تعالي قولي.زوجك مطفشك بموضوع ..بتزوج وحده .. بسافر واسيبك .. خلاص احملي البنت كبرت ؟

سلاااااام بنات
مشكلتي باختصار انه انا ليه متزوجه وعلى شوال اكمل 3 سنين وعندي بنت سنه ونص دحين
انا موظفه وادرس كمان وارجع بيتي بعد العصر
عندي زووووووووووووووووج عنده ماشاء الله 9 اخوان واخوات وهو العاشر وكانوا 11 ومات اخوه بحادث سياره الله يرحمه
المهم ولادتي كااااااااااانت عذااااااااااااااااااب شفت فيها الويل وزوجي كان حاضر وزعل من اللي صار
المهم زوجي مشكلته الرئيسيه مايمر يوم او اتنين او اسبوع بالكتير الا من ضمن كلامه يجلس يقولي مرتي التانيه
بتزوج وحده تصرف عليه
بتزوج وحده اجنبيه
بتزوج وحده تخلفلي 4 او 5
المهم يجيب طاري الزواج
متلا لو نقلتي عملك ورحتي المكان الفلاني دوريلي عروسه
دااااااااااااااايما اطنش بس احيان خلاص يكون الواحد طفشان من نفسه ومو وقت مزحه البايخ يجيب السيره
وانا دايما اقوله عادي تبغى تتزوج مابزعل على واحد يبغى يرميني اهم شي قبل لاتدخل ورقة طلاقي تكون بيدي .... وانا مبداي كدا اذا واحد اتزوج علي وماهمه مشاعري ولازعلي والله ماأزعل عليه لو احبه واموت فيه

ودايما اوقف في حلقه في الانترنت اشوف ماسنجره ولو احد اضافه وقعد يتسائل ولو كانت بنت قدامه والله مااسيبه اجلس على مسنجره واكلمها اهزاها واحذفها
واحيانا اشوفه يدخل شات لمن اكون نايمه ولمن اصحا ويشوفني يقفل بسرعه واشوفه واسكت وتاني يوم اديه على راسه
المهم ماافوت له حاجه كل ماسوى شي اسكت يوم او اتنين وبعدين اقولها في وجهه عشان يعرف اني عارفه
والمشكله اللي منرفزتني
عنده اخ كبير عمره 34 سنه مطلق و عنده ولد واهله يبغوا يزوجوا دوروا على بنت كتيييييير ومالقوا او بالاصح مو عاجبه شي وحاطط العقده في المنشار
وماشاء الله مو عنده اخت وحده عنده 5 اخوات
وامه موجوده
الاقي زوجي يقولي انا بدور لأخويا على عروسه ولقيت زوجي مشترك في موقع زواج وكاتب اسمه وانه اعزب كمان وهزاته لمن شفته
الموقع دا كله حريم اجانب مسلمات روسيات وامريكان واوروبيات والمشكله انه اخوه والله مابيتزوج اجنبيه ....ايش حجته؟؟؟؟؟
لا ويقولي في مكتب زواج في الحي حروح واشوف ايش عنده عرايس

( هو زوجي كله كلااااااااااااااااااام في كلااااااااااااااااااااااام بس يحب يمزح مزح تقيل وماشاء الله يحب يتكلم كتيييييييييييير واحيانا اطفش من كتر الكلام ودايما اسلوبه يعيد ويزيد في الموضوع عشروميه مره)
قولولي كيف اخليه يبطل كل شويه يقولي بتزوج وحده تانيه . مع انه ابوه متزوجه وحده تانيه وندمان وسايبهم في بيت لوحدهم اللي هي مرته التانيه واولاده منها وكلهم فاشلين ودايما زوجي ينتقد ابوه ويقول الله يهديه ليش اتزوج انا مني من الناس المؤيدين للزواج من وحده تانيه الا مايصير في تشتت في العايله والواحد مايقدر يعدل وغلطان اللي يتزوج على مرته؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اجل لمن دا مبدأك لييييييييييييش مطفشني بمزحه اللي يلطفش...استغفر الله واحيان كتييير يجيب الموضوع وانا ماأرد اساله في موضوع تاني ولا اقوله استنى شويه خليني اسمع التلفزيون

لا وفي موضوع ..............هلكني وهو يقولي احملي.... احملي... اقوله مو دحين واهل زوجي بس يتكلموا يتكلموا ....خلفوا تاني و حتى ماما .... انا ماعليه منهم ودايما اسكتهم واقول بدري خاصه اني بشتغل وادرس وعندي امتحانات والله بنتي وحده واغلب الوقت مااجلس معاها اذا مو في الدوام اكون اذاكر
بس عشان زوجي شايف سلفتي اللي ربه منزل مخلفه 5 اطفال وليها 8 سنين متزوجه يقعد يقولي المفروض تكوني حامل في التالت دحين عشان هدي تالت سنه متزوجين لينا لا ويقولي كل الناس بيتسائلوا ليش ماتخلفوا...ودايما اقوله ياسلام لييييييييييييييش هو الواحد كل سنه لازم اكون حامل ايش الهم دا قلتله لو انت اللي ولدت قبل سنه ونص كان ماحملت عمرك بعد كدا واقوله سلفتي وحده فاضيه قاعده في البيت مو زي اشتغل وادرس لا ولسه مانقص وزني بعد ولادتي الاولى لسه زايده 20 كيلو وانا دبه وعريضه فين اروح لو حملت......؟؟؟؟؟؟؟؟ اهل زوجي يقولوا عادي بعد ماتخلصي خلفتك انحفي محد بيمسكك قلت لا والله....ماادري يمكن لأنهم كلهم ماشاء الله اصحاب اوزن تقيله حتى البني مااتزوجوا عشان كدا شايفيني عادي لو دبه.؟؟؟؟؟؟؟؟
وطول الوقت امه واخته لازم تجيبي لبنتك اخوان بعدد عماتها وعمانها :mad::mad:
قلت لزوجي ماادري انت متزوج بقره ولا ايش بالضبط اقوله اخواتك يبغوا يخلفوا بالعافيه عليهم لحد يتدخل في هدي حياتي وانا اقرر متى احمل او اولد ولازم كلام الحريم الطفل ينولد ورزقه معاه قلت بس دا كلام الفقر محنا زي زمان اولدي وارمي في الشارع الواحد لازم يضمن مستقبلهم .. زوجي عنده قرض وبينسحب من راتبه وباقي راتبه بينصرف كامل من بدايه الشهر ونبغى نشتري سياره كمان صح راتبي ولله الحمد كويس بس مايمنع الواحد يشيل من راتبه للزمن الأغبر ؟؟ صح ولا انا غلطانه


لا وكمانيقولي خلاااااااااااص بسافروسيبك لييييييييين مااوحشك مزبوووووووووووووط وشكلي اتزوج وحده هناك تصرف علي وتدلعني واخلف اولاد شقر وارجع بعدين
واحيان خلاص من اليوم ورايح بصيع زي باقي الشباي كافيات وبنات حاوريكي وكله كلام لأنه مايخرج الا معايا بس ليييييييييييييييييييييييييييييش يحب يتكلم كدا ماأدري


ايش رايكم عارفه الموضوع ملخبط بس خلااااااااااااااااااص فاض بي