** كستناء **
•
ملاحظتك حلوة يام شيماء ولينا
ملاحظتك حلوة يام شيماء وليناملاحظتك حلوة يام شيماء ولينا
خبرة مع اخواني الله يصلحهم
موضوع جميل ،، بالنسبه لي نظامي حيكون باذن الله اصحى الصبح اصلي واحط الغسيل في الغساله واصحي اولادي للمدارس واجهزهم وبعد ما يخرجو افطر ويكون الغسيل تقريبا انتهى احطو في النشافه وابدء شغل ابدء بالحمام اكرمكم الله غسيل سريع ويوم واحد في الاسبوع تنظيف الحمام تنظيف عميق بعدين ابدء بالتنظيف حسب جدولي انا مخصصه غرفه لكل يوم انظفها تنظيف عميق وباقي البيت يكون مرتب من الليل قبل ما انام تقريبا اكون مخلصه على تسعه اصلي الضحى و ارجع انام واصحى الظهر اصلي واجهز لاولادي شي ياكلوه لما يرجعو من المدرسه وبالغالب يكون ساندوتشات خفيفه زي التونه او الدجاج او البيض او غيرها و ادخل المطبخ عشان اطبخ وانا اسوي قائمه للطبخ حق اسبوع وكل اسبوع اجدد القائمه واحاول تكون اغراض الطبخ من خضار وغيره متوفرة ،، بعد ما انتهي من الطبخ ابدء بمساعدة اولادي على المذاكرة الين العصر يجي زوجي ونتغدا وبعد كدا ارتب و انظف المطبخ وابخر البيت ،، و بعد العشا انوم الاولاد واجلس عالنت او التلفزيون او اخرج اقضي مشاويري الى الساعه 11 او 12 بالكثير وندخل ننام ،، بس قبل ما انام بنص ساعه اشيك عالبيت والغرف اذا شي يحتاج ترتيب ارتبه عالسريع واشيل الزبايل اكرمكم الله واطلعها برا واحاول انام والبيت مرتب عشان لما اصحى امسك شغله جديدة وما يكون الشغل متكرر كل يوم
واحب انبه على حاجة مهمه تساعدنا على النظام وتعطينا طاقه ونشاط وهي عدم السهر و وصية رسولنا الكريم عليه الصلاة والسلام بالتسبيح والحمد والتكبير قبل النوم ،،، وقبل هاذا كله الاستعانه بالله تعالى في كل امورنا والصلاة في وقتها والمحافظه على الاذكار
الصفحة الأخيرة