تعالي انتي وياها واللي معصبين تعالوا اضحكوا

من الدايركت 
مرتن من المرات ولد عمي مبتعث ونازل الديره المهم هو مزيون حيل وكل بنات الحاره خاقين عليه جمال ومال وسمعه بين الناس ماشاء الله عليه والكل يمدح فيه ويذكره باالخير وانا خاقتن معه ودائماً انتظر اليوم الي يجي ويخطبني فيه ونتزوج واروح معه امريكا ادرس وافلها 😋وكل ماتزورنا امه في البيت اروح اكشخ لها واستشور الكشه واقدم لها الحلئ واقهويها يعني شوفيني انا البنت السنعه الي ماشاء الله عليها  عاد امه تاخذني في الاحضان وتقعد تمدح فيني ماشاء الله جمال وسناعه ☺️ انا هنا قلت بس اكيد بتروح لولدها وتمدح فيني عنده ويخق ويخطبني😎واتزوجه واقهر بنات الحاره واروح معه امريكاء😆 وفي يوم من الأيام المنحوسه كنت منسدحه باالصاله والكشه طايره ومزكمه وخشمي متقشر من الفكس وحالتي حاله الا وجرس البيت يدق ويدق مافيه احد يفتح كاالعاده واقوم انا اطلع بعز الظهر والشمس 😩 واقول اكيد محد يدق هاالوقت إلاخواني الملاقيف مايحلئ لعبهم إلا حزت الظهر
وانا رايحه افتح الباب ومعصبه واتحلف فيهم 😤
والباب يدق بشكل قوووي واقول وجججججع بصوت عالي وافتح الباب ومناخيري يطلع منها دخان كذا😤
طلع الي عند الباب ولد عمي المزيون الي انا خاقتن معه 😐
ياأرض انشقي وابلعيني
قام يضحك يقال انه يمزح قال شعندها ميري معصبه ( ميري خدامتنا)
انا وجهي كذا 😶
>واقوم اركض وهو 😦
يقول وين عمي وارد وانا اركض واقول باالمجلس 
انا بهااللحظه مدري ارتب الكشه حقتي ولااخبي روبي العنابي الي نصه مصبوغ باالكلوركس
ولاشبشب العمال الي صابغين حمامي وناسبنه ومخليته للحوش 😑
المهم راح بسرعه عند ابوي وانا اخذت وضعية حياة الفهد وقلت بس انقطع نصيبي مع ولد عمي المزيون بعد المنظر هذا 
قليل الخاتمه
المهم بعدها بفتره خطب بنت خالته والزواج تحدد بسرعه
تحسبوني بصيح واقعد ابكي مثل الروايات
لااا حضرت عرسه وتكشخت وقمت ارقص و ارقص واكل وانشق فستاني وفيه ثنتين باالعرس لابسين نفس فستاني واصلًا عادي اهم شي الوناسه ويازين الرياض وبر الرياض 😆(الله يرزقني بمزيون في لندن 😆)