تعالي شوفي الخلطة الطبيعية لشعر مفرود وناعم ولامع والسر في التبغ

السلام عليكم ورحمة الله وبركاته

كيفكم خواتي وش أخباركم وعلوووومكم إن شاء الله تكونون بصحة وعافية :27:

صار لي فترة من أدخل عالم حواء أحس ما فيه مواضيع جديدة يعني المواضيع تظل فترة طويلة في الصفحة الأولى وأنا ملوووووووووولة حدي فقلت ليش ما أغوص في المواضيع القديمة وأطلع على المواضيع اللي انحطت في المنتدى قبل لا أعرف عالم حوااااء :39:
طبعا شفت مواضيع قديمة حلوة وااااااااااجد ورفعت بعضها لكن جاني لفت نظر من مشرفة المنتدى إني المفرووض ما ارفعها عشان المواضيع الجديدة تاخذ حقها :(

بس الشهادة لله أنا كنت أبيكم تستفيدون معاي وفي نفس الوقت الواحد يحرك المنتدى شوي عشان يكسر الملل والروتين

المهم ما أطول عليكم أنا كنت أبحث عن أشياء تنحط مع الحنا وتنعم الشعر وشفت أشياء واجد وجربتها وأحس شعري تحسن كثير بس أول البارح قررت أحط في الحنا كل الأشياء المنفصلة عن بعضها في خلطة وحدة
عاد أنا سويتها وحطيتها البارح في شعري والله يا بنات وأنا ما أحب أحلف بس هالمرة النتيجة خيااااااال
أيش نعوومة وأيش لمعة وأيش فرد بصراحة شي عجيب فأنا من كثر ماني مستانسة من النتيجة قلت لازم أكتب لكم تجربتي واللي بصراحة هي خلاصة بحث طووويل في مواضيع المنتدى القديمة

يعني الخلطة منكم واليكم والسلام عليكم :D

الحين نجي للخلطة وهي صحيح كثيرة بس النتيجة تستاهل وودك تسويها كل اسبوع :icon28:

وهي عبارة عن 10 م ك حناء
2 م ك سدر مطحون
3م ك محلب =
2 م ك حبة سوداء مطحونة
م ك مسمار مطحون
2 م ك اكليل الجبل مطحون
2 م خميرة فورية
2م نسكافيه
تبغ أربع سجائر
2 م عسل طبيعي
بيضة
2/1 زبادي
فنجان زيت النارجيل
ووللعجن نستخدم مغلي المرامية مع البابونج

(بمقدار قبضة مرامية مع 2 بابونج جوامع مع ما يقارب كوب أو كوب ونصف ماء )
والمفروض أنه يغلى مسبقا عشان يعجن به الحناء وهو دافئ

وتغطى الخلطة وتختمر لمدة 24 ساعة
وفي اليوم الثاني توضع على الشعر خصلة خصلة وحاولي ما تتركين شعر فاضي بدون حناء وكثري في الأماكن الخشنة والمطعجة

واتركيها ساعتين الى اربع ساعات
أنا تركتها ساعتين بس لأني حطيت الكاب الحراري حوالي ساعة بس في اوقات متفرقة يعني
احطه شوي واشيله وهكذا وغسلت شعري بشامبو جارنير وحطيت فاشكول الجرجير والنتيجة خياااااال

واللي شعره طويل تكثر الخلطة :30:

والله العظيم يا بنات شعري طلع غيير يعني تحووووول خطيييييييييير وجربوا وانتوا الحكم ومن أول مرة وشلووووووون مع الاستمرار أكيد الشعر يصير حريييييييير

عاد اللي تجربها لا تنساني بالدعااااء أمااااااااانة ياب ن ا ت

الفقيرة الى الله رحاااب الحق

اي صح نسيت أقولكم لازم تاخذون معاكم مشط وأنتو تغسلوا شعوركم عشان التبغ يدخل جوات الشعر وتمششطون الشعر برفق وما تنتفوووون شعوووووركم وتدعون علي
وهذاني قلت لكم كل التفاصيل عشان لو ما قدرت أرد عليكم بسرعة لأني مو فاضية هالأيام وسلامتكم