كل عام وانتوا بخير خواتي وتقبل الله منا ومنكم صالح الأعمال
أجل اللي شفته انا في العيد شي يضيق الصدر وكان ودي أكتب فيه لكن ما صار عندي فرصة ..
اللي ضيق صدري لبس بعض الحريم هدانا الله وإياهن ... مو اللي متعودين نشوفه كل مرة لا ...لكن ضاق صدري من بعض الحريم اللي متعودين منهن الحشمة والستر ،،، لابسين لبس لا يليق بهن ،، ياحسافة ،، شاللي صار بالدنيا ؟؟ وإذا كانت تبي تتزين لزوجها أهمس في أذنها أقول : حبيبتي زوجك تزيني له في بيتك في غرفتك البسي كل اللي بخاطرك وإذا أشبعتي حاجاته ياعمري ماراح ينتبه للبسك خارج البيت طلعتي مفاتنك والا لا .. وأذكرك بقوله تعلى : " ومن يتق الله يجعل له مخرجا ويرزقه من حيث لا يحتسب " وفي الحديث من ترك شيئا لله اعانه الله عليه ، وفي الأثر : من ترك شيئا لله عوضه الله خيرا منه ... وأبشركم ترى الموضة الحين رجعوا للكم الطويل والملابس الوسيعة وان شاء الله تتحسن البضايع اللي بالسوق للي يبون الحشمة اللله يستر علينا دنيا وآخرة قولوا آمين ..
شكل أبوك بردت حرته من العيدية اللي اخذتيها منه
على فكرة آخر روج شريته كان لونه فووشي