الله يسعدكم حبايبي نورتوني 💗❤

اول شي الله يرزق كل منتظره يا رب
شنطه صغيره حطيت فيها ٣ او ٤ قمصان ولاده واسعه وكلوتات وشرابين
كنت بالبرد
وحطيت طقم قطن لولدي بلحافهم
و٣ بربتوزات ومداخل ٣ كانت كافيه انا قيصري اخذت ٥ ايام بالمستشفى
اخذت رضاعات قزاز للصغير ووحده انكسرت
علبه مقسمه اللي تقسيماتها جنب بعض وفتحتها تدور تلقونها بسنتر بوينت او رد تاغ بقسم الرضاعات
حطيت فيها كمون ومره كل خانه فيها شي ومحلب وعلبه خوا جوا بزيت زيتون بعلبه صحه عشان تحكمين غلقها
و٣ ايشارب مرتبات يفضل قطن
وما اخذت شمبو لاني ماراح اتروش صعب
اخذت فرشاة اسنان ومعجون ومشط للشعر
ومنديل تشبز للنونو وهم بيعطونك حفاظ للصغير
واخذت حفايظ فام اجنحه
وصلى الله على نبينا محمد

حلو

الله يسعدك ذكرتيني باللي راح وباقي فيني خوف الولاده للحين مع اني خلاص بكمل سنه هههههههه ومبتلشه انزل الوزن الله يقوم كل حامل بالسلامه ان شاء الله..
انا حطيت في الشنطه لبسه بس مع توابعها كنت حاسه اني ماراح اطول والحمدلله ولدت طبيعي وبس من الظهر لين الصباح اليوم الثاني طلعت
حطيت٢ كوافل مع قبوع ولبسه افرول كامل مسكره رجوله وبربتوز و٢ رضاعات قزاز مع مناديل مبلله وبامبرز هذا اللي اتذكر.. وانا ٢ داخلي مع روب مع منشفه واغراضي للغسول وصابون وكنت حاطه علبه ديتول مخفف عشان امسح فيه الكرسي قبل اجلس عليه هذي فكرة وحده من البنات في التجمع الله يسعدها مره حلوه وبس ماخذت أشياء كثيره

استغرب من اللي تكتبت اغراض المكياج وربي ماهمتني ولا فكرت فيها قاعده افكر في الولاده وكان وضعي تعبان وصكني برد مو طبيعي نهاية الولاده صرت انفض لأن جاني نزيف ونسيت اخذ شراب 😭بس الحمدلله كانت بطانيتي ثقيله ولابسه كم طويل ولافه شيلتي وربي من البرد نففففضضني على ان الأجواء كانت حلوه وقتها والحمدلله رب العالمين الله يقوم كل حامل بالسلامه ان شاء الله