تعالي هنا يابنت ال......قبل لا أعطيكي بوكس ........؟؟؟؟؟؟؟

السلام عليكم و رحمة الله و بركاته

بنات انا عندي بنت صغيره وحده الله يخليها لي عمرها 7 شهور
كنت ازور اهل زوجي أول كل فين وفين يعني في الشهر مره واختار وقت مايكون عندهم احد يعني وسط الاسبوع وبعد الساعه عشره على اساس مافي لغلبة اطفال العائله واحب الرواق

دحين اهل زوجي اخترعولهم جمعه كل خميس العشا عندهم المهم
مو مشكله


المشكله فين انه اخوات زوجي وحتى سلايفي اتنين وهما من نفس عيلة زوجي وكمان أولادهم طول الوقت السب في لسانهم وبعدين كلمات محترمه والله العظيم انه انا الكبيره انكسف اقولها وعيب في عيلتي اساسا

يعني اخت زوجي امس تقول لبنتها تعالي هنا يابنت البقره قبل لا اعطيكي بوكس اغير ملامح وجهك :o:o


أنا نهبلت لمن سمعت الجمله دي وصار شكلي كدا :23:

لا وبعدشويه سمعت البنت تقول لبنت سلفتي يابنت البقره تعالي هنا
طبعا دي الكلمه مررررررررررره محترمه جمب باقي الكلام
اللي لو اقوله يشطبه عضويتي من المنتدى

والأطفال مرررررررررره مايفرقوا بين كبار وصغار يسبوا الكبار اللي هما احنا حريم عمانهم و خيلانهم وينادونا بإسمنا :44::11:

و ممكن الحاله توصل ل :024:و قد صارت بنت اخت زوجي ضربت عمتها بالصحن في خشمها كسرته

المهم دحين بنتي صغيره وماتفهم بس كيف اقدر ماأخليها تصير زيهم ماابغى اسمعها تشتم احد

احنا في عيلة اهلي مرررررررره عيب دا الكلام


قولولي كيف اقدر امنع بنتي بس تكبر شويه انها تلقط دا الكلام خاصة انها حتسمعه منهم :44::44::44:

واللي تبغى تدخل وتقعد تقول انه لازم تعيبي على اهل زوجك و من دا الكلام رجاء لاتردي انا ابغى حل ماأبغا مثاليت مالها داعي