السعادة
هي رحلة وليست محطة تصلها
لاوقت أفضل كي تكون سعيدا أكثر من الآن
عش وتمتع باللحظة الحاضرة
كثير من البنات يعتقدون بأن السعاده هي الحريه
والحريه هي السعاده
وان كان الانسان مسجون فحياته مجرده من السعاده !!!!
يظنون ان مجرد ان المسجون تحت حكم الأختلاء بالنفس من غير ما يشعر بحريته
فهو انسان بائس ..
وأنا اظن ان المسجون هو أكثر الناس حظا
ممكن انكم تستغربون من أفكاري
ولكن بوضح لكم الموضوع
تخيلي انك عمرك مو صريحه مع نفسك
ولا تقعدين قعدت صراحه مع عمرك
لأنك لاهيه بالحياه
ووقتك مو لك وقتك يشاركك فيه اكثر من شخص
عائلتك زوجك عيالك عملك واجباتك المنزليه واجباتك الاجتماعيه
وغير همومك وتعبك النفسي من المسؤليات
وهذا السجين ما يشاركه احد بزنزانته غير نفسه الي أمرته بالسوء
24×24 ساعه يحاسب نفسه على كل شي يتكلم ويعرف نفسه بشكل اوضح
أنا برأيي ان المحبوس من حبس قلبه عن ربه
كثير من الناس محبوسين بنفوسهم المريضه يا سبحان الله
ملاحظه : هذي بس من بنات افكاري مو تحبسين عمرك وتسوين شي منتي قده
بس حبيت اني افهم البعض ان مفهوم السعاده مهي الحريه ابدا
الجزء الثاني :::::::::::::::
الي يخاف من كارثه فهذي قمت الكارثه
والي يخاف من المرض فهو فعلا مريض
والي يخاف من شي ترااا هو احساس اخوف من ان يحصل له إلي يخوفه
يا سبحان الله احيانا ننسى ان ما بين غمضة عين وانتباهتها يغير الله حالنا من حال الى حال
نشيل هموم ونحزن على شي الى الحين ما صار
وننسى ان الامان هو بالتوكل على الله سبحانه وتعالى
تعالو نتخيل ان الهم مثل الطير
انتي ما تقدرين انك تمنعين الطير يحلق فوق راسك ولكن
على الأقل تقدرين ان ما تخلينه يعشش داخل راسك
الجزء الثالث :::::::::::
فشل فشل فشل
حياتك كلها فشل أحباط
عندي لك قصه حلوه اسمعيني
قالها لي واحد كنت اشتغل معاه
وكنت بصراحه احتاج للنصيحه
فكان حاب انه يساعدني ولكن عن طريق هالقصه الي
مرت علي تقريبا 8 سنين وما نسيتها فحبيت اكتبها لكم
الكل يعرف مخترع الكهرباء صح ؟؟
هو اديسون
اديسون يا خواتي كان يحاول انه يخترع الكهرباء
محاولاته عديده وكثيره
حتى وصلت عدد محاولاته لـــ 999 محاوله
ههههههههههههههههههه وآخر شي المحاوله رقم 1000 كانت ناجحه
ولكن هناك ناس يسمونهم أعداء النجاح
قالو له الحين شنو الفايده بعد 999 محاوله وتعب حصلت على هالنتيجه واعتبروه انه
مو مخترع ولا هو ذكي ولا يستاهل النجاح
فكان رده على الناس انا اخترعت الكهرباء بمحاوله واحده فقط
ولكن ايضا تعلمت ان هناك 999وسيله أخرى استطيع ان اخترع بها غير الكهرباء
لما كنت افشل ببداية عملي وحياتي كنت اتذكر القصه
واتعلم من فشلي لأنه طريقي للنجاح ان شاء الله
الجزء الرابع ::::::::::::
عندك كل المؤهلات
عندك زوجك
عندك عيالك واهلك
عندك وعندك ولكن
وين راح البريق من حياتك
صرتي عصبيه ممله حياتك رتيبه
الناس يقولون لك انتي تغيرتي
مع انك تشوفين انك ما تغيرتي ولا حياتك تغيرت
سمعي هالقصه ..
كان فيه هناك حطاب يجمع الحطب كل يوم من الغابه
بمساعدة فأسه الجديد
وصار الحطاب مو محتاج فلوس من كثر ما يشتغل باليوم الواحد
صار ياخذ معه عشر انواع من الاشجارللسوق يبيعهم
الين ما كمل شهر
بعدها المسكين لاحظ انه تعب وبدل ما ياخذ معه عشر انواع
صار ياخذ بس خمسه
وبعد اسبوع صار ما يقدر ياخذ معه الا نوع واحد بس باليوم
فكر الحطاب وقال شنو السبب
وتذكر المسكين ان الفأس الجديد يحتاج تسنينه بشكل دوري
حتى يوفر الجهد والوقت
ههههههههههههههههههههه
واحنا بعد عندنا مؤهلات للعمل
وعندنا خبرات بالبيت
وعندنا وعندنا
واكيد نحتاج نسنن ذاكرتنا اشوي مثل الحطاب بخبرات جديده ....
الوردة999 @alord999
عضوة جديدة
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️