سلام عليكم يا حبايب قلبي
حبيت أطرح موضوع وعلاجه ,,
اليوم قعدت أفكر ليش ما أعرسنا ,,والمتزوجة ليش أهل زوجي حقدين علي ,,وليه مرة أخوي غايرة مني ,,مريضة وبي مس ..,,مقهورة بس أشتغل وما نطلع,,أنا ماني حلوة وشعري ليفة ,,,ماعندي خشوع في صلاتي بي ضيقة حيل وهلما جرا ..
عموما مابي أكسرخواطركم بس والله أبي مصلحتكم ولا حد يزعل علي
1-نجي لأول شي بي ضيقة وقهورة أقولك على بلاطة كيف حالك مع الصلاة وكيفك مع الخشوع.
والله والله يا بنات خذي الصلاة براحة عيشوا بعالم ثاني بخشوع وركادة ناجي ربك واشكي له وافرحي أنك وقتك الحين معه ..بتقولين مفيه خشوع بقولك طيب ادعي ربك يرزقك الخشوع ,,اقري في النت عن أسباب الخشوع ,,اسألي داعيات ولا مشايخ ولا اسألي من تحسين فيها حب للصلاة ولا اهتمام بها .وربي وربي وربي متى ما تغيرت صلاتك للأفضل صارت حياتك أفضل بس ترى الموضوع يبغاله تدرج وصبر وجهاد,,قال تعالى (والذين جاهدوا فينا لنهدينهم سبلنا)
نجي للموضوع الثاني (زوجي عيونه زايغة وما يحترمني وما يصرف علي )أول شيء بقوله ادعي ربك يسخرلك واطلبي رضا ربك في كل حياتك ولا يكون همك إلا رضا ربك لأن ربي متى ما رضى عليك راح يرضيك ويرضي الناس عنك
الثاني :زوجك عيونه زايغة وما يحترمك أبقول شيء شوفي نفسك ووش الغلط اللي فيك يعني معليش ((ريحتك طالعة ولا مليانة ريحتك بحمسة البصل وشعرك كشة ةجلفة وكلامك كثير وصوتك عالي ولا سمينة وجسمك يعني يبيله نحف ولا ريحة فمك ولا لبسك عادي أقل من عادي ولا ماعندك ذرابة في لسانك ولا ما عندك تجديد حتى في شكل بيتك ))فشوفي أذا كانت ريحتك طالعة تروشي وشيلي الشعر الزايد إللي بجسمك صلحي مكياج لو خفيف فرشي أسنانك حطي علكة صغيرة وقت الطبخة بسرع عطري بيتك وحطي ملطف وبخري البيت ,,غيري اسلوبك بالكلام خليك هادية ونعومة واتركي الزنة الزايدة في طلباتك
كلامك كثير قللي كلامك ترى الرجال يحبوا الحرمة الصامته يحس فيها غموض وخصوصية ويحترمها ولا يكثر كلامك ((من كثر هرجه قل قدره))
تقولي فيك عين أو مس بقولك يمكن كلامك صح وممكن تتوهمين يعني تتوهمين إنكأوهمتي نفسك بفكرة المس والعين والموضوع لا ذي ولاذيك يعني زعلانة مع رجلك ولا كارهة بيتك ولا معصبة ولا مريضة طيب أقول غيري نفسك وبيتك ولاقتك وإذا كنت مريضة روحي للمستشفى وإذا كنتي معصبة كثير ناس تمربهم ظروف يعصبو بس عندهم قابلية الرجوع للوضع الطبيعي
طيب ولو بك مس أو عين لا تنتظرين الناس تحمك ممكن يرحموك مرة مرتين بس راح يملوا كثرة التشكي ,,وأقولك من الآاحرصي على الرقية وعالجي نفسك بنفسك متى ماكان عندك القدرة وتقدري تستغني عن الناس
لكن ممكن حالت صعبة فيك تستعين بأحد والله يفتح عليك ويشفيك
طيب تقولي ماني حلوة طيب ابدي اهتمي بنفسك قصي واصبغي ولو كنتي سمينة حولي تنحفي ونحيفة حاولي تسمني ,وبشرتك مغبرة ومبهته طيب حطي كريمات وأقنعة وحطي مكياج وتعلمي فنه دون مبالغة وتعطري خليك أنيقة ترى الأناقة أضل من الفخامة تعطي نعومة وجاذبية
طيب نجي عند أهل وجك على بلاطة أنت تزوجتيه ما تزوجتي أهله فلا تحطينهم في راسك ولا أكبر همك وعلى بلاطة هذولي أهله ما يرضى فيهم وفي حربك معهم أنت الخسرانة طال الزمان ولا قصر بس اللي أنصحك تخلي لك حدود معهم بالمعوف وأحذرك من المزح الزايد ولا تاخذين عليهم بثقة زايدة ولا برسمية زايدى حلو الوسط وتري بيتك مملكتك وايا زين من قعد في بيته واتستر ,,بس ترى طبيعة أهل الزوج يحبون الجاملات ويفرحون فالله الله بالهدية الحلوة والعزيمة الكريمة والزيارة الخفيفة والكلمة الطيبة دووووووووون مبالغة يعني بالمعروف واحتسبي الأجر,,ونصيحة لايكثر كلامك معهم ولا تطلعي خصوصيت بيتك وزوجك وفراشك لا بطيب نية ولا بمكايد يعني عودي نفسك حبة حبة راح تفرضي وجودك وحبك واحترامك
وما عليك من كلام النسوان إذا صرت مشكلة لا قدر الله فاستشيري العاقلة الحكيمة
وقبل أي شيء حطي في بالك رضى ربك وبس
وترى الصبر زين
بصراحة عندي كلام كثير مرة بس الله ييسر في مواضع ثانية
أتمنى أكون أفدتكم ولو بشيء بسيط
وقبل ما أنسى همسة في أذانيكم احرصي على قيام الليل ولو 5 دقايق وتكون فيها مناجاة بينك وبين ربك وحطي في بالك ترى القرآن علاج لكل لكل آفة نفسية جسدية روحية اجتماعية أسرية
ترى المنتدى رائع في أقسامه ممكن تستفيدو وتفيدو منها ..
آخر شيءسامحوني إذا زعلتكم والله هذا لمصلحتكم وأتمنى ما تنسوني من صالح دعواتكم
الله يحفظكم ويرعاكم وييسر أموركم وينور قلوبكم ويستركم ويرزقكم
يلزم عليك تسجيل الدخول أولًا لكتابة تعليق.
أنس الوجود@@
•
بنات حابة أسمع آراءكم إذا ماعليكم أمر
الصفحة الأخيرة