**عــــهـــد**
**عــــهـــد**
الله يجزاك خير ي حبي لطاري رمضان الحمد لله احاول قدر المستطاع ما اضيعه يووووه يارمضان يارب بلغنا اياه والله اكتب لك ودموعي رمضان عشقي انتظره من السنه للسنه قبله بااسبوع انظف البيت تنظيف عميق واخرج بعض الاواني الخاصه برمضان وترتيب درج خاص لها والواتس اطفيه افتحه قبل العشاء اقراء فيه اشوف الاخبار. وبعدها اغلقه لليوم الثاني القرآن ولله الحمد اختمه 5مرات في الشهر كم مره يشرفنا رمضان ليش مانستغله انا ماقلته من باب الرياء لا والله قلت لشحذ الهمم قبل رمضان باسبوع ابد افرزن لمده15يوم لرمضان وخلال ال15يوم اكون خاتمه مرتين ونصف الختمه الثالثه اغراض العيد قبل رمضان مخلصتها لي ولعيالي سفراتنا لاهلنا بحكم اني بالشمال واهلي بالجنوب نروح على نهاية رمضان اهم شي اقضي اغلب رمضان في بيتي التراويح والقيام بالمسجد يااااااه ياليالي رمضان الجامع قريب من بيتي اروح مشي والختمه تكون بالجامع في ليلة29 الجامع فيه افطار للصايمين نشارك انا والجارات معاهم نرسل قبل الاذان ب5دقايق رمضان ايامه عظيمه جليله لازم نستغل كل ثانيه مسلسلات وبرامج ما اتابع في رمضان نهائيا وبعد رمضان اتابع برامج في بدايه المجد الاخباريات ويارب يثبتنا حتى نلقاه طبعا راح اقول يومي ليلة رمضان ننتظر اعلان التلفزيون اذا ماكمل شعبان واول ما يعلنون عنه نهني بعض بدخوله وي فرحتنا في واشغل على الفحم و ابخر البيت واشغل قناة مكه وارفع فيه واصلي بالجامع التراويح وارجع للبيت اقراء جزء كامل. ارتب البيت نسهر للحد الساعه 12او وحده وونام اصحى قبل الفجر بساعه احضر سحورنا واقرا نصف جزء واجهز السحور نتسحر ونصلي واكمل النصف الجزء الاخر وانام واصحى قبل الظهر عندي صغار يفطرون واصلي الضحى وابدا اجهز للفطور اخرج اللحمه اكون مجهز صلصة الشوربه قبل كم يوم واوزعها بعلب لمده15يوم بالفريزر واجهز البيت واقراء جزء قبل الظهر اصلي الظهر يصحون بناتي الثنتين الكبار ولاعندي الاهم ههههههه الله يصلحهم ويحفظهم لي يصلون الظهر ويقرؤون القران ويجلسون مع اخوانهم وانا انام لي ساعه اصحى قبل العصر لازم اقرا جزء بعد العصر مايمديني لاني ابدا اجهز الفطور وياخذ وقت فطورنا لازم الشوربه والسمبوسه واللقيمات واحضر صنف من المعجنات كل ليله نوع بالجبن او البيتزاء وزعتر سبرنق رول التمر مع القشطه العصير الماء والبنات يصلحون لهم صنية مكرونه او منتو وي كثر طبخاتهم قبل اذان المغرب بنصف ساعه اكون مخلصه واخذ لي دش سريع من ريحة القلي ووحده من البنات تكون منظفه المطبخ ونحضر السفره ونفطر.ويخلص يومنا وبعد المغرب ابخر البيت و اقرا نصف جزء لان زوجي يرجع يتقهوى ونسولف مع بعض وبعدها نبدا نتجهز للتراويح ووحده من بناتي تروح معاي تصلي والثانيه مع اخوها الصغير والليلة الثانيه تروح اللي جلست مع اخوها معي يعني يتبادلون وحده تروح والثانيه تجلس تهتم فيه واروح مع الجارات ونرجع لبيوتنا واحيانا نروح نتقهوى ساعه عند وحده او عندي وبدا اكمل نصف الجزء تبع بعد المغرب واقرأ جزء صلاة العشاء يعني اخلص اول يوم من رمضان مختمه6اجزاء ولله الحمد وبعدها انام ساعه واذا جاء زوجي احضر اي شي موجود ونسهر ساعه او ساعتين اهم شى انام ساعتين باليل لان اولادي يالله ينامون بالقوه النوم عندهم وانتهى يومي ماقلته لكم الا لاجل اني ارفع هممكم ورمضان ماندري نبلغه او لا لكن من يبلغه منا لايفرط فيه هي اعظم الايام عند الله ومن عظمها نزل فيها القرآن اللهم بلغنا رمضان لافاقدين ولا مفقودين ....... كتبته لاحدى الاخوات في المجلس وزدت عليه اضافات ونسخته لكم هنا والف شكر عهد
الله يجزاك خير ي حبي لطاري رمضان الحمد لله احاول قدر المستطاع ما اضيعه يووووه يارمضان...
ماشاء الله عليك ،ً،،،، ياه عيشتيني اجواء رمضان من جد،،،،الله يعطيك العافيه وفعلا نظامك يفتح النفس ماشاء الله عليك وربي يحفظك من كل شر،،،


وجزاك الله خير حبيبتي،،،
Shaden Ahmad
Shaden Ahmad
اللهم بلغنا رمضان لافاقدين ولامفقودين اللهم اعناعلى صيامه وقيامه واجعلنا من المقبولين فيه
نظامك يالانا ياعيوني مره روعه الله يسعدك
آناقة حرف♬
آناقة حرف♬
رمضان هالسنه متحمسه له كثير
العام ماتهنيت فيه ولا في عيده < كنت تعبااانه
**عــــهـــد**
**عــــهـــد**
رمضان هالسنه متحمسه له كثير العام ماتهنيت فيه ولا في عيده &lt; كنت تعبااانه
رمضان هالسنه متحمسه له كثير العام ماتهنيت فيه ولا في عيده &lt; كنت تعبااانه
امين يارب العالمين..


الله يبلغك ويبلغنا فيه ياكرررررريم....ويعيننا على صيامه وقيامه..
مااارس
مااارس
رفع ...