ماشاء الله تبارك الله لا قوة الا بالله
اخباركم ان شاء الله تمام
وكل عام وانتم بخير
وينعاد عليكم بالخيرات
لي فترة احاول انزل طريقة تفريز اللقيمات بس والله مشاغل وتعب الحمل الله يتمم على خير
وهي في الاساس طريقة امي الله يشفيها
ندخل في الموضوع >>>
هذي عجينتي 2 كاس دقيق ابيض وربع كاس نشاء ربع ملعقة صغيرة ملح و1 ملعقة صغيرة قرفة مطحونة او هيل مطحون اوحبة سوداء >>>>> حسب الرغبة
و1 ملعقة صغيرة خميرة فورية وربع كاس لبن زبادي دافي
وواحد وربع كاس ماء دافيئ
زيت للقلي وقطر للتسقية
1- اخلط النواشف مع بعض
2- وبعدين اضيف السوائل واعجن
3- واخمره ساعة كاملة
4- وبعدين احرك العجين باصابع يدي ليخرج الهواء من الداخل
5- ونبداء بالقلي بواسطة ملعقة صغيرة اغمس الملعقة في طاسة صغيرة فيها زيت نباتي عشان ما تلصق العجين
هذي طريقتي وممكن اي طريقة انت مرتاحة لها >>> عادي كلها تصلح للتفريز
الطريقة انك تقلي في زيت معتدل الحرارة نصف قلية >>> يعني ما تقلي للنهاية بس تبداء العجينة تتماسك فقط تشيليها على طووووووول بدون ما تتحمر يكون لونها مصفر >>>>>> مدري كيف اشرح المهم تكونوا فهمتوا علية :29:
الصور توضح الشرح
هنا بعد التجميد
وهنا بداية القلي
وهنا بعد القلي وبعد ما سقيتة بالقطر
وان شاء الله يكون كل شي واضح وما يكون مكرر
معليش يا بنات انا استخدمت المجمد عندي وما سويت الطريقة خطوة بخطوة من البداية لاني مع هذا الحمل :04: تعبانة ومكسلة اسوي حاجة
واي سؤال انا حاضرة :luvkiss:
استودعكم الله
يديكي العافيه