لقد اطلق الدفاع المدني بالمنطقة الشرقيه صفارة انذار وقوع الخطر
عليك اتباع مايلي
1 ارتدي القناع الواقي
2 نسيت ههههههه
بعد فتره لما يتاكدون ان مافيه شي يحطون الصفاره وهي تطووط طوووووووووووووووووووووووووووووط
ويحطون لوحة
زال الخطر خخخخخخخ
يمه الله لايعيدها من ايام
والكمامات كل يوم نلبسها انا واخوي اعتقد ان الاكسجين اللي معاها خلص خخخخخ
وامي كانت حاطه فوق سطح عمارتنا ديك خخخخخخخخخخخخ
لما تشتغل صفارات الانذار ويحذرون تتسمع امي للديك اذا سمعته صاح قالت اشوا مامات يعني مافيه كيماوي
لان وقتها قالوا ان صدام الله يرحمه بيطلق علينا الكيماوي ههههههه
هذا غير الاكل اللي شريناه وخزناه واغلبه معلبات
يعني الحمد لله والشكر هالمعلبات لو فعلا صارت الحرب ولا قدرنا نطلع بتكفينا مثلا لفتره طويله
خخخخخخخخخخخخخخخ
طبعا اول الوقت رعب لما تشتغل الصفاره نخاف
بعدين تعودنا وحتى وحنا طالعين مشوار ويحذرون عادي طنش نكمل المشوار

الله يديم علينا الامن والامان عشنا والله برعب
كنت بثاني متوسط
والله ايام خفنا فيها ولا احب اذكرها الحمدلله انها فتره بسيطه كانت
وربنا نجانا
بس الصور رهيييييييييييييييييييييبه خخخخخخخخخخخخخخخخخخخخخخخخخخخخخخخخخخخ
خصوصا المذيع ههههههههههههههههه الله يجزاه خير
والالانذار الي بالاحمر يقطع قلبنا
اما الكمامات هههههههههههههه الحمدلله ما استفدنا منه
والشطرطونات الي بالشبابيك بشكل ضرب هههههههههههههه
بعض البيوت القديمه محتفظين فيها
بس اقول الله لا يعيدها علينا ولا يشوفونها عيالنا ولا عيال عيالهم

يا حليلنا احنا كنا عكس الناس الناس اذا سمعت صفارات الانذار تدخل البيوت وانا واخواني نطلع السطوح نبغى نشوف هذا الي يقولوا عليه صاروخ تدرون ما كنا خايفين لذيك الدرجه كل اهل القريه عندهم الوضع عادي علشان ما كان عندنا كهربا دايما فما نسمع الTV وما احد يقول لنا ان الوضع خطير بس لما رحنا عند خوالي في المدينه حسينا ان عندهم حالة استنفتر وخوف

كانت في شهر محرم عام 1411 هـ
وفي شهر 8 اغسطس ميلادي

وقتها صحينا الصبح والعالم خايفه ومتفاجأه وش صار خير صدام احتل الكويت وبدت عملية نزوح الاخوان الكويتيين من الكويت كانت لحظظظظظات لاتنسى حسبي الله كيف الناس مفجوعه وخايفه واكثر منظر آلمني للي خرجوا من الكويت مشي بين الحدود وقتها كنا بعز الحر وياكثر الاطفال اللي ماتوا عطش بالصحراء بين السعوديه والكويت مانسى منظرهم كانت اعمارهم من ال 7 و ال 8 وفوق كل واحد نايم على وجهه وميت وطبعا معروف هذي وضعية اللي يحس بالعطش في آخر لحظات حياته يطيح على وجهه اذكر هذي معلومات جدتي لنا الله يرحمهاا

غير كذا بدت تتحرك السعوديه والدول الشقيقه والصديقه في محاولة السيطره الين اضطروا للحرب وقتها بدت الاستعدادات طبعا قبلها كانت في تقاير يوميا تبث بالقناة السعوديه عن صفارات الانذار وكيفية استخدام الاقنعه وطبعا ماتوفرت للكثيرين لانها اغلب شي بالمدن الكبيره العاصمه لانها مستهدفه بكم صاروخ سكود ..
بدينا في تجهيز الغرف الخاصه لو ارسل لنا صدام كيماوي لان هذا الشي اللي مرعبنا انه يرسله بروؤس صواريخ وكانوا يجيبون لنا تعليمات عن انواعه واعراضه وكيف يموت منه الانسان
جهزنا الغرف بالمأكل والمشرب ولزقنا جوانب الشبابيك لايتسر ب منها وجهزنا الفوط والمويه وهذي التعليمات لو الكيماوي تسرب بللوا الفوط وحطوها على الوجه الظاهر كل فوط المطبخ صارت بهالغرفه ..وطبعا الغرفه الافضل تكون بسرداب او تكون شبابيكها قليله جدا ومنافذ الهواء وتكون حصينه لايتسرب الغاز منهاا
جلسنا شهور فاقدين الأمان وطبعا اخوانا الكويتيين بيننا.. كانوا ساكنين ببيوت جنبنا ودرسوا معنا ترم كامل قبل الحرب البريه ... ووقتها تطوع غالبية الشعب السعودي واقاموا دورات للمتطوعين في مباديء استخدام السلاح وكان ابوي واخوي الله يحفظهم في طليعة المتطوعين بأول دفعه كان اخوي وقتها عمره 12 سنه ...يووه ذكريات

كانت برغم انها ايام أليمه وخوف الا انها لها نكهه وحلوه تعرفنا على كثيرين وكان الجو بالمدارس رهيب يعني استكشاف لبعض

وكل اقاربنا جو من العاصمه وشفنا ناس عمرنا ماشفناهم ووناسه برغم الخوف
واصعب شي ليوم خلاص بعد ماخسرت المفاوضات ولا في تجاوب من صدام بدأت الجيوش تاتي للسعوديه عن طريق ميناء جده وتمسك الخط السريع وتمر في مناطقنا الين توصل للشرقيه والحدود كنا نشوف المدرعات والجيوب الكبيره والجنود من كل دوله خاصه الفرنسيين وقتها نعرفهم من قصاتهم اللي هي القزع والطائرات الحربيه فوق رووسنا 24 ساعه وبدا الرعب وخلاص صارت الحرب شي مانصدقه وبيكون واقع عندنا من بيموت من بيحييا وش بيكون علينا.. الين بدت الحرب البريه اللي هي كانت اسرع حرب في التاريح سموها حرب ال 100 ساعه عاصفة الصحراء على مااظن .. لانهم كانوا اكثر شي خايفين انه صدام يعيد مأساة حلبجه يوم يموتهم بالكيماوي عشان يخمد الثوره طبعا كان في حرب عالحدود اغلب الجيش العراقي استسلم بدون مقاومه وحطوا لهم مخيمات ب رفحاء بمكان لحالهم واكرموهم لانهم مكرهين في الحرب وكان فيهم صغار سن بال 17 سنه وحولها كانوا يبكون خوف< وهذي نقطه للاخوات اللي قالوا ليه هالموضوع ومدري ايش ترا نعرف اغلب الشعب العراقي ماأيد الاحتلال لانهم تعبوا ويأسوا من سياسة صدام في استنزاف ثروات النفط وفلوسه اولا بالحرب مع ايران وبعدها التفت للكويت ودول الخليج

السعوديه اكرمت هالجيش الضعيف ووفرت له سكن خاص فيه كان ملجأ وصرفت لهم رواتب بشرط اقامتهم محصوره في هالمكان ولهم مدارس خاصه فيهم واسواقهم وكل شي يخصهم بس مايطلعوا منها ابداا وطبعا هذي سياسة دوله مدروسه عشان لايتوسعوا او يتمادوا لانه فكرتهم خلاص بس يخلص الاحتلال بنرجعكم
ومن بعد حرب المية ساعه دخلوا الكويت وحرروها بدات وفود اغلب الكويتيين بالعووده لحظظظظظظظظظظظظظظات رهيبه مبكيه لمن خرج الناس اللي بالكويت من السراديب وتحرروا وهتفوا بالشوارع ... وافراح . وجابر الكويت الله يرحمه يوم نزل من الطائره وسجد لله شكر هذا منظر ابكي الجميع شوفوه باليوتوب
.وبدأت عودة الغالبيه لبلدهم وكانت الكويت حطامممممممم وبدأوا تعميرها من جديد

وبعد فتره رجعوا العراقيين لبلدهم الا البعض اللي بالملاجيء رفض لانه خايف من الانتقام يوم سلم نفسه وماحارب ابدا ..
لانه صدام وقتها وقع معاهدة النفط مقابل الغذااء .. واتوقع فيه للحين منهم


وطفششت وتعبت وانا اكتب وهذي ذكرياتي في ذيك الايام
احلى مافيها كانت لمة الاقارب واجواء كانت ايام ايمان وايام نخاف ...

الله يرحم الشهداء ... ويرحم جميع المسلمين اموات واحياء


تعبت وانا اكتب


يعطيكم العافيه

والله انك صادقه نفس اللي تقولينه صار لنا بس انا اتذكر اذا اذاعو علئ الراديو وقالو الخطر علئ الرياض تعالي شوفي اشكالنا كنا طاش ماطاش خخخخخخ