تعالي بسولف معك عن..

الأزياء والموضة

هلا والله بالبنات الحلواااااااات


اللي ما يعرفون يطنشون ابدااااا<<<تصطاد في الماء العكر ههههههههه


بنات بصراحة فيه موضوع لازم نستفيد منه مع بعضنا


وانا ابي المشاركة من كل وحدة قربت تتزوج وتسافر شهر العسل او حتى تكون لسه ماتزوجت ممكن تشاركنا وتقولنا تفكيرها لان مصيرها تتزوج وتمر بهتجربة وحتى المتزوجات حديثا لازم ينورونا

والبنات تكفون ابي مشاركة البنات كلهم المتحجبة وغير المتحجبة في السفر


الاسئلة اللي ابي لها اجوبة هي ...


اولا..قبل ما تسافرين كيف ترتيبك لشنط سفرك وتوزيعك لها يعني كم شنطة فيه مثلا شنطة الملابس وشنطة الجزم تكرمون..وشنطة المكياج

ثانيا..طيب اذا سافرتي ووصلتي الفندق كيف ترتبين شنطك هناك هل تطلعينها كلها ولا شيء بسيط منها ع العلم انك احتمال ما طولين في البلد احتمال انك تروحين لاكثر من بلد ابغى اعرف بالتفصيل كيف ترتيب الملابس والمكياج واشياء الحمام الخاصة فيك


ثالثا..وهي الاهم وش تاخذين معك ماهي نوع الملابس يعني سبورات وملابس رسمية الكمية ؟؟

ملاحظة..

بالنسبة لي انا دايما اسافر مع اهلي والله لايولريكم انا فوضويه لابعد درجة في السفر وكل شي امي الله يخليها لي تسويه لي بس مافيه فايده ارجع احوس لدرجة انك اذا دخلتي غرفتي برا يجيك احساس انك داخله ملاهي او سوق شعبي الملابس مرمية في كل جهة ونصها في الشنطة ما طلع والتسريحة الله لايوريكم ..حتى امي تضحك علي هي واهلي كلهم يقولون نموت ونعرف كيف الغرفة الحايسة هذي تطلعين منها وقت السهرة او الطلعة زي القمر شكلك ولبسك مرتب واللي يشوف حوستك يقول هذي رايحة فيها هههههه


يلا بناات ردو علي بليييز

باي
42
7K

يلزم عليك تسجيل الدخول أولًا لكتابة تعليق.

تسجيل دخول

لون المطر
لون المطر
يعني كم شنطة فيه مثلا شنطة الملابس وشنطة الجزم تكرمون..وشنطة المكياج

هاااه؟؟

انتي بتروحين شهر العسل و الا بتهاجرين؟
شنطه وحده بس تكفي..و يفضل انك ما تمليها..و على حسب المده اللي بتقضونها تشيلين ثياب..و نوع الثياب على حسب البلاد و جوها...و لازم تحطين في بالج انج راااااااااح تشترين اشياء من هناك بعد..و الطياره عندهم حد اقصى للوزن بالنسبه للشخص الواحد...و اذا تعديتيه يدفعونكم مبالغ طائله..او يجبرونكم على الشحن و تنتظرين شنطك شهور بعدين..
و احسن طريقه انك تخلين ثيابك مربعه في الشنطه..ما تطلعين الا الاشياء اللي فعلا تحتاج تعليق..و شنطه صغيره للمكياج... و حذاء واحد الله يكرمج من النوع الرياضي الانيق..يصلح لكل شي يعني...او حذائين اكثر شي...
وا لسمووووووووحه
:24:
زي العسل
زي العسل
هلا لون المطر مشكورررررررره حبيبتي على ردك الحلوو

بس حبيبتي انا لا بهاجر ولاشي انا متعودة اخذ شنطة متوسطة للملابس وشنطة صغيرة للجزم بصراحة صعبة جدا اخذ جزمة وحده والبسها مع كل شي بيصير شكلي يفشل تخيلي تنورة مع شوز رياضة ههههههه
بعدين حبيبتي بالنسبة للوزن انا ممكن اكثر شنطي بس يكون في حدود الوزن المطلوب وفي الاخير اكيد بندفع زيادة لاننا بنشتري من برا وراح نضطر نزيد الشنط اذا رجعنا بالسلامة

عموما مشكوره يا قلبي افدتني باشياء حلوه ياقمر

يلا بنات خلونا نسولف<<<فاضيه من قلب

تشااوو
سنوعه
سنوعه
هلا زي العسل
ااجل الله يعين رجلك :p

اذا كنتي متحجبه في السفر اكيد لازم تلبسين اكمام طويله وشي ساتر فيه دقلات مناسبه للسفر مره في( زارا)
وانصحك زي العسل انك تتحجبي ولا يهمك احد الا الله ..ولاتقولين اخاف ووو بالعكس بيحميك الله
واصلا ماحد يقدر يسويلك شي وان تعرض لك احد بالكلام سووو وات؟

وممكن تاخذين معك لبسين او ثلاثه رسميه شوي اذا طلعتوا مره تتعشون يعني سهره
اما الجزم مانتي صاحيه تاخذين شنطه كامله..انا بكل سفراتي جزمه وصندل بس وخذي الالوان الاساسيه
خذي صندل لو طلعتوا سهره لكن للتمشيات كاوتش رياضي اريح لك للمشي

المكياج ..لا تاخذين شنطه للمكياج ترا هالاشياء يسوونها الي قدييمين
عندك الشنط الي تجيك صغيره للميك اب وتحطينها بشنطة ملابسك حطي فيها كم روج وكحل وماسكار وقلم حواجب وواقي شمس و كريم اساس وماله داعي بصراحه شنطه كامله ميك اب
وبعدين اكيد بتكونون تتمشون اغلب الوقت ومن الصبح ماراح تحتاجين الميك اب خصوصا اذا متحجبه
واخيرا خذي شنطه وسط اذا بتتنقلون ولاتكثرين ملابس نصيييييحه
اتمنى تستفيدين من رايي :)
زي العسل
زي العسل
هلاااااااا سنوعة

اجل الله يعين رجلي هااه:32:

بصراحة نورتيني كثير سنوعه بس انا احب اوضح حاجة يمكن ما عرفت اوصلها لكم

بالنسبة لشنطي صغار مره ولانه شفت كثير مثل مرت اخوي وبنت خالتي كلهم اخذوا ثلاث شنط

وبعدين بالنسبة لشنطة الجزم ترا هي صغيرة وما تاخذ الا من اربعة الى خمسة ماكسيموم وهي تنسحب وتكون مخصصه للجزم بس حتى تصميمها من الداخل مسوينها بطريقه تكون بس للجزم

وبالنسبة لشنطة الميك اب حبيبتي هي بكبر شنطة اليد يمكن اكبر بشي بسيط وموجوده بقزاز ماركات مختلفة وكمان ديور ولوي فيتون عندهم منها انا اقصد هذي النوعية حجمها حلو مو القديمة الكبيرة اللي فيها ادراج وخرابيط لالالا وش قالولك كوفيرة;)

وبالنسبة للحجاب طبعا انا افتخر فيه ولا يهمني احد غير الله سبحانه بس انا خرابيطي كثيرة كل لبس لازم معاه مكملاته حتى الشوز ما اقدر اعتمد على واحد او اثنين ...


يلا بنات افيدونا ترا والله فيه اشياء كثير ما كنت عارفتها وماشاالله البنات ما قصروا..



باي
أم لندا
أم لندا
مرحبا ,,,,
انا اخذ شنطتين وحده كبيره ووحده صغيره للجزم وانتم بكرامه ......اخذ 4 جزم وحده صندل عالي وكشخه وصندل واطي و2 كاوتش اسود واي لون ثاني وشبشب للغرفه ولاتنسين الشرابات

الملابس ,,, قمصان نوم كل يوم واحد ,,,,,,,,وبناطيل وبلايز وبديات ولاتاخذين تنانير ولاملابس سهره لاانك في سفر ومافيه احد تعرفينه والعبايه عليك وخذي فساتين قصيره للجلسه وملابس داخليه وعبايتين وطرحتين ونقابين
وعطورات وشامبو وبلسم وفرشاه اسنان ومعجون وقصاصه اظافر ومقص عادي وعلبه صغيره ادوات خياطه
ومزيل مناكير فيه الي على شكل مناديل معطره وشنطه الي على شكل محفظه للارواج وحمره خدود وكريم اساس وكحل ومسكره وقلم حواجب ومحددات للارواج ومناكير (((((( وبندول ))))))) واي ادويه تستخدمينها ... ونظاره شمسيه ..وشنطه يدويه ..وكاميرا

واذا ذكرت شي ارجع لكم

بايييييي
:24: :26: