الرجال يحسبون الحريم لعبه عندهم اتركيه لا تحبين رجلينه هو الي غلطان

والله لا يا حبيبتي لا تبوسين رجله
لو انه يخاف الله كان قلنا امكن

انا ماحكلمك على زوجك


بكيفه .. خليه يولي


معليش بس انا تعرضت لنفس الموقف ( مو انه طلب ابوس رجله ) لا والله ماني بنت ابويا ان سويتها


بس انه في فترة كان يطالع هالصور ... طنشته


من نفسه تاب لربه .. مو ليا .. ايش عليا فيه


ولا تزر وازرة وزر اخرى



بس بناااااااااااااااااااااااااااااتك



انتبهي .. تراهم امانة في رقبتك


هم الان ماهم في سن صغيرة .. لا البنت في هالزمن من تدخل المدرسة .. تلقيها تتشوق متى بتلبس زي الي اكبر منها .. متى بتلبس سنتيانة وترز صدرها .. يعني المواضيع هذه شاغلتهم لايغرك حتى لو مابينولك


لا تخلي حبك لزوجك وانك باقية عليه يعميك عن بناتك

ماتضمني ينجرو لهالطريق .. وقتها لاسمح الله بتقولين حريقة بالرجال !!!

اهم شم شي بناتي لايضيعون


اذا هو مو مؤهل يكون مربي .. انتي خليك احسن ام لهم ... لاتنشغلي بالرجال وتنسيهم


اعرف وحدة اللهم صلي على محمد

وربي محد يلاحظ عليها شي من الي يعرفها .. وهي نار بكبدها .. بس ماخلتها تعميها عن عيالها


رجالها يجيب البنات للبيت ( مو بس افلام وصور يابعدي )

وعلى باله هي ماتدري


غسلت يدها منه


عرفت انه لو انسحبت ورجعت لأهلها .. ومجتمعنا مايصدق المرة لاعلمت على زوجها .. هذا اذا ماقالولها هو حر بنفسه
عرفت ان عيالها بيبقون عنده .. والله اعلم على ايش يربيهم
مسكت اولادها وبناتها .. شجعتهم على الدراسة .. وحدة من بناتها الحمدلله هذه هي متزوجة وعندها بنت وولد .. بس لأنها الكبيرة فكانت تشوف ابوها ايش يسوي

والله ان قلبها محروق على امها .. وتشيلها فوق راسها على صبرها .. ولا تكن اي احترام لأبوها .. حتى لو انه تاب
الاطفال يكبرون وتكبر الصورة في بالهم .. يعني الي شافوه بناتك ماراح ينسوه .. بس اشغليهم
هذه الحرمة اشتغلت بنتها الثانية بالقرآن .. كل مانقلو لحي او لمدينة عشان دراسة اخوانهم بالجامعة .. دخلت بنتها تحفيظ .. ومو بالغصب
لا حببتها بالقرآن من صغرها

تظنين لو اهملتهم .. حتى لو بدون قصد .. كان هذه النتيجة
الله العالم ايش كان ممكن تكون نهايتهم

كل يوم نسمع عن مشاكل اغتصاب محارم >>> بتدعين علي .. معليش
بس لاتركزي علة زوجك وتنس الامانة الي في يدك
انا ماقول انك مانتي حولهم .. وايش دراني انا
بس ذكرتي انهم كذا مرة شافو هالمناظر .. وماحسيت انك تقوليها باهتمام مثل مانك محرصة على حكاية اهانة زوجك لك

تري مهما لبستي وكشختي ( وانا جربت يوخيتي ) مابيبين بعينه ..مو لأنك ناقصة .. حاشاك


لأنه مريض الله يشفيه


ماقولها سخرية .. لا فعلا نفسيا مريض .. ادعي ربك يشفيه .. مصيره يرجعلك


انت بس سيبيه وانسي الموضوع فترة حتطول شوي >> عن تجربة


روحي اقري موضوعي : " احس ان غلاه في قلبي قل .. "

يمكن تحسي باحساسي وانا اتكلم الان


لما يشوفك مطنشة حيجي من نفسه .. والله اعرف انها لوعة بقلبك .. بس الله يفرجها عنك ياعمري

الوحدة فينا ياحرام من يوم تنخطب وهي تفكر ايش تشتري وايش تلبس لهالرجال .. مو لشهوة فيها .. لا .. بس عشان متخيلة ان حياتها حتكون الحلم الوردي الي يخليها تشوف مستقبلها كله وئام ومحبة .. ومثل ماإن عينها قاصرة عليه فمتوقع ان هو كمان مايشوف غيرها ..

وهذه صدمتنا في رجالنا .. عشم ابليس في الجنة ... مساكين يالحريم

جمدي قلبك .. وخليه في حاله ..دعيله بالتوبة .. ونصيحتي الي اترجاك تتبعيها ..


لاتناقشيه في هالموضوع خلااااااااااص

مرة لاتذكريه قدامه

بس خوفيه من مغبة شوفة بناته لهالمناظر ... بس انتبهي لايفهم من اسلوبك انك قاعدة تحاولي تصرفيه بطريقة ثانية .. وفي نفس الوقت لاتقوليله انك انتي مهتمة .. عشان ماياخذها تحدي ويواصل ويعند زيادة
لو سألك قوليله انك تتمنيله الهداية ومن ناحية الهتمام .. فانت تتمنيله الخير .. يعني خليك حيادية .. لاتقوليله " اتمنى تسيبها "
ولا تقوليله انك غير مهتمة

اهم شي اثيري فيه الغيرة على بناته .. تري في غشاوة على عينه تخافين كل مالها تغمق ومعد شيوف ان الي قدامه بناته

حقولك حاجة سمعتها كذا مرة من كذا شخص

اب كان يتخذ بناته لنفسه والعياذ بالله .. ولما لاموه الناس ايش كانت اجابته ؟
" انا اولى ببناتي من الغريب " !!
شايفة الانتكاس كيف في المبادىء

اصحي .. وبقبقي عيونك زيييييين

:mad: بالضبط وكمان يبوس رجولك على صبرك عليه