السلام عليكم ورحمة الله وبركاته
ماشاء الله تبارك الله
كل عام وانتم بخير وتقبل الله منا ومنكم صالح الاعمال واعاده الله علينا وعليكم سنين مديده واعوام عديده على طاعته باذن الله
اولا احب اشكر كل البنات بالقسم وجزا الله خيرا كل من كتبت موضوع او شاركت وكل وحده استفدت من تجربتها
تاني حاجه ياريت اي وحده تستفيد من موضوعي تدعي لي بان يرزقني الله توام ذكور وان يسبب لي الاسباب وينفعني بها مو لازم تكتبوا حتى لو بقلوبكم وانا احلل كل وحده ماتدعي لي الى يوم الدين وماراح ازعل منها ويكفيني شرف انها دخلت موضوعي واللي تدعي لي يارب يتحقق لها كل اللي تتمناه يارب
كمان احلل كل وحده تنقل موضوعي حلال عليها
اولا راح اتكلم عن الاشياء اللي استفدت منها او سمعت عنها
وحده من البنات جزاها الله خير نزلت موضوع عن ليفة كونجاك وصابونة توكيو لوف سوب بحثت عنهم ولقيت عليهم مدح قوي طلبتهم من امازون وكلفتني 147 ريال تقريبا بالنسبه للصابونه يقولوا طبيعيه ومبيضه صراحه هياماتجفف البشره وتشد الجسم وتنعم الجسم لكن ما لاحظت اي تبيض
نجي لليفه الليفه روعه ادخلو يو تيوب وشوفوا ناس كتير جربوها هيا للوجه وللجسم روعه طبعا هيا مصنوعه من الياف طبيعيه ميه بالميه لما تبلليها بالمويه وتمرريها على الوجه تلاقيها زي القطنه من نوعومتها لكن تنظف البشره بشكل كبير الرؤوس السودا تختفي والقشور وتخلي البشره مره سوفت انا بالمره حبيتها عن جد روعه
كمان شفت مقطع يوتيوب لامريكيه عمرها 57 لكن بشرتها كانها في ال 30 وقالت انو السر الفازلين تقول من لما كنت بالعشرينات كنت استخدم الفازلين للوجه واليدين وانام والصباح اغسل بالصابون والنتيجه مافيه تجاعيد وبشرتها حلوه دا الشي يناسب اللي بشرتهم عاديه او جافه لكن الدهنيه ما اعرف وانا جربتها والنتجيه واو بس لازم استمرار كل يوم ونوع الفازلين الفازلين العادي مو اللوشن واحسن فازلين سوفت وحلو وخفيف جونسون فازلين الازرق روعه روعه وكمان فازلين العادي كمان روعه وركزوا حول محيط العين لازم ترطيب للمنطه هادي لانها مره رقيقه ولازم تحطو كميه محترمه وتحطي تحتك فوطه قبل تنامي عشان ما تتبهدل الدنيا لكن فعلا سر الشباب الدائم باذن الله
اذا تبغي تحطي مكياج وتبغيه يطلع واو حطي قبلها قارنيه كريم مرطب اسمو اساسيات وعليه ورده بنفسجي وبعدين حطي الفاونديشن وشوفي كيف البشره تلمع وللامانه اخذت دا الطريقه من منتدى تاني من خبيرة التجميل ام علي
دايما امسحي الوجه بموية ورد بارده قبل وضع المكياج واشربي موية الورد تخلي الوش والجسم مورد
فيه ماسك كمان حلو هو ماسك الاسبرين والعسل تدوبي الاسبرين بعدين تحطي عسل وتحطيه عالوجه ربع ساعه وتشطفي بمويه بارده يدي نظاره حلوه
كمان الخيار يابنات روعه للوجه ومحيط العين اي تجاعيد خفيفه او هالات خفيفه تاخدي خياره وتبشري شويا منها خلي عندك مبشره خاصه لدا الشي وبعدين حطيها عالوجه ومحيط العين سبحان الله اي خطوط خفيفه تشيلها بس لازم تستخدميها كل يوم لمدة شهر بدون انقطاع تشد الوجه والعين بشكل عجيب كانها سبحان الله بتمحي اي خطوط وافضل جزء بالخيار الا طراف لان الفيتامينات تكون مركزه
للناس اللي تبغى تسمن يدينها ووجهها فيه حبوب زهرة الربيع المسائيه مرتين في اليوم لمدة شهر بعدين مره باليوم لمدة شهر تاني تدي استداره ونظاره للوجه وحيويه لون الكرتونه برتقالي
بنات اقوى عدو للبشره الامساك امساك يعني كل السموم في الجسم مو طالعه منو لازم التخلص من الامساك بشرب كميات كبيره من المويه حاولي تعودي نفسك عالمويه لانها تغذي البشره والشعر وتطرد السموم وتبعد الامساك
خبيره بالشعر بتقولي ابد لاتحطي الزيت عالشعر وهو جاف ابدا لازم تبلليه بمويه ساخنه وبعدين تحطي الزيت وتبللي فوطه بمويه ساخنه وتحطيها على شعرك بعد ساعه اغسلي شعرك واخر شطفه بميه بارده عشان تتسكر المسام افضل زيت للشعر وعن تجربه دابر املا وكمان يطول الشعر
ومن اسباب تساقط الشعر البلسم فقط ضعيه على اطراف الشعر لما تحطيه من فوق دا السبب الرئيسي للتساقط وافضل شامبو خفيف جدا عالشعر جونسون للاطفال وسيبوا الشامبوات التانيه اللي تسبب تساقط فضيع بالشعر
دا الاشياء اللي تحظرني دحين ازا اعجبكم موضوعي راح اجرب اشياء تانيه وافيدكم فيها
حبيباتي لاتنسوني بدعوه بظهر الغيب واسال الله بمنه وكرمه ان يرزقكم ماتتمنوه من خيري الدنيا والاخره وان يفتح لكم ابواب الرزق وان يجيب لكم كل الدعوات
سبحان الله وبحمده سبحان الله العظيم
سبحان الله وبحمده عدد خلقه ورضا نفسه وزنة عرشه ومداد كلماته
مبروك جالك ولد!!! @mbrok_galk_old
عضوة فعالة
هذا الموضوع مغلق.
غند الدنيا
•
الله يرزقك بتوم ذكور صالحين
الله يجزااك خيير ويرزقك باتواااااااام اولاد معاافيييييين من كل شررر
مشكووووورررره
و الله يعطيك العافيييييييه
مشكووووورررره
و الله يعطيك العافيييييييه
الصفحة الأخيرة