تعالي نحب بعض

اختي في الله العربيه المسلمه الموحده بالله ايه اللي حصل لك؟ليه اصبح كل اهتمامك مكياج فلانه وفستان فلانه وتجريح فلانه فين حنان المراه العربيه تجاه اختها في الله فين غيرتنا على بعض انا حزيييينه جدا اننا احزاب اللي من الدوله الفلانيه نازله اهانه في اختها اللي من دوله اخرى وتعالي كانها صاحبة قدرها وهي لاتعلم ان الله قادر على تغيير الاحوال في لمح البصر بدل ما ناخد بايدين بعض وانا اقول لك عيوبي وعيوب بلدي وانتي تنصحيني اغيرها ازاي او المزايا عشان كلنا نعملها لا بقينا بنفتش على كلمه نجرح بعض بيها ليه؟ ايه السبب هو ده اللي وصلنا له التفكك والاهانات كلنا في الاخر عربيات وفي الاخر ترااااااااااااااب يعني ولا حاجه اختي في الله ياريت نحب بعض ونخاف على بعض ونهتم بامور اكبر ازاي بدل ما ادفن راسي في الرمل لا اساعد في حل الناس اللي عايشه في برج عالي مش حاسه ولا مهتمه غير بذاتها وبس انزلي بصي على جارتك شوفيها يمكن تعبانه او محتاجه مش يمكن في يوم وليله الحال يتبدل ؟ اصحوا وفوقوا بلاش نضعف اكتر كفايه اللي احنا فيه واللي بناتنا وشبابنا فيه لحد امتى هنخبي لحد امتى لما نشوف حد غلط نجري ونقول مش من بلدي دي جنسيه تانيه لو كان كده كانت خلصت واتحسمت كنا عرفنا ان الدوله الفلانيه في الجنه والدوله الاخرى في النار لا يا اختي النار والجنه مش بالجنسيه يللا نساعد بعض متهيا لي جه الوقت عشان نفوق بعض من النوم والابتلاء اللي وصلنا له ورنا يسعد كل امراه عربيه مسلمه ويهدي كل اخت غلبها شيطانها ويارب يعلي شان كل الدول العربيه والمسلمين اللهم امين اسفه اني ازعجتكم بس من غيرتي على عروبتي واسلامي