السلام عليكم
واحشني جداباحبك
انا باقيلي فترة منقطعة بس الصراحة النهاردة كنت بقرا موضوع فى كتاب وقلت لازم اقول لكم عليه
الموضوع باختصار هو عن أسهل طريقة تطفشي بيها جوزك وتخليه يجري ورا أي واحدة حتى لو أقل منك في كل حاجة انا باغلي
ركزوا معايا بأة فى القصة الساذجة دي لأنها هتلخص كل حاجة:
كان يا مكان, كان في فارس نبيل ماشي على حصانه ومعاه سيفه
وهو ماشي سمع واحدة بتصرخ ويتستنجد بالناس
راح عشان ينجدها, لاقاها أميرة بتستنجد من تنين بيحاول يقتلها
بسرعة خرج سيفه وقتل التنين برافو
فاذا بالأميرة فرحانه ومهللة ومعجبة بيه.. و أهلها عملوله حفله وكرموه فيها
وهو كان فخور بنفسه جدا شفتوا طاقيتي
وحبوا بعض, وعاشوا مع بعض في أمان و سلام
وبعديييييييييييين؟
مرة بطلنا وهو جاي من الشغل على بيته سمع أميرته بتصرخ تاني..
أصل تنين تاني جاي يقتلها
ولسه هيطلع السيف, لاقاها بتصوت فيه: لاااااااااا السيف مش هينفع
انت تاخد الرمح دة وتقف هناك كدهو, وتيجي من ورا التنين وتروح منشن عليه
البطل اضطر يسمع كلامها, ماهو خايف لاتروح منه
قام عمل اللي قالتله عليه بالظبط وفعلااا, التنين مات
صاحبتنا وقفت فى البلكونة تزغرد فرحانة بحبيبها اللى قتل التنين, و أهلها تاني عملوله حفلة الله الله الله
بس المرة دي هو كان في حاجة منغصة عليه فرحته مش ح اتكلم.. أصل الفكرة مش فكرته
هو حتى مكانش عنده فرصة يتصرف, هو يادوب نفذ التعليمات
ومن يومها و أميرتنا كل يوم تطمن على بطلها وهو نازل شغله
سيفك في جيبك؟ اه في جيبي
رمحك على دراعك؟ اه على دراعي
طب خد بالك عشان لو لقيت تنين كده ولا كده تتصرف على طول
بعدها بفترة, اتكررت نفس القصة تاني..
راجع من شغله لاقاها بتصوت .. أصل التنين جاي يقتلها
لسة هيطلع سيفه.. قال بلاش, انا اطلع الرمح من أولها أحسن
جه يا حبة عيني يطلع الرمح..
راح التنين حادف نار على دراعه
سمعها بتصرخ فيه
لاااااا دا تنين كبير الرمح مش هينفع معاه
انت تاخد السم دة .. وتيجي من قدامه كده
وتروح حادفه على بوءه
نفذ اللي اتقاله بالحرف الواحد..
في الحفلة المرة دي كان مكسوف من نفسه مضروبة في عيني
دة هي اللى عملت كل حاجة.. بيحتفلو بيا على ايه يا حسرة
من يوميها وهي كل يوم وهو نازل تتمم على سيفه و رمحه وسمه
المرة دى بأه وهو رايح الشغل سمع ست تانية
لا هي أميرة ولا حاجة بتصوت, أصل التنين جاي يقتلها
اتردد جامد.. استخدم السيف ولا الرمح ولا السم مستفاجأة
لاقاها فرصة يستعيد أمجاد الماضي ويحس ببطولته ويفخر بنفسه
رما الرمح والسم, وطلع السيف..قعد يحارب التنين لغاية ما قتله
حس لأول مرة من فترة كبيرة بالثقة في نفسه انتصرنا
هي فرحت وهللت والناس فرحوا وهللوا وشكروه
أعجبت ببطولته, واعجب بثقتها فيه وتسليمها ليه باحبك
ومن يومها, عاش معاها ومارجعش على بيته تاني
وتوتة توتة خلصت الحدوته
استفدنا ايه؟
أي راجل في الدنيا بيحب يحس انه مصدر بطوله وثقة لحبيبته
لو ماحسش منها بكده.. هيروح للي هتحسسه بكده حتى لو أقل من حبيبته في كل حاجة
سلمي له زمام الأمور, حسسيه انك واثقة فيك ومطمنة لوجوده معاكي
ادي له فرصة يتصرف ويفكر ازاي يحميكي مهما كانت المشكلة تافهة أو كبيرة
كل ما هتثقي فيه.. كل ما امكانياته هتبان أكتر و أكتر.. وهو هيفرح بنفسه و يزداد عشقا بيكي لأنك بتحسسي بنفسه
ما تحاوليش تتدخلي بنصايحك الا في أضيق الحدود .. وخليها تاخد شكل تاني غير شكل نصايح
قدريييييييييييييييييه
اشكريه على كل حاجة بيعملها عشانك
قوليله أد ايه انتي فخورة بالطماطم اللي جابهالك.. واللي محدش بيعرف ينقيها زيه
بكده تضمني حاجتين, الأولى انه يفضل يتفانى في تقديم خدماته ليكي لأنه بيحس بتقدير
والتانية انه مش محتاج يدور على واحدة تحسسه برجولته.. انتي مكفياه
يارب يكون الموضوع عجبكو وتستفيدو بيه
اه صحيح.. القصة مقتبسة بتصرف من كتاب الرجال من المريخ والنساء من الزهرة
منقوول
عاصفه حزم @aaasfh_hzm
عضوة نشيطة
يلزم عليك تسجيل الدخول أولًا لكتابة تعليق.
نونه العسوله^_
•
روعه جزاكي الله خير
الصفحة الأخيرة