يازين ايام النظام .. لما كنت بنت عند اهلي ماسكه البيت .. اصحی الفجر ونصللي وبعدها اجهز لهم الفطور اخواني كبار عندنا بس واحد صغير بالابتدائي هذا اختصاص امي ماتدخل فيه وبعدها يطلعون للمدارس اصلح قهوه لامي وامسح السيراميك وارتب الغرف واجمع الملابس الوسخه .. غسيل الملابس الاثنين والجمعه .. وانظف المطبخ وجهز للغدا يجي ابوي ممن دوامه الضحی يفطر وبعدها ياخذ قيلوله .. اجهز الغدا لاخواني .. بعد الغدا انظف المطبخ وناام لصلاة العصر اجدد القهوه اسوي حلا او معجنات اعزم زوجات اخواني لبعد المغرب اسوي العشا خفايف عشان النوم بدري .. بعدها اشيك ع البيت اذا يوم الاثنين اكوي الملابس قبل النووم .. وابقی لل 12 او 1 ع الجوال وبعدها اناام . اما الجمعه تنظيف البيت عميييق وغسيل الاحواش وترتيب الخزاين وغسل الغسيل .. الحين تزوجت ومافي نظام هع

ايه صح بالنسبه للمطبخ التنظيف العميق وترتيب الدواليب اختصاص امي ..

منورين الموضوع
حيااااكم

الحمدلله ماانام الاوبيتي تقريباً نظيف تعودت على هالشي
نظامي اصلي الفجر واجهز لبس عيالي للمدارس واجهزالفطور واصحيهم يجهزون ويفطرون واستودعهم ويتوكلون على الله بعدها ارتب خفيف ثم اريح ساعه عا النت لان نوم مايجيني الصباح بعدها اقوم اجهز غداي يجوون يتغدون مع ابوهم واحرص انهم ماينامون ينشغلون بأي شي علشان ينامون بدري بعد الغدا اريح الى العصر بعدين نبدا بالدروس والمتابعه خمسه على راسي الله يحفظهم والابو شايل يده طبعاً المغرب عشاء خفيف ثم ينامون

وعلى فكره ولدي وبناتي صارو يساعدوني بشغل البيت بعد ماااستخدمت لوحة النجوم 😁 جبت فلين وسويت جدول وسجلت اسمائم الولد وخواته اي واحد فيهم يسوي اي شغله من تنظيف ولا ترتيب احطله نجمه واول واحد يجيب 20نجمه له هديه واذا اخطاء بشغله اسحب نجمه من رصيده😂 وصار عندهم حماس الله يخليهم ويصلحهم قولو امييييييين❤️❤️❤️❤️❤️

مرره حلوه طريقتك للنجووم 👍👍