تعالي وسعي صدرك مع طلاعت حبي لأطفالي وقولي لرومانسية وداعا

جيبي شاهي وأستمتعي بالفلم السعيد

أخر نفاسي شبت فيني الدمامل وكل دمل يروح يمسك الخفاره دمل ثاني
رحت لطبيبة وعطتني مضاد أستمر عليه عشرة أيام وأنا ماخذه قبل حبوب منع الحمل
فعلى شان يروح الدمل لازم أخذ مضاد والمضاد يضعف المانع وإذا ضعف المانع صبت السيول ..والمفتاح عند النجار والنجار يبغى فلوس
المهم ..خذت المضاد وخف المانع وصبت السيول واليوم بطلع من الأربعين

شاورت أبو الشباب قال ينفع العيد بلا حنا

تجهزي وبجي أخذكم

عاد أنا ماقصرت قصيت وصبغت وسويت اللي ماتسويه عروس

وخليت العيال عند أختي ورحت مع زوجي نتعشى على بالنا معاريس

وداني لمطعم "حديقة التاج"ونزلت من السيارة ألا وأشوف ذاك الهندي أللي رازينه عند الباب وملبسينه أحمر وعليه شنب لو يحكه غاصت يده

عاد أنا من الشفاحة أمشي وراسي ورى أناظر الهندي:freak6:
وفجأه

دووووووووووب


صقعت في الجدار

ومن الفشيله ماهمني الوجع قعدت أتلفت لا يكون أحد شافني

والحمد لله زوجي كان سابقني

وندخل غرفة حلوه وبعد ماجابو العشاء شلت الغطوه على شان يشوف الزين

ومادريت ألا وهو يزعق


وش هذا؟؟؟؟

قلت ليش ماأعجبك شكلي على الأقل جامل

قال وش هالدم أللي فيك ؟؟

وأتحسس جبهتي ألا وذاك الراس الثاني وأطلع المراية وأشوف وحده ثانية ألتفت أحسب أحد وراي

وأمسح وأحاول أتصبر==كني هالبزران يوم شفت الدم حسيت بالوجع

ويجي زوجي بيخفت الأضاءة وشوي شوي


دووووووووووووووووووووب

أنكسرت اللمبه

وتناثر القزاز على الأكل

ياشين القراوى إذا لعبو على أنفسهم:D

خلصنا من المطعم ورحنا ناخذ العيال

وصلنا ونومتهم
وأروح أغير وألبس ذاك القميص :35:

وأحاول أعدل شكلي وأنزل شعر على جبهتي المورمه===مصممه على ليلة رومانسية



وبكل رومنسيه يجيب زوجي هديته ونقعد "هنا مشفر وممنوع من العرض"طوووط

عاد لا يروح فكركم بعيد الدنيا مازالت على خبركم سيل والدفاع المدني يحذر من الأقتراب:hahaha:

المهم بديت أفك الهديه
وشي الهديه












أدري فيكم شفاحه مثلي





الهديه ساعة




وفي هذه اللحظات الرومنسية ينقطع الأرسال العاطفي بصياح بنتي :04:

وتحلف أنها ماتسكت ألا لما تشال
وأشيلها ويجي أبو الشباب يلبسني الساعة
وألبسها
وفجأه يعلو صراخي وصراخ زوجي==قلبنا فصحى
وش صار؟؟





















بنتي أستفرغت على يديوعلى












الساعة:06:

قمت أغسل وأدخل الحمام
وأفك الحنفية ===مافيها مويه
وأروح أجرب حنفية المروش ...شوي ..ويصب المروش علي
ويخرب التزين
هنا أنا خلاص وصلت حدي قلت خلي الرومانسية لأهلها ويالله ننام
ونمنا:39:

شوي وأسمع صياح ولدي
وش فيك ؟؟
حلمت أن الولد طقني
وسميت عليه ونومته

ونمنا:39:

شوي وتصيح بنتي
وش فيك؟؟
نسيت عروستي ويمكن شغالت أخوالي ترميها
قلت نومي وبكلمهم بكره قبل ماترميه

ونمنا:39:

شوي ألا وزوجي رايح للحمام وجاي
شوي وأنا أتبع خطاه للحمام

وش صار

تسمم بعد المطعم

وأنتهت الليلة الرومنسية

:11retcher

المنحوس منحوس ولو حطو فوق راسه لمبة يشغلها ماطور