تعالي وطلعي البنت اللي جواتك صارلك حابستها سنين

السلام عليكم
كيفكم ياحلوات كثير اشياء تعلمتها منكم ياحوائيات في الطبخ ولا البشره ولا الشعر والخ
واليوم عرفت اسرار اكثر وابسط كنت اجهلها اسرار تخلي كل وحده توصل للبشره ترضيها وتحسسها بالثقه
الاسرار هذي عرفتها من خالتي خاصه اني على وجهه زواج وتعرفون كل بنت تحب تكون لها طله حلوه دايما حتى لو ماتزوجت "الله جميل يحب الجمال"
وترى الاهتمام هو الجمال كله
كثير من البنات ياخذون دوش وبعده لوشن وحمام مغربي مره في الشهر
لكن هذا الشي مايكفي عشان توصلي لنتيجه جباره وترضيك وتخليك دايما مستعده لأي مناسبه في كل وقت
خالتي دايما مستعده ماشالله عليها لو قالت لها وحده تعالييني عندنا عزيمه ولا عندنا حفله ولا جمعه جيران او صديقات اوغيره حتى لو بنفس اليوم تروح بدون شيله هم

وسألتها عن سر جمالها الدايم ونظافه بشرتها "ماشالله تبارك الله"

وقالتلي :
بقولك عن اشياء بسيطه اسويها مع حمامي اليومي ماتاخذ وقت وتعودت عليها ولو ماسويتها احس نفسي ماكأني تروشت وماكون مبسوطه

ازيت شعري كل يوم قبل مادخل الحمام"وانتو بكرامه" بربع ساعه بزيت السمسم "اختارو الزيت اللي يناسبك مو شرط سمسم "
واذا دخلت الحمام "وانتو بكرامه"اغسل شعري واحط بلسم وضروري يابنات تغسلون شعركم بمويه بارده ابعدو عن المويه الحاره قد ماتقدرون
بعدها ارفع شعري عشان ماينعدم بالمويه الحاره
واعبي البانيو مويه حاره او مايله للحراره للي جسمها حساس واجلس فيه خمس دقايق
وبعدها اطلع واعبي جسمي بخلطه من هذي الخلطات وخليها جاهزه عندك دايما في الحمام:
بكربونات الصوديوم على الركب والاكواع والاماكن الغامقه بس بشرط ماتكون البشره حساسه
واحط على بقيه الجسم ياخلطه الصابونيه او خلطه من :
زيت زيتون




+قهوه تركيه



+سكر


+ليمون



او احط :
صابونه دوف وصابونه غار ابشرها




+جلسرين سايل



+ليمون
او :سدر


+ليمون

+زيت سمسم




او:صابونه بابايا


لوحدها لو خلصت خلطاتي وانشغلت ماسويت خلطات لان معروف البابايا كيف تفتح وتنظف بس مو معناته ماسوي خلطات واتكاسل
الخلطه حقت الجسم اخليها 5 دقايق وبعدها اجيب الليفه وافركها واغسل بمويه بارده

على وجهي احط السدر والليمون وزيت السمسم
او شوفان ونشا معاهم يازبادي


او مويه ورد



و دايما معي ابره الرؤوس السودا بكل دوش
بعد ماامسح الخلطه من على وجهي ابدا انظف خشمي مع انه مايحتاج لكن عشان ماتتراكم وتصير رؤس سودا
طبعا القناع اللي على وجهي بيكون لمده 5 دقايق او عشر دقايق غالبا احطه قبل مادخل البانيو عشان اكمل 10 دقايق

وقبل ماطلع من الحمام ارش جسمي وجهي بمويه ورد حطيتها في بخاخ وبعدها احط بيبي اويل والبس ملابسي واحط على وجهي كريم مرطب جونسون او اولاي او احيانا زيت جنين القمح

بنات الحمام هذا كله مااخذ منها الا 20 دقيقه
وسهل وبسيط
هذا الاهتمام اليومي او يوم بعد يوم يخليك مع الايام ورده مفتحه يزيل الذبول والخشونه ويطلع البنت اللي جواتك :pinklove: وصارلك حابستها سنين

طبعا ومانستغني عن الحمام المغربي الاسبوعي او كل اسبوعين اقل حد
في صابون مغربي بزيت الاورجان تلقينه في نزيه مع ليفه الليفه هذي دماررررررررر تشيلك الجلد الميت من قلب انا مجربتها انصحكم فيه

ولاتعتمدون يابنات على الاهتمام قبل المناسبه بيومين لان في فرق بين الاهتمام من فتره ومداومه عليه او الاهتمام قبل بيوم ويابنات انا اذا اهتميت قبل بيوم او يومين اصير مضغوطه ومتوتره بس انا بديت اعتمد جدول خالتي وان شالله ارتاح حتى لو احد طب علينا فجاه ماكون متوتره وشكلي غير مقبول

ولاتنسوني من الدعاء انا وخالتي الله يسعدها اللي ماخبت علي شي وخلتني ابدأ اهتم وفتفحت عيوني على اشياء كنت اجهلها