اغبى هديه وحدة جابيه لي قميص نوم موديله قديم ومعه كريم يولاي بالتوت باقي شهرين وينتهي شكله بقايا نفاس بنتهاوحدة ثانيه قريبة لي جدا ومقتدره جايبه جلاسه ولادي وكانت توها مخلصه نفاس وهي جايبه ولد وانا جايبه بنت

انا الله يسلمكم عديلتي .يعني هيا متزوجه اخو زوجي
المهم الله يسلمك جابت لي طقم بنطلون وبلوزه لنونو والله يابنات ان الغبار فيها الله يشفيها
بس هيا لما ولد انا قلت لازم اخجلها واجيب احلى منها جبت طقم لنونو ب 100 ريال وتورته وباقة ورد وبطانيه لنونو لانها جابت لبنتي بطانيه
الحين بااشوف اذا ولدت وجبت الثاني على خير وش تجيب بااجي اقولكم ركض

احلى هديه عادي لما كنت عند اهلي كلها فلوووووووووووس يامحلاها
زوجي المصون ربي يحفظه هديته ماتطري على بال احد

احزرو شووووووووووو

كتاب مطبخ منال العالم هههههههههههه الله لايفشنا
انا حالفه عليه ياويله اذا ماجاب في التاني شي مثل الناس لغير اموته

سوري طولت عليكم بس الموضوع رههههههههههههههههيب

لاتزعلين نفسك وماله داعي نوصف هدايا الناس بالغباء ماتعرفي ظروفهم وممكن ذوقها كذا

الموهم انا عن نفسي وعن اهلي والناس اللي حولنا كولهم هدايا النفاس مانستخدمها كلها خاصة اللي مكررة

واغلب اللي تتكرر عندنا الجلسات بكراتينها والعربيات والسيارات

هذي كلها مانفك منها والشي المحترم فيها والفخم نخبيه هدايا لغيرنا

بالنسبة للملابس مو كل شي يناسبك ويناسب ذوقك فننجنب اللي مانستخدموا برضوا

واللي تهديني ملابس عادية وهديتها عادية حبيبتي اعطيها من الهدايا اللي جتني وتعتبر عادية


لاتقولي لي كوني احسن منها لا يعمري انا اعامل كل وحده مثل ماتعاملني وبس


وصديقاتي بصراحه اهتم فيهم وابتكر لهم

ومو شرط هدية خاصة بالمولود

مره اهديت طقم عطر ولوشن وكريم لاخت زوجي

والثانية اهديتها تعليقة مميزه لنفسها



واحلى هدية جتني من زوجي خلخال دهب وبس

موضوعك حلوووووووووووووووووووووو
انا احلى هدية من زوجي طقم ذهب
والهدايا الشينة كثيرة والله استحي اني اجيبها لاي وحده منهم بصراحة الهدية تبين عمزتك عند الشخص اللي مهديها
لا واللي يفقع مرارتي لما اكون متعبة نفسي واجيب لهم الزين
بس خلاص توبت وماراح اعامل الوحده الابالمثل
يمكن لوماجابو شي كان احسن خصوصا لماتكون الوحده تقربلك احسها قويه شوي

ذكرتيني بهدية صديقتي والله كل مااتذكرها انقهرررر جابتلي لوشن وزبدة جسم تقول من امريكا وطبعا كلها مستعمله اللوشن لما ضغطته نزل بسرعه!
ولانجـــري من نعومي مستعمل ميه بالميه ولانجــري ثاني شكله طلع صغير عليها لانها سمينه وحطته مع الحوسه وقميص قطني نص الفخذ حق بيت
ولبنوتتي بجامه من سنتر بوينت مع صدريتها والطاقيه
والمشكله ان القرابيع هذي كلها محطوطه بصندوق يجنن وريحته خياااااااال

وربي يابنات شئ يفشششششششل اهتمت من برا ومن داخل كل شئ مستعمل والمشكله من بعد ماطلعت من عندي كل شوي تتصل علي وتقول لي هاه جربتي القمصان اقولها لأ وترجع بعد ساعتين تسأل لبستيها اخر شئ قلت لها انا نفاس واحس اني متقرفه من نفسي وشلون البس لانجــري وخواتي قالوا مدامها مااستحت قولي لها القمصان مستعمله بس استحيت
ومره تقابلت انا وياها قالت لي ليه مالبستي بنتك اللبس اللي مني قلت بجااااااااااااااااااااااااااااااااامه !!! وربي تستهبل

واهي ولدت قبلي بسنه وكنت توني متزوجه ومااعرف المقاسات حقت الاطفال واخذت لها مجموعه ملابس رووعه من سنتر بوينت اللي تجي بكرتون والبوم صور ولعبتين تتعلق ع السرير وحطيتها بصندوق وهذا اللي قاهرني اني انا كنت جايبه لها هديه ع الاقل جديده وكشخه

والمشكله ان ماديتها ززززززززززينه مآآآآآآآآآآآآآآآآآآره وربي لو ماهي جايبه هديه احسن الف مره


وبنفس اليوم جتني صاحبتي الثانيه وجابتلي ملابس لبنوتتي يمكن 6الباس كل واحد يقول الزود عندي مع مخده كبيره على شكل دلفين وياعمري حاطتها بأكياس عاديه وانا محلفتها ماتجيب لي شئ لان ماديتها مو كويسه وماهي متزوجه ربي يرزقها الزوج اللي يسعدها

نسيت اقولكم قمصان النوم كلها اعطيتها شغالة عمتي وانبسسسطت المسكينه فيها خخخخخ


وووبس