بالنسبه لشعر الشنب..انا الف اول الخيط على ابهام الرجل وواخليه طويل نسبيا تقريبا بطولي..والفه على ثلاث اصابع من اليد اليمنى "ابهام_ سبابه_ وسطى" وطرف الخيط امسكه بيدي اليسار..وابدا احف..احطه على الشنب واشد ابهام رجلي ويدي اليسار..وينتف الشعر..يعني ابهام الرجل عوضاعن الفم لما تشيلين اي مكان ثاني..مو تعقدين الخيط وتحطينه في فمك؟؟ طبعا انا احط رجل على رجل..وابدا الحف واحرك رجلي زي كاني افرد الرجل مو الساق كلها تصير حوسه زي اللي ابغى اطقطقها يعني..واخلص في اقل من خمس دقائق وكذلك لباقي الوجه..
واللي ما فهمت تعلمني:32::32: لاني احس محد فهمني لاني مو فالحه في الشرح..بس من عيوني اوضح اذا احتاج الامر:27::27:



اختكم..
سبائك العسجد..

هلا بنات

:21:


سندريلا
العفوة حبيبتي،،،بس ارجو منج انج تخبرينا بالنتايج

سمراء عدن
شفتي عااد،،كل شي في هالزمن صار انترنت
وشكرا على الرد

sugar
هلا،، ومشكورة على الرد
والله ماعرف،،بس كل بشرة مختلفه عن الاخرى

ميلودي
مشكووووورة،،، تعبتج

سبائك العسجد

هلا والله،،،شرحج اوكي بس مافهمت،،،

انا اللي اعرفه انه مبدأ شيل الشعر بالخيط،،لازم يكون فيه خيط من فوق ومن تحت الشعره
وفي طريقتج لما سويتها لفيت الخيط على ابهام الرجل،،ولفيته على اصبع ايدي الثلاث

والباقي من الخيط مسكته بأيدي اليسار،،اللي صار عندي خيط واحد مستقيم،،ممكن توضحين خطأي،،

وشو قصدك انه نعقد الخيط،،انا اشوف في الصالونات يعقدونه،،،ويحطونه في حلوجهم

ويشيلون،،،:06: :06: ،،بس كيف الطريقه((يعني اذا بغينا نسوي حق شخص ثاني))

وياليت اذا ما فيها ثقل دم،، انج تكتبينها على شكل نقاااط






ادري قرقرت واااايد،،،بس ادري قرقرتي فيها فايده خخخخخخخخخخخخخ

:05: :05:

شوفي حبيبتي..انا غلطانه لاني نسيت اهم نقطه وهي انك تلفينه الخيط4 او5 لفات يصير مبروم زي الحبال يعني
عشان ينمسك الشعر بين البرمات..فهمتي علي؟؟
المهم الشكل الناتج..خيط من رجلك لين يدك..ينلف حول 3 اصابع"مذكورين سلفا" وبعدين 4 برمات وبعدين ينتهي بين سبابه وابهام يدك اليسار..الحين ارفعي يدينك بمستوى شنبك..افتحي اصابع يدك اليمين..زي الصاجات تقريبا زي ما قالت الاخت ميلودي..وحطي المكان اللي فيه شعر في الدائه اللي كونتها اصابع يدك بالخيط وبعدين كانك تلمين اصابعك..وفي نفس الوقت تشدين الخيط بيدك اليسار..
اتمنى انها تكون وصلت..
اما لما تشيلين لشخص اخر..
1-تعقدين طرف الخيط وتحطينه بين اسنانك..
2-بعدها تلفينه على اصابع يدك..وتسوين البرمات اللي تكلمنا عنها..والطرف الثاني بيدك اليسار..
3-تكررين الكلام اللي فوق ..تحطين منطقة الشعر في الدائره اللي سويتيها باصابيعك..وتبدين تلمينهم وتشدين بيدك اليسار وارفعي راسك وبكذا الدائره تصغر وتقرب البرمات من جهة يدك اليسار للجهه اليمين وفي طريها تشيل الشعر لان البرمات تمر على المكان وتاخذ الشعر بينها..
اتمنى هذي تكون وصلت بعد..
واذا ما فهمتي عيوني امري..وارد اشرح لك مره ثانيه..



اختك..
سبائك العسجد..

هلاااااااااااااااااا سبوكه


الله يعطيج الف الف عافيه الصراحه كفيتي ووفيتي

السلام عليكم

من عيونـــــــــي يا قمر الامارات


انا جمت اشيل بالخيط لنفسي....وتعلمت خلال كم يوم...اجيب الخيط واربطه على شكل دائراه...وبعديناستخدم ايدي الثنتين بحيث اني الف اول شي الخيط ثلاث لفات او اكثر...يعني يعطيني رقم 8 بالانجليزي..وجبللا اشيل...احط بودرة جونسون مكان الشعر...وابدي اشيل..بحيث اني افتح جانب واضيج جانب.وبحركه سريعه..والعمليه عكسية...وعلى كذيه لحد ما اخلص..واصلا من تبدين...خلاص ما تحسين بالالم الا في اول شي...وبصراحه سهله وحلوة


وهذي طريقتي انا

وتحياتي