- تعالي شوفي انتي مين فيهم ☺️

_فيه واحده بتقول سورة البقرة بقت شيء أساسي في حياتي كل يوم لازم اختمها لو اليوم عدى من غير مقرأها بحس ان فيه حاجه كبيره نقصاني فعلا ♥️

_فيه واحده بتقول انا مبقتش بقدر اقوم من على سجاده الصلاه بعد كل فرض غير لما اقول اذكار الصلاه واستغفر كتير عشان عارفه ومتأكده ان الملائكه بتكون مستنيه تستغفرلي بعد صلاتي 💛

_فيه واحده بتقول انا مش بعرف اخلي اليوم يعدي عليا غير لما اصلي على النبي 1000مره فاليوم 💙

_فيه واحده بتقول انا مش بعرف اعمل اي حاجه فبيتي غير لما اشحن روحي الاول بورد القرآن اليومي بتاعي 🧡

_فيه واحده بتقول من ساعه ماعرفت ان النساء أكثر اهل النار وانا مش بيعدي عليا يوم غير لما اتصدق"ولو بكلمه حلوه بس بنيه الصدقه" 💚

_فيه واحده بتقول مبحسش اني سعيده وفرحانه ومرتاحه نفسياً غير لما بصلي الضحى 💜

_فيه واحده بتقول عرفت اني لما استغفر كتير مافيش دعوه ادعيها حتى لو بسيطه غير لما تستجاب بقيت استغفر 1000 مره فاليوم🖤

_فيه واحده بتقول من ساعه ما عرفت ان الوقت من بعد صلاه الفجر للشروق تعادل حجه تامه تامه تامه مبقتش بقوم من على سجاده الصلاه غير لما اصليها “شرط تكونى مصلية الفجر جماعة مع اختك او مامتك مثلا وتقعدى مكانك تقولى اذكار او تقرى قران لحد الشروق وبعدين تصبرى ربع ساعة وتصلى ركعتين "❤️

_فيه واحده بتقول من ساعه ما داومت على اذكار الصباح والمساء بلاقي ربنا بيسترها عليا من حاجات كتير اوي كان ممكن تئذيني 💛

_فيه واحده من ساعه ما عرفت ان قيام الليل ولو ركعه واحده بينور القلب والبصيره والحياه وبينور وشها مبقتش تفوت ليله غير لما تقيم الليل فيها ولو بركعه 🧡

_فيه واحده قالت انا دائما تعبانه ومن وقت ما عرفت ان الصيام صحه مبقتش بفوت صيام اتنين وخميس والايام البيض 💙

_وفيه واحده بتقول من ساعه ما عرفت ان السنه بتجبر نقص الفرائض وانا مبقتش بتركها ابدا 💛

خليكى واحده منهم ..ماتخليش الاحساس دا يفوتك ..جربى تبهجى يومك بحاجه منهم ..ايه رأيكم ،،يلا نحاول نستمر ع حاجه منهم ..و تيجى كل واحده تقول هى داومت ع ايه ؟؟ و استفادت منها ايه؟؟ ☺️🌸

#منقول_للفائدة 💙