السلام عليكم ورحمة الله وبركاته ...
شلونكم خواتي ان شاء الله تكونون بخير وصحة وعافية..
عندي لكم طريقة الحلو هذي
انما ايه ..
لذييييذة لذييذة
تبرد على قلبك
طعمها كانها ايس كريم
وكشخخخة ترفع راسك عند ضيوفك
ويصير باي نكهة تحبينها
فراولة , اناناس ......الخ
واسهل منه ما فيه..
بعد هالمقدمة الطويله
ناتي الى مقادير الحلا..
تحتاجين الى ظرف دريم ويب او أي كريمة مو شرط دريم ويب عندك مثلا شانتيه
2باكيت جلي باي نكهة تحبينها (فراولة_ اناناس_ خوخ...)
انا احب الفراولة وجربتها طلعت رووووعه يمي يمي
الطريقة
تعملين ظرف واحد من الجلي بالطريقة العاديه وتضعينه في الثلاجه حتى يبرد ويتماسك
تعملين الظرف الثاني لكن صبيه بكاسات التقديم او بالاطبا ق الصغيرة حسب ذوقك واختيارك طبعا تضعيين الجلى حتى النصف
وتضعين الكاسات بالثلاجه حتى يتماسك الجلى
وفي هذه الاثناء قومي بعمل الكريمه ايضا بالطريقه العاديه المكتوبه على الظرف وتخفقينها عادي
بعد ما تجهز الكريمه ويكون الجلي تماسك
تقومين بصب الجلى فوق الكريمة وتخفقينها مرة اخرى
وتصبينها في كاسات التقديم فوق طبقة الجلي السابقه طبعا تكون جامدة ومتماسكة
والحين صار عندك طبقتين صح
طبقة الجلى وطبقة الكريمه
باقي التزيين ..
وهذا يختلف على حسب الاذواق والرغبات
لكن انا وش سويت؟؟
اخترعت صلصة الفراولة
لا تخافون
تراها سهلة
طريقتها:
مربى فراوله حوالي ملعقة كبيرة
وملعقة كبيرة ايضا قشطة
وتتخفقينها بسرعه حتى تتجانس المربى مع القشطة
وتصبين القليل منها فوق طبقة الكريمة طبعا بعد ما تجمد
وتزينينها بقطع الفراولة
اممممممم
لذيذة
جربوها
لو عندي كاميرة كان صورتها لكم
شكلها لذييييذ
وطعمها طبعا
وتقدرون تسوونها بالاناناس
وتزينوها بقطع من الاناناس او الكريمة
انت وذوقج
جربوها وقولوا شنو صار معاكم
وبالله اللي تجربها وتقدر تصورها لنا
وتضعها هنا
لا تطوفكم
والسلااام
يلزم عليك تسجيل الدخول أولًا لكتابة تعليق.
(¯·._.·(كافي لاتيه )·._.·¯)
•
الله يعطيك العافيه
الصفحة الأخيرة