والله ايام صدق كانت مرعبة بس حلوه

وتحسي الناس والاهل اقلوبهم علي بعض

وذيك الايام كنا في الرياض وابوي الله يرحمه عسكري مرابط

الحمدلله ايام ومرت بسلام

بصراحه ما اذكر غير اللمه الكبيره

كنا حوالي 30 نفر من عماتي وعماني وعيالهم

وكان ابوي الله يخليه في الكويت
وما اذكر الا اخوي الصغير اللي كان يخاف من ابوي بعد ما جاء من الحرب
ما يعرفه كان مولود

واتذكر الشبابيك وبسكوت ابو ميزان
ولا طول الوقت نايمه
الحمد الله ماسمعت الصفارات

كنت وقتها في ثاني ابتدائي

كنا في الطايف بعيد عن الحوسه

انا ماتذكر شي ابدا كان عمري وقتها سنه انا اابويه رئيس في ارامكو وكاانو مرررررررره مشددين عليهم لدرجه امي تقول شهرين ماايدرون عن ابويااا شي يقولون لان صدام يبغا البترول .. بس هذا اللي يحضرني ..

الله لا يعيدها من اياام انا ادكر صفاراات الاندار لما كانت تقطع الصلاه فى اداعه القران الكريم من مكه....كانت امى دووم تشغل الراديو وكنت اسمع الصفاراات على الساعه ٦ ونص الصبح قبل لا اسير المدرسه....وادكر كنا مجهزين غرفه احتى وملزقينها بالتيب تحسيا ....ولانه بيتنا جنب البحر وهو الى كان يفصل بينا (الامارات) وايران وكنت اسمع اشاعات انه ايران بتدحل علينا من البحر ...الله لا يعيدها من ايااام

اتذكر الايام زي الحلم......كان عمري 7سنوات
وحنا بالجنوب....اتذكر جونا بنات كويتيين في مدرستنا وكنا مستغربين منهم نحسهم غير عشان لهجتهم هههه
طبعا اتذكر التيب على الشبابيك وكراتين بسكوت وعصيرات ماما حطتها تحت سريرها خخخ
بابا كان مدرس وراح مع المتطوعين يتدرب وكان يلبس عسكري ولما يجي يقعد يدربنا نفس اللي تعلموه وانا واخواني مبسوطيين على بالنا سرنا محاربين.....
ولما بدت الازمه راح عمي تطوع يحرس مدري ايش؟؟وكانت زوجته بس تبكي خايفه عليه وعلى اخوها لانه راح الحرب واهلها كانوا في الدمام وكانت الصواريخ تنزل عليهم......
طبعا ماننسى صفارات الانذار.......اكره صوتهااا مسببت لي رعب....

وهذي ذكرى خاصه فيني......كنت اتابع التلفزيون وقت الازمه وقرصتني عقرب صغيره فياصبع رجلي وقتها حسيت اصبعي يحرقني بس ماادري ليه ورحت قلت لابويه ولما رفع فستاني لقيت العقرب تمشي على ساقي....ماتتصورون كيف انفجعت وصحت صيحه الله لايوريكم اقوى من صفارة الانذار هههههه

ياحبي لكم يالعراقيين......الله ينعم عليكم بالامن ويصلح شأنكم....والله ان قلوبنا معكم..
وبنات صدام لاتتكلمون فيه لأنه مات وأفضى إلى ماقدم.....