى غزو فكري وهي صغيره وساذجه هو استغفر الله رجال مو مستقيم ومطرود من عمله وراعي حشيش وبلاوي وله في السحر والشعوذة ومريض بالشك طبعا البنت ماتدري وشوي شوي تغيرت أخلاقها مع الكل وتركت بيتها وزنت على خراب عشها عشان يطلقها زوجها وتطلقت من زوجها الي هو ولدخالت أمها وأبوها بعد ما كشف خيانتها بس ستر عليهاوكان الثاني عشمها بالزواج وبعد فتره تملكت على هاذا وجلس فتره يلعب عليها ويعبي رأسها ويكبرها عند نفسها وانه بيسويلها شقه وانه بياثثها وانه بيرجع بوظيفته وشوي شوي لعب عليها وعلى أهلها انه رجع للوظيفة بعد سنتين تزوجته ومن هنا بدت مأساتها ومأساته أهلها بنتها عند أمها طبعا من اول ولا تدري عن بنتها قلتلكم كانت بزر ولالها تجارب كثيره في الحياة. وما عندها احد يوعيها والي كانت تهتم فيها وتوعيها وتخاف عليها توفت الله يرحمها في البدايه حرمها من أقاربها وجمعاتهم وأهلها مات شوفهم بالشهور وهم جنب بيتهم وسكنت مع أهله وقعد يطلع لها ويوضح لها ان هاذيك وهذيك وهذيك ساحرينك وخالتها ساحرة أمها وجدتها ماتت مسحور وام زوجته وحريم عمانها الي معها في البيت هم الي ساحرينها وصارت مشاكل وقطاعه يسوي جلسات شعوذه ويقولها كلام كذب وانه معه جن وهي تصدقه وتقول لامها وامها صدقته وسوى غسيل مخ للعايله كلها بالشعوذة وقام يقول لأهلها أنتم مسورحين وبطلع السحر من بيتكم يكب تكرمون زبالة بيتهم ويحفر بالأرض الفاضية جنب بيتهم ويجيب كيس من قماش مصرور فيه شعر وروقه فيها طلاسم ويقول هاذا سحر محطوط لكم وانقطع فجاءه حسها ولاعاد ادري عنها سمعت هالكلام قبل الحادث الا صار وسافرت بعدها للمنطقة الي يشتغل فيها زوجي هاذا الجزء الاول من القصه وفي يوم من ايام الجمعه كنت نايمه وصحيت بدري اصلي الظهر وجلست ارتب بعض الأشياء واجهز القهوه قبل لاجئي زوجي من صلاة الجمعه وكنا في أواخر شهر ذي القعده دخل زوجي ورحت أجيب القهوه من المطبخ الا جوالي يرن أحسبه أمي قلت لزوجي شكلها أمي سبقتني توي بدق عليها وارفعه الا أختي الي اكبر مني توقعت انها بتسلم ورديت من غير ما استغرب قلت هلا فلأنه وش اخبارك الا صوتها متغير قلت وش فيكم أمي فيها شي قالت لا أمي بخير قالت بس حبيت ابلغك وسكتت شوي قالت انتي مؤمنه وكلنا على هالطريق عرفت انها وفاة قلت في نفسي لاتكون امي ولا احد قريب مني قالت ومها توفت أمس انا صعقت كنت واقفه وجلست على الكنب و قلت حادث لانه هو الي خطر على بالي قالت لا مدري وش أقولك وبكت لاحول ولا قوة الا بالله جعل ماجاها تكفير هنا قلبي قام يدق بسرعه لانها صديقتي وكنت احبها مرره وقريبه مني قالت زوجها عذبها وضربها مع رأسها وماتت انا ان ربط لساني ولا عرفت وش اقول زوجي وقف يقول من هي قلت اصبر قلت وشلوون وليه بصوت منفعل وبكيت من القهر وجلست تتكلم عن شكلها تقول حسبي الله عليه الله لايوفقه كلها كدمات زرقاء من الضرب وآخر شي أخذ حديدة الشماعة حقت الملابس وضربها مع راسه ويوم شافها كذا دق على اخوها وماكان احد في بيتهم وقاله تعال ابيك ويوم جاء صعق يحسبونها مغمى عليها ثار اخوها وقال زوجها خلينا نوديها للمستشفى وودوا قالو ماتت من ساعه بنزيف داخلي ودقو المستشفى على الشرطة ومن التحقيق والتشريح زوجها اعترف لأكن قال ان اخوها معي وهو يكذب طبعا وسوى كذا عشان مايتورط لحاله وانحبس زوجها وأخوها وكان توه عريس وأبوها جاته جلطه وأمها منصدمه وكل الناس لاموها في العزاء خاصه عمات البنت مسكت راسي وجلست ابكي وأبكي وزوجي يواسينا يوم قلت له السالفه قعد يتحيسب وجلست أسبوع ابكي ماعلينا نرجع باقي القصه والأحداث وبعد سنتين تنازلو أهلها عن القصاص عشان يطلعون ولدهم من السجن وغيرو بيتهم ولاكن فيه احداث صارت وقت زواجها الي مدته سنه تخيلو نفس اليوم الي كملت فيه سنهم تزوجته ماتت فيه كانت وقت زواجها تجي لأهلها مضروبه امها ترجعها له وماتصدقها وأخذ منها الجوال ولايبيها تشوف احد ويشك فيها انها تعرف غيره طبعا أكيد بيشك لانه هدم حياتها وأخذها من زوجها المهم كل ماراحت لأهلها ورجعت يفتح معها تحقيق ويضربها يقول انتي كذابه أكيد طلعاتي مع واحد الي معي يقول انك طالعه مع واحد غير المخدرات والحشيش الي يتعاطها حسبي الله ونعم الوكيل جعله يخيس في السجن هو حكمو عليه ست سنوات سجن مع التنازل من أهلها من القصاص امازوجها الاول ماتزوج وبنتها عند امها وبنتها مسكينه نرحمها كل ما أشوفها أتذكر امها الكل ننسى او تناسى السالفه لأكن دائم البنت تجئ على بالي والترحم عليها وهاذا كله حصل بغمضة عين لأكن ربي كاتبه والحمد الله على كل حال

وبكذا انتهت قصة مها

النهايه

من جيراننا بنتهم الله يرحمها عندها بنت وولد مدري شكلها متهاوشه مع اخوها الصغير صف خامس ابتدائي وشكله حقد عليها ولما طلعت من البيت رماها بالسلاح بندق زي المسدس وماتت الله يرحمها اهله تستروا على الموضوع ولاعلموا ودفنوها على طول ومرت 8 سنوات وقبل سنة صار له حادث وتوفى الولد كمان