السلام عليكم ورحمة الله وبركاته
كيف حالكم بنات حواء
عندنا كمبيوتر قديم له قصه طويله .. قررو البيت انهم يبيعونه ، لان شكله صراحه مأساوي
اعترضت وقلت بما اني ناوية اشتري كمبيوتر ، فخلاص بصلحه وبستخدمه.. والحمد لله وديته لمحل وصلحه لي وصار ماشاء الله ماعليه كلام
اول شي احب اراويكم شكله قبل التنظيف
الكيبورد ... غبار وبقايا اكل وشرب شكله مأساوي يكسر الخاطر ومقزز في نفس الوقت
الشاشه ... اثار وطبعات اصابع وايادي
السماعات ... لا تعليق
اول شي سويته اني اخذت فوطه صغيره ومسحت الكيبورد زر زر .. ولكن تفاجأت بالاشياء الغريبه داخله
قلبته وطقيته وطاحت منه اشيا واشياء.. شوفو الصوره .. اللي تنثر على الارض
مكسرات - قشور حب شمسي - كاكاو متيبس - اوراق صغيره : (
قلت مافي الا اجيب المكنسه ... وفعلا....
وطلع منه غبار شي مو طبيعي...
بعد ما خلصت جبت كلينكس معطر .. ومسحت الكيبورد مره ثانيه زر زر.. زاويه زاويه لين ما نظفت وتعقمت يمكن بعد خخخخ
شوفو كيف صار ... وقارنو بالصور اللي فوق
يلمع ماشاء الله : )
شفتو كيف كان؟؟
مقرفه : (
>> يتبع
نظفتهم بكلينكس معطر لانه اسرع في التنظيف واسهل
بعد ماخلصت كل شي وحطيته على طاولة الكمبيوتر مرتب ونظيف حسيت اني انقذت حياته خخخخ
يمكن تسألوني عن الكلينكس المعطر .. استخدمت مناديل نيفيا
يالله قولوا ماشاء الله : )