تعالي غيري شكلج تغير كلي ب 20 يوم....

السلام عليكم و رحمة الله و بركاته.... هلا حبيباتي انا ابي اسوي برنامج حلو لتغير الشكل و ابي جم بنت تشاركني بلبرنامج لتغير شكلها للاحلى لاني بعد 20 يوم بسافر و ابيكم تشاركوني و كل يوم بدخل المنتدى و بشوف شصار معاكم....انا اسمي حنان عمري 20 سنه ووزني 117 و طولي 170كل بنت مثلي تيي تشاركني بلبرنامج خلينا نتعاون ووحده تشجع الثانيه عشان نضعف و نغير بشكلنا.. اولا :الرجيم : لمدة 20يوم يوم ترك يوم خيار لانه ما يمتن و يوم سوائل بس مع عمل رياضه كل يوم و و المشي و الي ما تقدر تمشي تصعد و تنزل الدرج كل يوم 10 دقايق لانه عباره عن مشي لمدة ساعه مع تمارين لكامل الجسم و الي تتعب من التمارين تقسمهم على اليوم كله كل مره تتمرن 10 دقايق و تحاول تبذل مجهود,,,,و للبشره انصحكم باستعمال صابون بابايا لانه يبيض الجسم و ينعمه لمن تاخذين حمام تفركين جسمج و بلذات المناطق الي تبين تبيضينها و تخلين الصابون على جسمج 3 دقايق بعدين تغسلينه و لمن تطلعين من الحمام دهني جسمج بكريم مرطب لانه يمنع ظهور التشققات و الخطوط الي تطلع بعد الرجيم_ استعمال صابونه البابايا للوجه لانها تبيضه و تونيك لتنظيفه و لوشن و بعدين استخدام كريم البابايا للوجه_استعمال وصفه تطول الرموش و تكثفها و زينه بعد للحواجب تجيبين 10 فصات تمر تسخنينهم و تطحنينهم و تطينهم مع زيت زيتون و خروع_و لتوريد الشفايف و الخدود استعمال دم الغزام مع الفازلين و راح يدوم شهر كامل و كانه طبيعي_ و استعمال خلطات للشعر كل وحده شنو تحب بس لازم على الاقل مرتين بلاسبوع ودايما عقب الشامبو استعمال البلسم_ مع الاهتمام باظافر اليد ووضع اليمون و زيت الزيتون عليهم كل يوم قبل النوم_و وفرك الليمون على الركب و الكوع لتبيضها و بعدين وضع زيت زيتون قبل الاستحمام على الركب و في الحمام وضع سنفره و فركهم جيدا و بعد الحمام وضع كريم مرطب عليهم_ و الي عندها سؤال تسال انا موجوده كل يوم بلخدمه