بسم الله الرحمن الرحيم ...
كيفكم ياحلوات ان شاءالله اكوس شي J
بالصراحه الصريحه اني اليوم بتفلسف على روسكم شويات
والله يابنات كل اللي بكتبه اليوم من حبي لكم واعتبركم اللي عمرها تحت ال 19 اختي الصغنتوته
واللي فوق اختي الكبيره <<قولي قصم :icon20:
المهم انا قد نزلت موضوع عن حب الذات
هنــــــــــــــا
شفت تفاعل منكم بصراحه اسعدني كثير ماتوقعت يأثر لهدرجه
بس اللي حزني في بنوتات محطمات واللي تقول ياليتني واثقه من نفسي
وانا ارد عليهاااا وبساعدها بموضوعي هذا
J
مدخل ~>
سـئـل نـــابليـــــون :
كيف استطعت أن تولد الثقة في نفوس أفراد جيشك .؟!
فأجاب : كنت أرد على ثلاث بثلاث ؟؟
- من قال لا أقدر ... قلت له ... حاول .
-
من قال لا أعرف ... قلت له ... تعلم .
-
من قال مستحيل ... قلت له ... جرب .
كلمات بسيطة وسهلة ولكنها ذات تأثير كبير في النفس فقط نحن محتاجون للإيمان بمدى تأثير هذه الكلمات فهل سنحاول ونتعلم ونجرب ؟؟
تكلمت بموضوعي الاول عن الرضا عن النفس وحب الذات
وهو موضوع مرتبط ارتباط وثيق بالثقه بالنفس
..قاعدين بجمعه كبيره من الناس وكنتي مرتبكه واذا احد طالع فيك شكيتي بعمرك
اثنين يتكلمون قدامك تحسين انهم يحشون فيك
مثلا سألك دكتور بالقاعه سؤال تلعثمتي وقلبك طلع من مكانه
دايم تقولين انا انا وانا خايفه الناس يشوفون نقص فيك
خوف قلق ............
هذا هو عدم الثقه بالنفس..
ووووووووو مظاهر كثيره تدل على انعدام الثقه
اول شي
الثقه بالنفس
الثقه بالنفس مو انك تعاندين ولا يكون اسلوبك جارح وقوي ولا هي انك تودسين على غيرك لانهم اضعف منك ولا هي انك تتمسكين باراء خطأ وتفرضينها ولا هي انك ماتعترفين باخطائك ولا هي انك يكون الحياء منزوع منك
الثقه بالنفس هي ايمان الشخص بقرارته وبقدراته وبذاته
وهي شعور تعطي الانسان راحه عجيبه وتخليه ثابت في قراراته مؤمن بقدراته
الواثق من نفسه انسان ناجح دايم يطور قدراته لا فشل حاول مايخجل من النقد ويستغله لصالحه
لايخجل من قول لا اعرف ..عشان يعرف ويتعلم
انسان مايقول ما اقدر واثق من قدراته يحاول يجرب
يطرح ارائه بثقه
الثقه بالنفس تخلي الانسان محترم والكل يحترمه
تيب حبوبات تبين تستعيدين ثقتك معاي
يالله نبدا
لاتخلين نفسك بالظلام والوحده والعزله لو ملكتي عيوب الدنيا
فيك من المميزات كثير ماكتشفتيها بنفسك ..
شوفوا ياحلوات الثقه حاجه تكتسبينها وتطورينها مو تقولين هذا ثقته بنفسه عاليه من يوم ما انولد
هو اللي مطور كل ذره فيها
يقولك
اول شي
حبيبتي شوفي وين اساس المشكله ..
ليه منتي واثقه من نفسك
هل بسبب شي تعرضتي له انتي صغيره ؟!
هل هي حساسيه مفرطه
ولا تأثر سلبي بنجاح الاخرين
هل بسبب مقارنه بينك وبين شخص اخر او بسبب جرح اوو اسباب كثيره
كل وحده وسببها
شي ضروري تعرفين السبب عشان تقدرين تعالجين المشكله
كوني صريحه مع نفسك واعرفي السبب؟!
عرفتي السبب
اغلب الاسباب يكون من اشخاص حولنا
حطي فبالك انهم ناس جاهلين وضعيفين بالاساس وطنشيهم ولاتعطين كلامهم أي اهتمام
هذا اول شي
الشي الثاني
في داخلك اعتقادك
حطي فبالك انك تبين تغيرين شخصيتك حطي فبالك انك واثقه بنفسك عشان هذا الشي يكمن في داخلك
ويبرمجه دماغك ويمشي عليه
انتبهي تقولين انا فاشله او أي شي عن عدم الثقه عن نفسك
لان سبحان الله أي فكره تحطينها فبالك ياخذها عقلك الباطن ويمشيك عليها
الزبده من هالنقطه
لاتحبطين نفسك ابد خلاص ستوب تخلصي من هالعاده السلبيه هذي شليها من حياتك
ثالث شي
دوري اشياء مميزه فيك ومواهب عندك ونميها هالشي بيزيد من ثقتك بنفسك
لان الانسان اللي مواثق من نفسه يشوف نفسه نظره دونيه يشوف انه شخص فاشل ماعنده أي مميزات
انفظي الغبار ولمعي نفسك وبتلقين فيك شغلات كنتي غافله عنها ويمكن تزيد اعجاب الكثير فيك وتزيد ثقتك بنفسك
ثالث شي
تحملي مسؤليه أي شي لاتقولين خايفه تغلبي على أي خوف قوي نفسك وخلي عندك احساس بالمسؤليه
رابع شي
حاولي تناقشين وتشاركين اللي حولك برايك لا تخافين وتغلبي عالخجل ابدأيها باشياء بسيطه بعدين
شوي شوي بتلقين نفسك تناقشين وتطرحين رايك
خامس شي
لاتقارنين نفسك بأحد ابد هذا دمار الثقه بالنفس هذي احلا مني هذا اعلا مني
بأستطاعاتك تكونين اعلا منه اللي خلاه فوق يخليه فوق هي عندها انتي عندك وفي اشياء مو عندها ربي عطاك اياها انتي
وخليك مماشيه ناس ايجابيين وابتعدي عن اللي يحبطونك J
خليك قويه وحاولي ابرزي نفسك ثقي بنفسك وصدقيني مافيه شي صعب والله مافي شي صعب
ابدي من نفسك بالداخل اول شي وبعدين بيبان على شخصيتك
لاتقولين ماقدر حاولي مره مرتين 3 وان شاءالله تنجحين
نروح لنقطه ثانيه ..
خاصه بالامهات
من الضروري غرس الثقه بالطفل من هو صغير
لان الطفوله هي الاساس هي الحجر اللي ينبني منه شخصيه وثقه الانسان
لازم تغرسين ثقته بنفسه عشان تكبر معه
وما تأثر عليه لاكبر
تلقين الاطفال اللي ما انغرس فيهم الثقه
عدوانيين او خجولين اوحقودين تلقين في سلوكياته شي غلط
اذا شفتي احد هالاشياء بطفلك انتبهي عليه
ومن اكثر المشكلات عند الاطفال الخجل الزايد
هو اللي دمر الاطفال
واذا تبين تتجنبين طفلك يتعرض له
انتبهي!!
تنتقدينه ..
لاتنتقدينه شخصيا انتقدي الشي اللي سواه
حاولي تفهمينه
وليه سوى كذا
تجينه بالكلام الحلو تعلمينه
انتبهي !!
تنتقصينه
اكثر شي يهز ثقة الطفل وتخليه خجول ومنطوي
لما احد يذمه
مثلا مدري منين جا
اشين اخوانه
شين ماطلع يشبهني انا وابوبه
ترى الطفل يحس
حرام تهزين شخصيته
انتبهي !!
تفرقين بينه وبين اخوانه
هذا الشي بعد يحسسه بالنقص
مثلا تفرقين وبينه وبينهم لان فيه عيب
مثلا اعرج او سمين او غيره
انتبهي !!
ماتحسسينه بالامن
والطمئنينه وماتعطينه حنان
لانه تاثر عليه تخليه قلق خجول
انتبهي!!
تجرحينه وتنتقصينه وتهزئينه قدام الناس او قدام اطفال معه
هذا يهز الطفل مره من داخل
اللي يكسر الخاطر لما اشوف في احد من المجمعات طفل خرب يروح ابوه يضربه قدام الكل
ليه حرام تصرف مررررره غلط
انتبهي !!
تخلينه تابع وتفرضين سيطرتك عليه
او تمسخرين على ارائه
خليه يعبر عن رايه
وخذي رايه بعد
اذا تبين تغرسين الثقه بطفلك
1-شجعيه وقوليله المميزات اللي فيه
2-لاتنتقدينه ابد
3-اذا سوى شي لو بسيط اثني عليه
4- علميه على تحمل المسؤليه وكليه على اشياء بسيطه بشرط ماتكون تفوق مهاراته
5-شجعيه على الحوار وخذي برايه
واخر شي تذكري اذا تبين طفلك يمر مراهقته ورشده مثل ماتبين اهم شي تزرعين ثقته بنفسه
ويارب يخليلكم اطفالكم J
مخرج
** رؤيتك السلبية لنفسك سبب فشلك في الحياة .**
** إذا كان لديك مشكله فإنها لن تحل إذا أنكرت وجودها.**
يارب افدتكم بشي بسيط
وبس موضوعي جهد شخصي اتمنى ذكر المصدر عند النقل
اسفه ع السؤال بس اسلوبك ذكرني بوحده ياليت الرد ع الخاص افضل