تعالي قولي لنا على أي اساس إخترتي المناطق وليش كلكم تعالو

السلام عليكم

حيا الله احلى معلمات ان شاء الله 😍

هنا حبيت نفيد ونستفيد ونعرف عن كل وحده قدمت ليش اختارت الرغبات المكانيه اللي حددتها على اي اساس وكم منطقه حطت وهل تحسين بقلق من الاختيارات ومو عارفه اختياراتك تمام او لا

ببدا بنفسي انا من القصيم حددت اول شي القصيم بعدها البكيريه قريه قريبه عندنا بعدها حايل بعدها المدينه المنوره بعدها حفر الباطن وآخر شي الشرقيه ..
السبب اخترت الأقرب والمعروف واستبعدت الجنوب والقرى اللي حوالينها لان بعيده مره
ومو سبب البعد بس مو مشكله الطياره تسهل كل شي بس خفت من الطرق بنفس القويه تكون صعبه وخفت من الخدمات زي كذا ولا ماعندي مشكله اروح المسافه ماتعيق



بصراحه انا متخوفه من اختياراتي مدري كذا تمام وصح علي او الترتيب فيه مشكله والعدد مدري شي جديد علي وأول مره اقدم متخوفه واحس بقلق ماعندي خبره ولا خلفيه وهالشي يوترني

بنفس الوقت متخوفه من امكانيات المدارس لان انا صعوبات تعلم ودي بغرفه تمام الفصل يعني
ودي بشبكه بالمدرسه هههه لان كل الدروس منه بس مدري عنهم
غير كذا الجامعه مادربونا زين ع الخطط والملفات العلاجيه وغيرو كل شي سطحي
وهذا مو كلامي بس كلام اغلب بنات القاعه ودي بدوره وفيه بشهر 11 بس اخاف تنزل الاسماء ومااقدر ادخلها مره حوسه وتشتت الله يعين بس حتى مرات افكر لو اني مقدمه اداري من الخوف
لان التدريس أمانه ومسؤلييه ومو اي كلام جد بجد فكيف اذا ماعندي خلفيه عن تدريسنا
حتى التطبيق كان اي كلام والمشرفه جت مرتين بس والجامعه نسويلهم ملفات وحنا مو فاهمين كل شي من النت ننسخه ونغير الكلام بس

بالمناسبه اغبطكم ياخريجات التعليم العادي تدريسكم سهل وبسيط والبنات سوا فرصه ماتتفوت ماشاء الله دعواتكم اني افهم سالفه تدريسنا يارب يارب يسره لي .

ادري طلعت عن السؤال ههههه بس هالشي مهم عندي وحبيت افضفض حبتين


المايك لكم نبي تفاعل يابنات .. عشان نستفيد

الله يحقق امانيكم