السلام عليكم ورحمة الله وبركاته
من زمان اسمع عن محل دايسو ( مركز تخفيضات في اليابان ) مثل ابو ريالين عندنا بس
اسعاره بـ 6 ريال واحيانا بعض الاغراض اغلى بشوي
موقعه بالنسبه للرياض بالعثيم مول اللى على طريق خريص بالدور الثاني جنب سيتي ماكس
غير الرياض ماعندي فكره
قبل كم يوم رحت له واخذت بعض الاغراض وصورت بعضها حتى تشوفونها
تستفيدون مثل ماستفدت منكم كثير
واللى شرت منه اغراض ممكن تنزل صور وتشاركنا الموضوع
لانه عنده اغراض غريبه وحلوه بس ماتعرفين وش الغرض منهاا
نبدأ بأول الاغراض
هذي تحطينها فوق الصحون الكبيره حتى تقدرين تصفين فوقها الصحون الصغيره
بطريقه يسهل عليك اخذ الصحون
هذي الصوره للتوضيح اكثر
الغرض الثاني
هذا تلفين الاسلاك الصغيره فيه تشميع حتى تضل مرتبه وماتتعقد مع بعض
واخذت مثله كبير للتوصيلات بس ماصورتها
الغرض الثالث
علبه لحفظ البطاريات بجميع احجامهاا
الغرض الرابع
هذا عجبني بحطه على دولاب المطبخ يتعلق عليه كيس البقاله وانتى تقطعين
السلطه او تقشرين خضار او فاكهه يكون قريب منك تحطين القشور فيه وبعدين تربطين الكيس وترمينه بالزباله الكبيره
وهذي صوه اقرب للتوضيح ان شاء الله توصل الفكره
يتبع
اللى فوق فرشه لتنظيف الكي بورد والتلفون او اي شي فيه فتحات صغيره
اللى تحته هذي تحطين عليها الملاعق اللى تحركين فيها وقت الطبخ حتى ماتوسخين الطاوله
الغرض السادس
هذي فتاحة علب بس مو علب ببسي لالالا
لعلب التونه والقشطه والزيتون ..الخ
الغرض السابع
هذي قطاعة طماطم تساعدك انك تقطعين الطماط شرايح دائريه متساويه
هذي صورة توضح اكثر
الغرض الثامن
هذي علاقه تحطينها جوا دولاب الملابس على عامود التعليق وتعلقين عليها اي شي تبين
مثلا تعلقين عليها الجيوب اللى تدخلين فيها اغراض
هذي صورة اوضح
بالنسبه لاسعار الاغراض اللى اخذتها شي بـ 6 ريال وشي بـ 7 ريال
اتمنى يكون الشرح واضح < مع انى ماعرف اشرح
واسفه اذا الصور مو واضحه تصوير جوال
واتمنى انكم تستفيدون من الموضوع