غالياتي...انا واحدة منكم اعاني نفس المعناه السمنه...ولافيه رجيم بالعالم الا ماجربته حتى دشتتتي...الي هو اساس موضوعي اليوم....
طبعا في الغرب يسمونها اتكنز والاغلب الي يستمرون عليها مدى الحياه يسمونه نظام منخفض الكربو هيدرات...
بصراحه انا الرجيم هذا ماكنت مقتنعه فيه ابد.....ابد....ابد....كانه يقول وداوها بالتي كانت هي الداء:42:
المهم...جربته وبصدق...انغثيت منه الله لايحرمنا فضله...دسم واكله كله مالح اشتهي الحالي مافيه..
مالكم بالطويله...
ماطولت عليه حدي اسبوع الا انا منقضه على السكر كأني مدمنه..
وشلت الرجيم هذا من بالي نهــــــــــــــــــائيـــــــــــا....لانقاش في دشتي....
عاد وانا اتصفح في المواقع الاجنبيه بصراحه في الاكل الصحي والدايت هم احسن منا في الوصفات والحسابات وكل شي..قلت استفيد منهم...
لاني بعد الطفش قلت بسوي نظام حياه ووزني بينزل على الراحه من غير ما احدد فتره زمنيه..
المهم..الا بالصدفه طحت على صور ناس ناحفين مره وكلهم مستخدمين نظام حياه منخفض الكربو هيدرات..وبعد اغلبهم جربو نظام قليل الدسم ومانفع معهم!!!
والاحلى من كذا وهذي تعتبر بشاره طحت على موقع فناااااان فيه جميع الوصفات لرجيم اتكنز وازيدكم من الشعرر بيت فيه وصفات حلى وهذا الي اسعدني جدا....بس المشكله الموقع انقليزي...وانا لعيونكم كل بين وقت ووقت بترجم لكم وصفه...والي تقدر تترجم لاتبخل علينا بعد....
ياله اوريكم الصور....طبعا ظللتها ....وطبعا اكيد تحبون صور قبل وبعد زيي.....
شوفو كيف صار ....والله فرق
شفتو كيف سمينه مره....هذي الي تقول انها جربت حميه منخفضة الدهون وفشلت!!
شفتو كيف صارت....العزيمه انجاز..
هذي جسمها صار خطيررر...
لمعلوماتكم ...يستمرون على هالنظام تقريبا حوالي 15 شهر يعني زي ماقلت قبل نظام حياه....مو هالرجيمات الي لعبت فينا...30 كيلو في مدري كم 10 كيلو في 10 ايام ومجااااعه ولا ننحف الا3 كيلو ان كثرنا...
لازم نقتنع ان الغلط في اكلنا ...وطريقة طبخنا...وكميته ونوعيته....
احس اني طولت عليكم...
اخر شي الرابط حق موقع الوصفات وعلى فكره اسم الموقع اتكنز بعد.....!
http://www.atkins.com/Recipes.aspx
وان شاء الله تتغير طريقة نظام حياتنا كلنا ...مومهم نغيرها في يوم وليله ...المهم نبداء نغيرها...
يابنات حبيت ازيد كم صوره يمكن تفهموني....
الي اقصده لمن نروح السوبر ماركت ننتبه للنسبة الكربوهيدرات في الاكل الي نشتريه ويمكن نلقى اصناف منخفضة الكربوهيدرات ونبدع في استخدامها...
مثل
خبز تورتيلا منخفض الكربوز يعني تخيلي تحطين داخله الي تبين...
وهذي حلويات برضو منخفضة الكربوز وعن تجربه شخصيه انا جربت مره حلاوه كان طعمها مرررره روعه ولا اكتشفت انها للحميه الا يوم عجبتني وابي اشوف شكلها واسمها وواعدكم اني اشتريها وانزل صورتها للنفع...
اتمنى وضحت الصوره
بالنسبه لاتكنز او الحميه المنخفضه نصيحه شيليها من راسك والغرب نفسهم حذرو منها تسبب توقف القلب فجاه والجلطات
غير الاكتئاب لان نقص الكربوهيدرات يسبب اكتئاب وصحيح تنحف وبالاخص من فووق بس تغثثثث وجربتها يومين ماقدرت اكمل حسيت بستفرغ من الاكل ........وجربت الكيميائي ينقص وحلو واحلى من اتكنز بس سكون اسبوع واحد كل شهر او 2 لان الاستمرار عليه يلخبط الهرمونات ويسبب التكيس ويلخبط الدوره ويسبب ضمور العضلات
لقيت لي عدة حلول رجيم السعرات طبي واختاري من 2000 الى 400
التخفيف وعدم الشبع مع ترك العشاء او يكون زبادي وقطعه خبز شعير يغسل الامعاء والمعده ويخلي بطنك مستعد لاستقبال اكل جديد بكره