تعالي شوري علي .. أشيلهم أو لاء

السلام عليكم جميلات حواء
أنا إنسانة ربي أكرمني بنعم لا تعد ولا تحصى
أولها الصحة والعافية فاللهم لك الحمد حتى يبلغ الحمد منتهاه
عندي مشكلة مسببة لي أزمة نفسية وتعبااانة منها
أنا بيني وبين زوجي صراحة كبيرة يعني لو فيه شي أصارحه
ولو فيني شي ينفره مني يصارحني
أنا متزوجة من ثمان سنوات والمشكلة بدأت بعد فترة بسيطة من زواجنا لليوم
أنا عندي مشكلة رائحة في فمي لكن الناس أبد ما يشمونها حتى لو قربوا مني
وبيني وبينهم ربع متر مستحيل يشمون شي
زوجي فقط اذا قرب مني لدرجة التقبيل يشمها وصار يتجنب هالشي
أما في حياتي العادية محد يشم ولا عمرهم الناس نفروا مني بالعكس
أمي وخواتي يحلفون لي مافيه شي بس هو عشان يكون قررريب مرررة
رحت احسن دكتور وأكثر من دكتور وسويت فحوصات وأشعات غالية
وأخذت أدوية بالألوف ولا شي نفع مشكلتي يطلع مني سائل مخاط هو مسبب الرائحة
والحل الوحيد الوحيد بعد رحلة العلاج الطويلة إن أستأصل اللوزتين
ويقول الدكتور احتمال تنحل مشكلتك بنسبة 99٪
خواتي يقولون اذا على بوسة بقريح ولا تحطين نفسك تحت مشرط الجراح عشان رجال

والدكتور يقول لي احتمال تسمنين اذا شلتي اللوز وأنا بالموت نحفت عمري مو ناقصة سمنة
وخواتي يقولون تضعف مناعتك لا تشيلينهم عشان بوسة
بالذات امور العلاقة الخاصة عاااادي ماشية تمام وعندي عيال ولا عندي مشاكل
انتوا لو مكاني وش بتسوون؟؟ أنا محرومة من قبلة الفم وزوجي يقول الريحة مررررة خفيفة وهو ما يحب وجودها ويتجنب قبلة الفم وانا محترمة نفسي وعارفة مشكلتي وما أطلبه وعايشة حياتي بدونها بس مجروحة من داخلي

الريحة هاذي ما تروح لو مهما أكلت معطرات وبقدونس وعلكة وحلاو تبقى خفيييفة
لكن بس هو يشمها فقط لا غير
لو انتي مكاني شلتي اللوزتين؟؟