تعالي تأكدي من وضع جنينك بالصوره عشان تعرفين مدى سهوله ولادتك ان شاء الله

كلنا عارفين ان افضل وضع لولاده الجنين الطبيعيه اهي لما يكون الراس للاسفل وداخل الحوض

ولكن و حتى في حالات الراس للاسفل هناك وضعيات مختلفه للجنين لها دور كبير في تسهيل و تسريع عمليه الولاده

الصوره المرفقه اللي بموضوعي اهي من الكلاس الاخير اللي حضرته بالمستشفى و كان موضوع الكلاس هالاسبوع عن وضعيات الجنين و دورها بعمليه الولاده و كيف ممكن نتلافى الاطاله في مده الولاده قدر المستطاع

افضل وضع و اللي ممكن يسهل الولاده و يجعل مدتها قصيره هي لما يكون ظهر الجنين الى يسارك اما اذا كان ظهره على يمينك فخلال الولاده الجنين محتاج انه يدور و يتجه بظهره لليسار و من بعدها ينزل و لذلك الولاده تاخذ وقت اطول لمن يكون ظهر الجنين الى اليمين

شلون نعدل وضع الجنين خلال فتره الحمل قبل الولاده؟
في وضعيات كثيره ممكن الام تمارسها عشان تساعد جنينها انه يعدل وضعه و يكون ظهره الى يسارها منها:
اول شي حاولي قد ماتقدرين ان نومك يكون على جانبك الايسر لان ظهر الجنين ثقيل و بالتالي نومك على جانبك الايسر يجعل مركز الثقل عند الجنين وهو الظهر ينزل لليسار

ثاني شي .. اخذ وضعيه اسممها cat position و اهي نفسها مثل لما تكوني ساجده مع تحريك المقعده يمين يسار

و اليكم الصور للوضعيات السته للجنين و لاحظو ان الصور اللي على يساركم هذي لجنين ظهره ليمين امه و هذي وضعيات غير مستحبه و الثلاث اللي على يمينك هي لجنين ظهره ليسار امه و افضل وضع هو الوضع الاخير بالاسفل .. هذا الوضع اسهل شي لانزلاق الجنين بسرعه

ان شاء الله كل عيالنا يكون وضعهم سهل و يسهل علينا ولا تتعسر علينا بشي قولو امين :)





ملاحظه: اللي ودها تنقل الموضوع او الصوره ياليت تخبرني اول